https://arm.sputniknews.ru/20220103/tvonvojany-sparnum-e-khvosel-bvozvojany-nakhkin-nakharari-zgushacnvogh-ugherdzneri-masin-37119640.html

Տոնոյանը սպառնում է խոսել. Բոզոյանը` նախկին նախարարի զգուշացնող ուղերձների մասին

Տոնոյանը սպառնում է խոսել. Բոզոյանը` նախկին նախարարի զգուշացնող ուղերձների մասին

Sputnik Արմենիա

Քաղաքագետ Երվանդ Բոզոյանը Sputnik Արմենիայի եթերում անդրադարձել է ՀՀ պաշտպանության նախկին նախարար Դավիթ Տոնոյանի` լրատվամիջոցներին տված հարցազրույցին։ 03.01.2022, Sputnik Արմենիա

2022-01-03T20:17+0400

2022-01-03T20:17+0400

2022-01-03T20:18+0400

ռադիո

դավիթ տոնոյան

քրեական գործ

նախարար

զենք

կալանավորել

պոդկաստ

https://cdn.am.sputniknews.ru/img/07e6/01/03/37117684_0:0:1601:901_1920x0_80_0_0_ebae46c9de0917cf04e9693fe4aed08e.jpg

ՀՀ պաշտպանության նախկին նախարար Դավիթ Տոնոյանի հարցազրույցն ուղերձ է պատկան մարմիններին առ այն, որ եթե իր խափանման միջոցը դատավարության ժամանակ չփոխեն, ապա ինքը կարող է 44-օրյա պատերազմում կրած պարտության պատճառների մասին ինչ-ինչ բացահայտումներ անել։ Sputnik Արմենիայի հետ զրույցում այս մասին ասաց քաղաքագետ Երվանդ Բոզոյանը։«Տեսնելով, որ մինչև գործը դատարան ուղարկելը ներկուլիսային միջոցներով չկարողացավ լուծել այս խնդիրը, փաստորեն սպառնում է, որ եթե իր գործը չփոխվի, ապա ինքը կարող է հրապարակային ինչ-որ հայտարարություններով հանդես գալ, որը կարող է վնաս տալ այսօրվա իշխանությանը»,- ասաց նա։Տոնոյանը շատ ուղիղ կերպով ակնարկում է, որ իր հանդեպ քաղաքական հետապնդում է իրականացվում և որ բանակին և բանակի ղեկավարությանն ուզում են «քավության նոխազ» դարձնել, բայց դա, քաղաքագետի կարծիքով, չի նշանակում, որ պաշտպանության նախկին նախարարը մեր պարտության համար պատասխանատվություն չի կրում։Նշենք, որ ՀՀ պաշտպանության նախկին նախարար Դավիթ Տոնոյանը, պատասխանելով տարբեր լրատվամիջոցների ուղարկած հարցերին, նշել է, որ իր դեմ հարուցված քրեական գործով փորձ է արվում վարկաբեկել իր անձն ու պաշտպանական համակարգը։ Տոնոյանն ընդգծել է, որ իր պաշտոնավարման ընթացքում չի հիշում մի դեպք, որ քաղաքական ղեկավարությունը, մասնավորապես ՀՀ վարչապետը, երբևէ ակնարկած լինի «անորակ» զենք-զինամթերքի հետ կապված խնդիրների մասին։Հիշեցնենք, որ պաշտպանության նախկին նախարարը կալանավորվել էր սեպտեմբերի 30-ին ոչ պիտանի ավիացիոն հրթիռների գնման քրեական գործի շրջանակում։Նախաքննությունը Տոնոյանին և գործարար Դավիթ Գալստյանին մեղադրում է 4,6 մլն դոլար յուրացնելու մեջ։ Նրանք իրենց մեղքը չեն ընդունում։ Տոնոյանի կալանքի ժամկետը երկու ամսով երկարաձգվել էր նոյեմբերին։

https://arm.sputniknews.ru/20211228/davit-tvonvojani-nkatmamb-qreakan-hetapndumy-chi-dadarecvi-mijnvordutjuny-merzhvec-36967375.html

2022

Լուրեր

am_HY

դավիթ տոնոյան, քրեական գործ, նախարար, զենք, կալանավորել, պոդկաստ