https://arm.sputniknews.ru/20220108/ghazakhstanum-dzerbakalel-en-azgajin-anvtangutjan-kvomitei-nakhkin-nakhagahin-37297756.html

Ղազախստանում ձերբակալել են Ազգային անվտանգության կոմիտեի նախկին նախագահին

Ղազախստանում ձերբակալել են Ազգային անվտանգության կոմիտեի նախկին նախագահին

Sputnik Արմենիա

Քարիմ Մասիմովին ձերբակալել են պետական դավաճանության գործով։ 08.01.2022, Sputnik Արմենիա

2022-01-08T09:52+0400

2022-01-08T09:52+0400

2022-01-08T10:13+0400

ձերբակալություն

ղազախստան

https://cdn.am.sputniknews.ru/img/07e6/01/08/37297702_0:0:2642:1486_1920x0_80_0_0_d1b82a8924da9f8e4fcd4652fb09590e.jpg

ԵՐԵՎԱՆ, 8 հունվարի – Sputnik. Ղազախստանի Ազգային անվտանգության կոմիտեի նախկին նախագահ Քարիմ Մասիմովը ձերբակալվել է պետական դավաճանության կասկածանքով։ Տեղեկությունը հայտնում է ՌԻԱ Նովոստին` հղում անելով Ազգային անվտանգության կոմիտեին:Հունվարի 6-ին Ազգային անվտանգության կոմիտեն պետական դավաճանության փաստի առթիվ մինչդատական հետաքննություն է սկսել Ղազախստանի Հանրապետության քրեական օրենսգրքի 175-րդ հոդվածի 1-ին մասով:Երեկ Ղազախստանի առաջին նախագահ Նուրսուլթան Նազարբաևի նախկին խորհրդական Երմուխամետ Երտիսբաևը հայտարարել էր, որ երկրում ճգնաժամի պատճառներից մեկը որոշ բարձրաստիճան պաշտոնյաների և իրավապահների դավաճանությունն է: Նա կատարվածը որակել էր որպես պետական հեղաշրջման և զինված ապստամբության փորձ և ասել` կատարվածի ծավալներից կարելի է հասկանալ, որ առանց իշխանության վերին էշելոնի դավաճանների նման բան հնարավոր չէր իրականացնել։Նշենք, որ Քասիմ Մասիմովը Ղազախստանի վարչապետն է եղել 2007-2012 թվականներին, իսկ 2012-2014 թվականներին ղեկավարել է նախագահի աշխատակազմը։ 2014 թվականի ապրիլից կրկին գլխավորել է կառավարությունը և այդ պաշտոնը պահպանել 2015 թվականի ապրիլի 26-ին կայացած նախագահական արտահերթ ընտրություններից հետո:2016 թվականի սեպտեմբերի 8-ին նշանակվել է Ղազախստանի Հանրապետության Ազգային անվտանգության կոմիտեի նախագահ։Այս տարվա հունվարի 5-ի երեկոյան հայտնի դարձավ, որ երկրի նախագահ Կասիմ-Ժոմարտ Տոկաևը նրան ազատել է պաշտոնից։Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, որոնց թվում 100 զինծառայող կա Հայաստանից։

https://arm.sputniknews.ru/20220108/inch-linum-erb-dzer-tany-amerikaciner-en-hajtnvum-rd-agn-n-pataskhanel-e-blinkenin-37297145.html

ղազախստան

2022

Լուրեր

am_HY

ձերբակալություն, ղազախստան