https://arm.sputniknews.ru/20211223/uzum-ei-saudjan-arabiaji-het-divanagitakan-haraberutjunner-steghtsel-sargsjan-36803480.html
Պետք է Սաուդյան Արաբիայի հետ դիվանագիտական հարաբերություններ ստեղծել. Սարգսյան
Պետք է Սաուդյան Արաբիայի հետ դիվանագիտական հարաբերություններ ստեղծել. Սարգսյան
Sputnik Արմենիա
ՀՀ նախագահը հարցազրույց է տվել Մերձավոր Արևելքի առաջատար անգլալեզու օրաթերթ ArabNews-ին ու մանրամասներ հայտնել Սաուդյան Արաբիա կատարած այցից։ 23.12.2021, Sputnik Արմենիա
2021-12-23T16:20+0400
2021-12-23T16:20+0400
2021-12-23T17:02+0400
արմեն սարգսյան
հայաստան
հարցազրույց
սաուդյան արաբիա
https://cdn.am.sputniknews.ru/img/07e5/0c/17/36804563_0:78:1500:922_1920x0_80_0_0_4ecfa0af1a4be0969e49b77bf4c3a0da.jpg
ԵՐԵՎԱՆ, 23 դեկտեմբերի – Sputnik. Սաուդյան Արաբիան ու Հայաստանը դիվանագիտական հարաբերություններ հաստատելու և դեսպանատներ բացելու ճանապարհին են, հայտարարել է ՀՀ նախագահ Արմեն Սարգսյանը Մերձավոր Արևելքի առաջատար անգլալեզու օրաթերթի՝ ArabNews-ի գլխավոր խմբագիր Ֆայսալ Աբբասին տված հարցազրույցի ժամանակ, հայտնում են ՀՀ նախագահի աշխատակազմից։Հարցազրույցն ընդհանրացնող հոդվածում հեղինակը մասնավորապես հիշեցրել է, որ թեև Սաուդյան Արաբիան ու Հայաստանը միմյանց նկատմամբ թշնամանք չեն ունեցել, սակայն նրանց միջև դիվանագիտական հարաբերություններ նույնպես չեն եղել՝ 1988-1994թթ. ղարաբաղյան հակամարտության ընթացքում և ղարաբաղյան առաջին պատերազմում Ռիադի կողմից Ադրբեջանին սատարելու պատճառով:Նշենք, որ 2021 թվականի հոկտեմբերի 26-ին նախագահը նորանկախ Հայաստանի պատմության մեջ առաջին այցը կատարեց Սաուդյան Արաբիա։Աբբասը հետաքրքրվել է նախագահից, թե ինչպես է անցել Սաուդյան Արաբիա առաջին այցը, ինչ արդյունքներ են եղել և դիվանագիտական կապերի հաստատումը երբ կարելի է ակնկալել։«Մեր անկախության ավելի քան 30 տարիներին մենք դիվանագիտական հարաբերություններ չենք ունեցել Սաուդյան Արաբիայի հետ: Սաուդյան Արաբիան շատ կարևոր, ազդեցություն ունեցող և հեռանկարային երկիր է: Կարծում եմ, որ հարաբերություններ չհաստատելու հիմնավոր պատճառներ չկան»,– նշել է Սարգսյանը և հավելել, որ նախագահ դառնալուց ի վեր իր համար առաջնային նպատակ է եղել Սաուդյան Արաբիայի հետ դիվանագիտական հարաբերություններ ստեղծելը։Նա ընդգծել է, որ իր այդ ամենին դրական է արձագանքել Սաուդյան Արաբիայի թագաժառանգ Մուհամեդ բին Սալմանը։ Նախագահը նշել է, որ բազմաթիվ նամակներ են հղել միմյանց, իսկ հաղորդակցությունների գագաթնակետը եղել է իր այցելությունը մայրաքաղաք Ռիադ։ՀՀ նախագահը շեշտել է, որ թագաժառանգը մեծապես կենտրոնացած է ապագայի վրա, ներկայացրել է սաուդական նոր տնտեսություն զարգացնելու իր հավակնությունները, ինչպես նաև խոսել են բարձր տեխնոլոգիաներից, կրթության, գիտության և տեխնոլոգիաների ոլորտներում ներդրումներ անելուց։«Ես ամբողջովին բավարարված եմ նրանով, ինչ տեսա: Երկու կողմն էլ շա՛տ պետք է աշխատեն` մեր ժողովուրդներին նաև կրթելու համար: Հայկական սփյուռքը շատ ավելի է ծանոթ Սաուդյան Արաբիային, քանի որ նրանցից շատերն այցելել և գործարարությամբ են զբաղվել Սաուդյան Արաբիայում: Հայաստանում՝ տեղական մակարդակով կան որոշ կարծրատիպեր, ինչը կարելի է ասել նաև Սաուդյան Արաբիայի մասին»,– ասել է Սարգսյանը։Նա շեշտել է, որ դռները բացելը, ոչ միայն դիվանագիտական, այլև մշակութային և տնտեսական հարաբերություններ հաստատելը և զբոսաշրջությունը խթանելը կօգնեն միմյանց ավելի լավ ճանաչել:Հիշեցնենք, որ ՀՀ նախագահը Սաուդյան Արաբիայում աշխատանքային այցով էր։ Ռիադում Սարգսյանին դիմավորել էին պետական ամենաբարձր մակարդակով՝ ի դեմ Սաուդյան Արաբիայի արտաքին գործերի պետնախարար Ադել ալ-Ջուբեյրի, իսկ պաշտոնական արարողակարգի համաձայն՝ օդանավակայանում բարձրացվել էր Հայաստանի Հանրապետության պետական դրոշը:
