https://arm.sputniknews.ru/20220114/ekel-em-yntrvelu-azarjany-datavvorneri-miutjunum-yntrutjuny-tapalelu-lureri-masin-37532306.html

Եկել եմ ընտրվելու. Ազարյանը` Դատավորների միությունում ընտրությունը տապալելու լուրերի մասին

Եկել եմ ընտրվելու. Ազարյանը` Դատավորների միությունում ընտրությունը տապալելու լուրերի մասին

Sputnik Արմենիա

Դատավորների միության նախագահի թեկնածուն տեղեկություն ունի, որ մի շարք դատավորներ պատրաստվում են տապալել նախագահի ընտրությունը։ 14.01.2022, Sputnik Արմենիա

2022-01-14T14:51+0400

2022-01-14T14:51+0400

2022-01-31T17:30+0400

ընտրություններ

դատավոր

ալեքսանդր ազարյան

https://cdn.am.sputniknews.ru/img/07e5/0a/02/33863060_99:224:1600:1068_1920x0_80_0_0_c52f97a92b796e506675d9298f2c7de2.jpg

ԵՐԵՎԱՆ, 14 հունվարի - Sputnik. Դատավոր Ալեքսանդր Ազարյանը ցանկանում է դառնալ Դատավորների միության նախագահ, իսկ դատավորների ժողովին մասնակցում է հենց նախագահ ընտրվելու ակնկալիքով։ Նա նման հայտարարություն արեց լրագրողների հետ զրույցում։Շրջանառվող լուրերի համաձայն` մի շարք դատավորներ պատրաստվում են տապալել Դատավորների միության նախագահի ընտրությունը։Նշենք, որ բացի Ազարյանից, հայտնի է նաև դատավոր Ելիզավետա Դանիելյանի անունը, որը ևս ինքնաառաջադրվել է Դատավորների միության նախագահի պաշտոնում։Ազարյանը դժվարանում է ասել` սպասվող բոյկոտն ի՞ր, թե՞ Դանիելյանի դեմ է։«Ես գիտեմ այն, որ թեկնածուների ցուցակում ես եմ և Դանիելյանը, իսկ թե էլ ովքեր կան, չեմ կարող ասել։ Ես եկել եմ ընտրվելու նպատակով և ակնկալիքս ընտրվելն է։ Իմ շանսերը բարձր եմ գնահատում»,–ասաց նա։Լրագրողների հարցին, թե ներկա պահին ինչպես է վերաբերվում Դատավորների միության գործունեությանը, դատավորը միանշանակ պատասխանեց` բացասական։«Լավ որոշում չէր». ՄԻՊ-ի թեկնածուն` դատարանները շրջափակելու Փաշինյանի կոչի մասին«Նախ գործունեություն պետք է լինի, որ գնահատականի արժանանա։ Ընդհանրապես գործունեություն չկա»,–ասաց դատավորը։Ազարյանը վստահ է, որ եթե միությունը սկսի պատշաճ գործառույթներ իրականացնել, ապա միությունը լքած դատավորները կվերադառնան ու կվերականգնվի միության համբավը։Նշենք, որ այս պահին Կարեն Դեմիրճյանի անվան մարզահամերգային համալիրում ընթանում է Դատավորների արտահերթ ընդհանուր ժողովը։ Ժողովի օրակարգում ընդգրկված է Արդարադատության ակադեմիայի կառավարման խորհրդի դատավոր անդամների ընտրության հարցը (2 անդամների՝ քաղաքացիական և քրեական մասնագիտացմամբ)։ Թափուր տեղերում առաջադրվելու են Երևան քաղաքի ընդհանուր իրավասության դատարանի դատավորի Լիլիթ Սարգսյանի և Վերաքննիչ քրեական դատարանի դատավոր Անդրանիկ Մնացականյանի թեկնածությունները։ Դատավորների ընդհանուր ժողովից հետո նախատեսված է միության ժողով, որի օրակարգում երկու հարց է՝ միության նախագահի և երկու տեղակալների ընտրությունը։ Միության նախագահի պաշտոնում առաջադրվել է Վերաքննիչ քրեական դատարանի դատավոր Ալեքսանդր Ազարյանը։ Միության նախագահի պաշտոնում ինքնառաջադրվել է նաև Վճռաբեկ դատարանի քրեական պալատի դատավոր Ելիզավետա Դանիելյանը։

https://arm.sputniknews.ru/20190813/veting-haykakan-dzevov-naxararutyunum-vstahecnum-en-vor-voske-mijin-e-yntrvatc-20056186.html

https://arm.sputniknews.ru/20211011/bdkh-n-dadarecrel-e-datavvor-rafik-melqvonjani-liazvorutjunnery-34173477.html

https://arm.sputniknews.ru/20211109/vorqan-e-kazmel-bdkh-datakan-departamenti-petutjany-hascrats-vnasy-35146491.html

2022

Լուրեր

am_HY

ընտրություններ, դատավոր, ալեքսանդր ազարյան