https://arm.sputniknews.ru/20220116/kvorupcivon-riskery-kentrvonacvum-en-mek-ketum-pvordzagety-atestatnery-tvajnacnelu-masin-37592316.html

Կոռուպցիոն ռիսկերը կենտրոնացվում են մեկ կետում. փորձագետը` ատեստատները թվայնացնելու մասին

Կոռուպցիոն ռիսկերը կենտրոնացվում են մեկ կետում. փորձագետը` ատեստատները թվայնացնելու մասին

Sputnik Արմենիա

Կրթական հարցերի փորձագետ Ատոմ Մխիթարյանը Sputnik Արմենիայի եթերում անդրադարձել է ԿԳՄՍ նախարարության օրենսդրական նախաձեռնությանը, որով հիմնական կրթության... 16.01.2022, Sputnik Արմենիա

2022-01-16T22:45+0400

2022-01-16T22:45+0400

2022-01-16T22:45+0400

ռադիո

հայաստան

կոռուպցիա

ատոմ մխիթարյան

կրթություն

ատեստատ

https://cdn.am.sputniknews.ru/img/07e6/01/10/37588448_0:0:1600:901_1920x0_80_0_0_93e8bae21351d485bf5ad39bf806181e.jpg

Կարելի է ասել, որ կրթության վկայականների և ատեստատների թվայնացումը նույնիսկ որոշ չափով ուշացած է, որովհետև վաղուց ամբողջ աշխարհն անցել է թվային ավարտական վկայականների շնորհման, ընդ որում` դա արվում է հատուկ լիցենզավորված կազմակերպությունների կողմից։ Sputnik Արմենիայի հետ զրույցում այս մասին ասաց կրթական հարցերի փորձագետ Ատոմ Մխիթարյանը։Մխիթարյանի կարծիքով` անհրաժեշտություն չի լինի գնալ այս կամ այն ուսումնական հաստատություն և տեղեկանք վերցնել կամ ներկայացնել վկայագրի պատճենը։ Ըստ նրա` շատ կարևոր է նաև այն հանգամանքը, որ թվայնացման գործընթացը կկանխարգելի կեղծիքներով ավարտական վկայագրեր ներկայացնելը, առավել ևս, որ վերջին շրջանում հայտնաբերվեցին նույնիսկ ԲՈւՀ–ի կեղծված ավարտական վկայականներ։«Կարծում եմ` վկայականների թվայնացման գործընթացն անհրաժեշտ էր սկսել հենց ԲՈւՀ–երից, որովհետև դրանք են ավելի շատ կիրառելի և գործատուների մոտ աշխատանքի անցնելիս անպայման պետք է, որ ներկայացվի բարձրագույն կրթության վկայականը, իսկ հանրակրթական հաստատությունների ավարտական վկայականները ներկայացվում են հենց ԲՈւՀ ընդունվելիս, և, փաստորեն, այդտեղ էլ հնարավոր կլինի խուսափել կեղծիքներից։ Բայցևայնպես, պետք չէ բացառել կեղծիքների հնարավորությունը, որովհետև սա մյուս կողմից էլ նշանակում է կեղծիքների կենտրոնացում, այսինքն` եթե մեկ մարմին է զբաղվելու վկայագրերի էկեկտրոնային ձևակերպմամբ, ապա դա նշանակում է, որ կոռուպցիոն ռիսկերը կենտրոնացվում է մեկ կետում, ուստի անհրաժեշտ է նախատեսել նաև վերահսկողական հուսալի մեխանիզմներ»,– ասաց կրթական հարցերի փորձագետը։Մխիթարյանի խոսքով`շատ կարևոր է նաև տեղեկություններ պարունակող բազայի անվտանգության խնդիրը, ուստի պետք է ամբողջական ինֆորմացիան պահվի մի քանի տեղում և օգտագործվեն տարբեր կոդավորման համակարգեր։1000-ից պակաս բնակչով համայնքի ղեկավարը կարող է չունենալ բարձրագույն կրթություն. նախագիծՓորձագետը խորհուրդ տվեց անցումը միանգամից չանել, այլ փուլ առ փուլ, այսինքն` սկզբնական շրջանում տրվի և՛ թղթային վկայական, և՛ հատկացվի դրա էլեկտրոնային տարբերակը, և միայն որոշ ժամանակ անց անցում կատարվի ամբողջությամբ էլեկտրոնային տարբերակին, քանի որ, ըստ Մխիթարյանի, ընթացքում կարող են ի հայտ գալ որոշակի թերություններ կամ տարբեր աստիճանի բարդության խնդիրներ, որոնք հընթացս հնարավոր կլինի լուծել։Նշենք, որ ԿԳՄՍ նախարարության կողմից հանրային քննարկման է ներկայացրել հիմնական կրթության վկայականների և ատեստատների թվայնացման նախագիծը։Նախագծի հաստատման դեպքում արդեն այս տարվանից ատեստատներն ու հիմնական կրթության վկայականները կտրվեն էլեկտրոնային եղանակով։Ըստ նախագծի հեղինակների` թվայնացման եղանակի կիրառման դեպքում դպրոցներում կկրճատվի վարչարարության զգալի ծավալը, կմեծանա գործընթացի թափանցիկությունը, օրակարգից դուրս կգա ատեստատը կամ վկայականը կորցնել-վերականգնելու գործընթացը։

https://arm.sputniknews.ru/20211227/harcreq-alisajin-kam-inchu-en-hajastanum-terahavatvoren-verabervum-tvajnacmany-36800191.html

https://arm.sputniknews.ru/20210728/krtakan-hamakarg-buh-tapur-texer-28452135.html

2022

Լուրեր

am_HY

հայաստան, կոռուպցիա, ատոմ մխիթարյան, կրթություն, ատեստատ