սաուդյան արաբիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արմեն սարգսյան, հայաստան, հարցազրույց, սաուդյան արաբիա
արմեն սարգսյան, հայաստան, հարցազրույց, սաուդյան արաբիա
Պետք է Սաուդյան Արաբիայի հետ դիվանագիտական հարաբերություններ ստեղծել. Սարգսյան
16:20 23.12.2021 (Թարմացված է: 17:02 23.12.2021) ՀՀ նախագահը հարցազրույց է տվել Մերձավոր Արևելքի առաջատար անգլալեզու օրաթերթ ArabNews-ին ու մանրամասներ հայտնել Սաուդյան Արաբիա կատարած այցից։
ԵՐԵՎԱՆ, 23 դեկտեմբերի – Sputnik. Սաուդյան Արաբիան ու Հայաստանը դիվանագիտական հարաբերություններ հաստատելու և դեսպանատներ բացելու ճանապարհին են, հայտարարել է ՀՀ նախագահ Արմեն Սարգսյանը Մերձավոր Արևելքի առաջատար անգլալեզու օրաթերթի՝ ArabNews-ի գլխավոր խմբագիր Ֆայսալ Աբբասին տված հարցազրույցի ժամանակ, հայտնում են
ՀՀ նախագահի աշխատակազմից։
Հարցազրույցն ընդհանրացնող հոդվածում հեղինակը մասնավորապես հիշեցրել է, որ թեև Սաուդյան Արաբիան ու Հայաստանը միմյանց նկատմամբ թշնամանք չեն ունեցել, սակայն նրանց միջև դիվանագիտական հարաբերություններ նույնպես չեն եղել՝ 1988-1994թթ. ղարաբաղյան հակամարտության ընթացքում և ղարաբաղյան առաջին պատերազմում Ռիադի կողմից Ադրբեջանին սատարելու պատճառով:
Նշենք, որ 2021 թվականի հոկտեմբերի 26-ին նախագահը նորանկախ Հայաստանի պատմության մեջ առաջին այցը կատարեց Սաուդյան Արաբիա։
Աբբասը հետաքրքրվել է նախագահից, թե ինչպես է անցել Սաուդյան Արաբիա առաջին այցը, ինչ արդյունքներ են եղել և դիվանագիտական կապերի հաստատումը երբ կարելի է ակնկալել։
«Մեր անկախության ավելի քան 30 տարիներին մենք դիվանագիտական հարաբերություններ չենք ունեցել Սաուդյան Արաբիայի հետ: Սաուդյան Արաբիան շատ կարևոր, ազդեցություն ունեցող և հեռանկարային երկիր է: Կարծում եմ, որ հարաբերություններ չհաստատելու հիմնավոր պատճառներ չկան»,– նշել է Սարգսյանը և հավելել, որ նախագահ դառնալուց ի վեր իր համար առաջնային նպատակ է եղել Սաուդյան Արաբիայի հետ դիվանագիտական հարաբերություններ ստեղծելը։
Նա ընդգծել է, որ իր այդ ամենին դրական է արձագանքել Սաուդյան Արաբիայի թագաժառանգ Մուհամեդ բին Սալմանը։ Նախագահը նշել է, որ բազմաթիվ նամակներ են հղել միմյանց, իսկ հաղորդակցությունների գագաթնակետը եղել է իր այցելությունը մայրաքաղաք Ռիադ։
«Մենք համաձայնել ենք, որ դիվանագիտական հարաբերություններ հաստատելու և դեսպանատներ բացելու ճանապարհին ենք և մեր դեսպաններին կուղարկենք միմյանց երկրներ»,-ասել է Արմեն Սարգսյանը:
ՀՀ նախագահը շեշտել է, որ թագաժառանգը մեծապես կենտրոնացած է ապագայի վրա, ներկայացրել է սաուդական նոր տնտեսություն զարգացնելու իր հավակնությունները, ինչպես նաև խոսել են բարձր տեխնոլոգիաներից, կրթության, գիտության և տեխնոլոգիաների ոլորտներում ներդրումներ անելուց։
«Ես ամբողջովին բավարարված եմ նրանով, ինչ տեսա: Երկու կողմն էլ շա՛տ պետք է աշխատեն` մեր ժողովուրդներին նաև կրթելու համար: Հայկական սփյուռքը շատ ավելի է ծանոթ Սաուդյան Արաբիային, քանի որ նրանցից շատերն այցելել և գործարարությամբ են զբաղվել Սաուդյան Արաբիայում: Հայաստանում՝ տեղական մակարդակով կան որոշ կարծրատիպեր, ինչը կարելի է ասել նաև Սաուդյան Արաբիայի մասին»,– ասել է Սարգսյանը։
Նա շեշտել է, որ դռները բացելը, ոչ միայն դիվանագիտական, այլև մշակութային և տնտեսական հարաբերություններ հաստատելը և զբոսաշրջությունը խթանելը կօգնեն միմյանց ավելի լավ ճանաչել:
Հիշեցնենք, որ ՀՀ նախագահը Սաուդյան Արաբիայում
աշխատանքային այցով էր։ Ռիադում Սարգսյանին դիմավորել էին պետական ամենաբարձր մակարդակով՝ ի դեմ Սաուդյան Արաբիայի արտաքին գործերի պետնախարար Ադել ալ-Ջուբեյրի, իսկ պաշտոնական արարողակարգի համաձայն՝ օդանավակայանում բարձրացվել էր Հայաստանի Հանրապետության պետական դրոշը:
