https://arm.sputniknews.ru/20220104/vor-depqum-pshr-test-handznelu-harc-chi-arajana-arsen-tvorvosjany-nakharari-hramani-masin-37133084.html

Ո՞ր դեպքում ՊՇՌ թեստ հանձնելու հարց չի առաջանա. Արսեն Թորոսյանը` նախարարի հրամանի մասին

Ո՞ր դեպքում ՊՇՌ թեստ հանձնելու հարց չի առաջանա. Արսեն Թորոսյանը` նախարարի հրամանի մասին

Sputnik Արմենիա

ՀՀ առողջապահության նախկին նախարարը Sputnik Արմենիայի եթերում անդրադարձել է այն հարցին, թե ով պետք է հոգա ՊՇՌ թեստի հետ կապված ծախսերը։ 04.01.2022, Sputnik Արմենիա

2022-01-04T19:17+0400

2022-01-04T19:17+0400

2022-01-04T19:17+0400

ռադիո

հայաստան

արսեն թորոսյան

կորոնավիրուս

պշռ թեստ

պոդկաստ

https://cdn.am.sputniknews.ru/img/07e6/01/04/37132451_70:0:1032:541_1920x0_80_0_0_5f3af327733c89bc6641d8dc5503f848.jpg

Պետք է համապատասխան գործիքներով ու խնդրել–համոզելով ջանքեր գործադրել, որպեսզի մարդկանց համար հասկանալի դառնա, որ պատվաստումն արդյունավետ միջոց է։ Կարծում է ՀՀ ԱԺ «Քաղաքացիական պայմանագիր» խմբակցության պատգամավոր, ՀՀ առողջապահության նախկին նախարար Արսեն Թորոսյանը։Թորոսյանն առաջարկում է, որ բոլորը պատվաստվեն և ընդհանրապես ՊՇՌ թեստ չհանձնեն, այդ դեպքում թեստի վճարման խնդիր չի առաջանա։Սահմանադրական դատարանը դեկտեմբերի 23-ին հակասահմանադրական ճանաչեց առողջապահության նախարար Անահիտ Ավանեսյանի հրամանը, որով չպատվաստված աշխատողները որոշակի պարբերականությամբ պետք է պարտադիր ՊՇՌ թեստ հանձնեն իրենց հաշվին:«Չեմ ուզում մտնել իրավական մեկնաբանությունների մեջ, թե հրամանի որ հոդվածն էր հակասահմանադրական, օրենքներին հակասող կամ ոչ, բայց փաստն այն է, որ այս գործիքը կիրառվում է շատ երկրներում, որպեսզի մարդկանց դրդի պատվաստվել, ոչ թե դրդի ՊՇՌ թեստ հանձնել, որովհետև թեստի այլընտրանքը վերաբերում է միայն չպատվաստվածներին»,– նշեց նախկին նախարարը։Ինչ վերաբերում է ՊՇՌ թեստի վճարման մեթոդին կամ վճարողին, Թորոսյանի խոսքով, գուցե առողջապահության նախարարի հրամանում պետք չէր դա նշել, քանզի կարող են լինել գործատուներ, որոնք կցանկանային վճարել իրենց աշխատողների թեստավորման արժեքը կամ գտնվեին վճարման այլ աղբյուրներ։«Պետությունը դա չի ապահովում, բայց կան օրենքով չարգելված բազմաթիվ աղբյուրներ, հետևաբար ողբերգություն սարքել պետք չէ։ Հակառակը` անհրաժեշտ է դրական ու շարունակական քարոզ իրականացնել` նշելով, որ այս պահին նույնպես ունենք պատվաստումների ցուցանիշի էական բարձրացման խնդիր։ Ավելին, մեր նման երկրների և միջազգային միջին տվյալների համեմատ` ունենք շատ ցածր ցուցանիշ, պատվաստված քաղաքացիների քանակը չի անցնում 720 հազարից, առնվազն մեկ դոզա ստացածների քանակը` 950 հազարից, ինչն ընդամենը մեր բնակչության 30 տոկոսից մի փոքր է ավել»,– նշեց ՀՀ ԱԺ «Քաղաքացիական պայմանագիր» խմբակցության պատգամավորը։Հիշեցնենք` ՀՀ առողջապահության նախարար Անահիտ Ավանեսյանի հրամանով հաստատվել էր, որ 2021 թվականի հոկտեմբերի 1-ից ՀՀ բոլոր աշխատող քաղաքացիները պարտավոր են գործատուին տրամադրել կա՛մ Covid-19-ի դեմ պատվաստում անցնելու մասին տեղեկանք, կա՛մ յուրաքանչյուր 14 օրը մեկ անգամ ներկայացնել ՊՇՌ թեստի պատասխան։ Թեստը պետք է արված լինի փաստաթղթի ներկայացումից առավելագույնը 72 ժամ առաջ:2021 թվականի դեկտեմբերի 1–ից փոխվեց ՊՇՌ թեստ հանձնելու հաճախականությունը. այժմ աշխատողները պարտավոր են շաբաթը մեկ թեստի պատասխան ներկայացնել։

https://arm.sputniknews.ru/20211228/pshr-testi-areghtsvatsy-kam-guce-sd-i-erkimast-vorvoshumnery-bacatrvogh-hatuk-marmin-steghtsenq-36970769.html

2022

Լուրեր

am_HY

հայաստան, արսեն թորոսյան, կորոնավիրուս, պշռ թեստ, պոդկաստ