https://arm.sputniknews.ru/20220111/qpn-pvokhum-e-azh-kanvonakargy-artur-ghazinjani-chyntrvelu-harcy-klutsvi-ajl-tshanaparhvov-37378638.html
ՔՊ–ն փոխում է ԱԺ կանոնակարգը. Արթուր Ղազինյանի չընտրվելու հարցը կլուծվի այլ ճանապարհով
ՔՊ–ն փոխում է ԱԺ կանոնակարգը. Արթուր Ղազինյանի չընտրվելու հարցը կլուծվի այլ ճանապարհով
Sputnik Արմենիա
Քննարկման ավարտին հանձնաժողովը 3 դեմ, 7 կողմ ձայներով հավանություն տվեց նախագծին, այն առաջիկայում կներկայացվի ԱԺ–ի քննարկմանը։ 11.01.2022, Sputnik Արմենիա
2022-01-11T11:39+0400
2022-01-11T11:39+0400
2022-01-11T11:44+0400
հայաստան
աժ (ազգային ժողով)
արթուր ղազինյան
հանձնաժողով
https://cdn.am.sputniknews.ru/img/07e5/0b/0d/35310252_0:79:1600:980_1920x0_80_0_0_8a8c515616708a625bbaf7e34c45bd7a.jpg
ԵՐԵՎԱՆ, 11 հունվարի – Sputnik. ԱԺ մեծամասնությունը որոշել է լուծել ԱԺ պաշտպանության ու անվտանգության հարցերի մշտական հանձնաժողովի փոխնախագահի` ընդդիմությանը պատկանող պաշտոնում թեկնածուի ընտրության` արդեն շուրջ կես տարի ձգձգվող խնդիրը։ԱԺ «Քաղաքացիական պայմանագիր» խմբակցության պատգամավոր Վիլեն Գաբրիելյանը («Նավակ ճոճող») այդ նպատակով առաջարկում է փոփոխել «Ազգային ժողովի կանոնակարգ» սահմանադրական օրենքը։Օրենքում առաջարկող փոփոխությունների նախագիծն այսօր քննարկվեց ԱԺ պետաիրավական հարցերի մշտական հանձնաժողովի նիստում։Նախագիծը ներկայացնելիս Գաբրիելյանը նշեց, որ ԱԺ կանոնակարգով նախատեսվում է հանձնաժողովի փոխնախագահի ընտրությունն իրականացնել հանձնաժողովի ձևավորումից հետո 5 օրվա ընթացքում։ Իսկ թե ինչ է լինում, երբ հանձնաժողովի փոխնախագահ չի ընտրվում, նրա խոսքով, օրենքը չի հստակեցնում։Նրա խոսքով` այսօր այդ խնդրին է բախվել պաշտպանության ու անվտանգության հարցերի մշտական հանձնաժողովը, բայց բացառված չէ, որ վաղն այդ նույն խնդիրը կարող է ծագել ԱԺ ցանկացած այլ հանձնաժողովում։«Նախագիծն այն մասին չէ, որ ես ուզում եմ Դոնթի բանաձևով ձեզ տրամադրված տեղակալի տեղը այսպես ասած, կներեք արտահայտությանս համար, ձեզանից խլել։ Այդ տեղը, այո, ձերն է։ Ես ուղղակի ուզում եմ, որ առաջիկայում նման կազուս այլևս տեղի չունենա, մենք այս հարցը կարգավորենք»,– ասաց Գաբրիելյանը` դիմելով «Հայաստան» խմբակցության պատգամավոր Արամ Վարդևանյանին։Ընդդիմադիր պատգամավորը իշխանական գործընկերներին հիշեցրեց հանձնաժողովի փոխնախագահի շուրջ ծավալված իրադարձություններն ու եզրակացրեց. «Նման ձևով ո՛չ պառլամենտարիզմն է հարգվում, ո՛չ ժողովրդավարության սկզբունքը, այլ ուղղակի կոնկրետ սուբյեկտային ու սուբյեկտիվ ընկալումներով պայմանավորված որոշումների իրավական հիմք եք բերում»։Հանձնաժողովի նախագահ Վլադիմիր Վարդանյանը մեկնաբանեց, որ առաջարկվող փոփոխությամբ ընդդիմությունը չի զրկվում նոր թեկնածու առաջադրելու իրավունքից։ Քննարկման ավարտին հանձնաժողովը 3 դեմ, 7 կողմ ձայներով հավանություն տվեց նախագծին, ու այն առաջիկայում կներկայացվի արդեն ԱԺ–ի քննարկմանը։Նշենք, որ ԱԺ պետաիրավական հարցերի մշտական հանձնաժողովի նիստից հետո նախանշված է նաև պաշտպանության ու անվտանգության հարցերի մշտական հանձնաժողովի նիստը, որի օրակարգում, սակայն, ի տարբերություն նախորդ 16 նիստի, փոխնախագահի ընտրության հարցը ներառված չէ։Հիշեցնենք` ԱԺ պաշտպանության և անվտանգության հարցերի հանձնաժողովի փոխնախագահի պաշտոնում «Հայաստան» խմբակցությունը 14 անգամ առաջադրել է Արթուր Ղազինյանի թեկնածությունը, իսկ ԱԺ մեծամասնությունը 14 անգամ մերժել է նրան։ Ընդդիմադիրները հայտարարել են, որ այլևս թեկնածու չեն առաջադրելու, այդ օրվանից նրանք չեն մասնակցում հանձնաժողովի նիստերին։Հանձնաժողովի` դեկտեմբերի 14-ի նիստում նախագահ Անդրանիկ Քոչարյանը հայտարարել էր, որ ՔՊ–ն թեկնածու չի առաջադրում, քանի որ չի շտապում ընդդիմությանը հասանելիք թափուր պաշտոնը վերցնել, ու այդ նպատակով ընդդիմությանը 1 շաբաթ ժամանակ էր տվել։ Մեկ շաբաթ անց` դեկտեմբերի 21-ին, Քոչարյանն ասել էր, որ «Քաղաքացիական պայմանագիրը» դարձյալ թեկնածու չի առաջադրել, բայց իրենք բարի կամք են դրսևորում` ընդդիմությանը նորից հնարավորություն տալով կոնսենսուսի գալ իշխող ուժի հետ ու նոր թեկնածու առաջադրել։ «Եթե այդպիսի բան չլինի, համոզված եմ` հաջորդ արտահերթ նիստին ՔՊ–ն մեր խմբակցությունից տեղակալի թեկնածություն կներկայացնի»,– ասել էր նա։Ընդդիմությունն էլ իր հերթին հայտարարել էր, որ ԱԺ հանձնաժողովի նախագահի հայտարարությունը հակասում էր ԱԺ Կանոնակարգ օրենքին, որով հանձնաժողովի նախագահի թեկնածուին պետք է առաջադրի ընդդիմությունը։Եթե պետք լինի, օրենքը կփոխենք. Փաշինյանն ասել է` ինչու չի ստեղծվել քննիչ հանձնաժողովը
https://arm.sputniknews.ru/20211222/pashtvony-zavtelu-antaqujc-pvordz-azh-ynddimutjuny-pataskhanel-e-andranik-qvocharjanin-36763577.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աժ (ազգային ժողով), արթուր ղազինյան, հանձնաժողով
հայաստան, աժ (ազգային ժողով), արթուր ղազինյան, հանձնաժողով
ՔՊ–ն փոխում է ԱԺ կանոնակարգը. Արթուր Ղազինյանի չընտրվելու հարցը կլուծվի այլ ճանապարհով
11:39 11.01.2022 (Թարմացված է: 11:44 11.01.2022) Քննարկման ավարտին հանձնաժողովը 3 դեմ, 7 կողմ ձայներով հավանություն տվեց նախագծին, այն առաջիկայում կներկայացվի ԱԺ–ի քննարկմանը։
ԵՐԵՎԱՆ, 11 հունվարի – Sputnik. ԱԺ մեծամասնությունը որոշել է լուծել ԱԺ պաշտպանության ու անվտանգության հարցերի մշտական հանձնաժողովի փոխնախագահի` ընդդիմությանը պատկանող պաշտոնում թեկնածուի ընտրության` արդեն շուրջ կես տարի ձգձգվող խնդիրը։
ԱԺ «Քաղաքացիական պայմանագիր» խմբակցության պատգամավոր Վիլեն Գաբրիելյանը («Նավակ ճոճող») այդ նպատակով առաջարկում է փոփոխել «Ազգային ժողովի կանոնակարգ» սահմանադրական օրենքը։
Օրենքում առաջարկող փոփոխությունների նախագիծն այսօր քննարկվեց ԱԺ պետաիրավական հարցերի մշտական հանձնաժողովի նիստում։
Նախագիծը ներկայացնելիս Գաբրիելյանը նշեց, որ ԱԺ կանոնակարգով նախատեսվում է հանձնաժողովի փոխնախագահի ընտրությունն իրականացնել հանձնաժողովի ձևավորումից հետո 5 օրվա ընթացքում։ Իսկ թե ինչ է լինում, երբ հանձնաժողովի փոխնախագահ չի ընտրվում, նրա խոսքով, օրենքը չի հստակեցնում։
«Օրենքը պրակտիկ կիրառման մեջ ցույց է տվել, որ այս մասով բաց ունի»,– ասաց Գաբրիելյանը։
Նրա խոսքով` այսօր այդ խնդրին է բախվել պաշտպանության ու անվտանգության հարցերի մշտական հանձնաժողովը, բայց բացառված չէ, որ վաղն այդ նույն խնդիրը կարող է ծագել ԱԺ ցանկացած այլ հանձնաժողովում։
«Նախագիծն այն մասին չէ, որ ես ուզում եմ Դոնթի բանաձևով ձեզ տրամադրված տեղակալի տեղը այսպես ասած, կներեք արտահայտությանս համար, ձեզանից խլել։ Այդ տեղը, այո, ձերն է։ Ես ուղղակի ուզում եմ, որ առաջիկայում նման կազուս այլևս տեղի չունենա, մենք այս հարցը կարգավորենք»,– ասաց Գաբրիելյանը` դիմելով «Հայաստան» խմբակցության պատգամավոր Արամ Վարդևանյանին։
22 դեկտեմբերի 2021, 16:06
Ընդդիմադիր պատգամավորը իշխանական գործընկերներին հիշեցրեց հանձնաժողովի փոխնախագահի շուրջ ծավալված իրադարձություններն ու եզրակացրեց. «Նման ձևով ո՛չ պառլամենտարիզմն է հարգվում, ո՛չ ժողովրդավարության սկզբունքը, այլ ուղղակի կոնկրետ սուբյեկտային ու սուբյեկտիվ ընկալումներով պայմանավորված որոշումների իրավական հիմք եք բերում»։
Հանձնաժողովի նախագահ Վլադիմիր Վարդանյանը մեկնաբանեց, որ առաջարկվող փոփոխությամբ ընդդիմությունը չի զրկվում նոր թեկնածու առաջադրելու իրավունքից։
«Նախագծով որևէ տեղ, որևէ եղանակով, որևիցե մեկնաբանության պարագայում չի ասվում, որ եթե մարդը չի ընտրվել, հանձնաժողովի նախագահի տեղակալի պաշտոնում, ապա հավերժ, հավիտենական այլևս չի կարող առաջադրվել այդ պաշտոնում։ Ո՛չ, ասվում է հետևյալը` չընտրվելու պարագայում ներկայացվում է նոր թեկնածու»,– ասաց Վարդանյանը։
Քննարկման ավարտին հանձնաժողովը 3 դեմ, 7 կողմ ձայներով հավանություն տվեց նախագծին, ու այն առաջիկայում կներկայացվի արդեն ԱԺ–ի քննարկմանը։
Նշենք, որ ԱԺ պետաիրավական հարցերի մշտական հանձնաժողովի նիստից հետո նախանշված է նաև պաշտպանության ու անվտանգության հարցերի մշտական հանձնաժողովի նիստը, որի օրակարգում, սակայն, ի տարբերություն նախորդ 16 նիստի, փոխնախագահի ընտրության հարցը ներառված չէ։
Հիշեցնենք` ԱԺ պաշտպանության և անվտանգության հարցերի հանձնաժողովի փոխնախագահի պաշտոնում «Հայաստան» խմբակցությունը 14 անգամ առաջադրել է Արթուր Ղազինյանի թեկնածությունը, իսկ ԱԺ մեծամասնությունը 14 անգամ մերժել է նրան։ Ընդդիմադիրները հայտարարել են, որ այլևս թեկնածու չեն առաջադրելու, այդ օրվանից նրանք չեն մասնակցում հանձնաժողովի նիստերին։
Հանձնաժողովի` դեկտեմբերի 14-ի նիստում նախագահ Անդրանիկ Քոչարյանը հայտարարել էր, որ ՔՊ–ն թեկնածու չի առաջադրում, քանի որ չի շտապում ընդդիմությանը հասանելիք թափուր պաշտոնը վերցնել, ու այդ նպատակով ընդդիմությանը 1 շաբաթ ժամանակ էր տվել։ Մեկ շաբաթ անց` դեկտեմբերի 21-ին, Քոչարյանն ասել էր, որ «Քաղաքացիական պայմանագիրը» դարձյալ թեկնածու չի առաջադրել, բայց
իրենք բարի կամք են դրսևորում` ընդդիմությանը նորից հնարավորություն տալով կոնսենսուսի գալ իշխող ուժի հետ ու նոր թեկնածու առաջադրել։ «Եթե այդպիսի բան չլինի, համոզված եմ` հաջորդ արտահերթ նիստին ՔՊ–ն մեր խմբակցությունից տեղակալի թեկնածություն կներկայացնի»,– ասել էր նա։
Ընդդիմությունն էլ իր հերթին հայտարարել էր, որ ԱԺ հանձնաժողովի նախագահի հայտարարությունը հակասում էր ԱԺ Կանոնակարգ օրենքին, որով հանձնաժողովի նախագահի թեկնածուին պետք է առաջադրի ընդդիմությունը։
