https://arm.sputniknews.ru/20211223/ashkhatvoghnery-chpetq-e-pshr-test-handznen-irenc-hashvin-sdn-hakasahmanadrakan-tshanachec-36809362.html

Աշխատողները չպետք է ՊՇՌ թեստ հանձնեն իրենց հաշվին. ՍԴ–ն հակասահմանադրական ճանաչեց որոշումը

Աշխատողները չպետք է ՊՇՌ թեստ հանձնեն իրենց հաշվին. ՍԴ–ն հակասահմանադրական ճանաչեց որոշումը

Sputnik Արմենիա

ՍԴ որոշումը վերջնական է ու ուժի մեջ է մտնում հրապարակման պահից։ 23.12.2021, Sputnik Արմենիա

2021-12-23T18:10+0400

2021-12-23T18:10+0400

2021-12-23T18:58+0400

սահմանադրական դատարան

թեստ

աշխատող

պշռ թեստ

https://cdn.am.sputniknews.ru/img/07e4/09/19/24600414_0:85:1600:985_1920x0_80_0_0_ca9642f133157a2a97d14a216dd7fb5e.jpg

ԵՐԵՎԱՆ, 23 դեկտեմբերի – Sputnik. Սահմանադրական դատարանը հակասահմանադրական ճանաչեց Առողջապահության նախարար Անահիտ Ավանեսյանի հրամանը, որով չպատվաստված աշխատողները որոշակի պարբերականությամբ պետք է պարտադիր ՊՇՌ թեստ հանձնեն իրենց հաշվին:Հետազոտության դիմաց վճարող սուբյեկտների սահմանումը, ՍԴ որոշման համաձայն, «դուրս է առողջապահության նախարարի իրավասության սահմաններից»։ՍԴ որոշումը վերջնական է ու ուժի մեջ է մտնում հրապարակման պահից։Հիշեցնենք, որ ՀՀ առողջապահության նախարար Անահիտ Ավանեսյանի հրամանով հաստատվել էր, որ հոկտեմբերի 1-ից ՀՀ բոլոր աշխատող քաղաքացիները պարտավոր են գործատուին տրամադրել կա՛մ COVID-19-ի դեմ պատվաստում անցնելու մասին տեղեկանք, կա՛մ յուրաքանչյուր 14 օրը մեկ անգամ ներկայացնել ՊՇՌ թեստի պատասխան։ Թեստը պետք է արված լինի փաստաթղթի ներկայացումից առավելագույնը 72 ժամ առաջ:Դեկտեմբերի 1–ից փոխվեց ՊՇՌ թեստ հանձնելու հաճախականությունը. այժմ աշխատողները պարտավոր են շաբաթը մեկ ներկայացնել թեստի պատասխան։Նշենք, որ Ազգային ժողովը դեկտեմբերի 10-ին երկրորդ ընթերցմամբ ընդունեց կառավարության ներկայացրած օրենքի նախագիծը, որով գործատուին հնարավորություն է տրվում կորոնավիրուսի դեմ պատվաստման կամ ՊՇՌ թեստի սերտիֆիկատ չներկայացնող աշխատակցին չթույլատրել գտնվել աշխատավայրում, կատարել իր աշխատանքային պարտականությունները, աշխատանքային պարտականությունները չկատարելու հիմքով ընդհուպ լուծել աշխատանքային պայմանագիրը:Սահմանվել են նաև բացառություններ: Այդ կարգավորումները չեն տարածվում Հանրապետության նախագահի, Ազգային ժողովի պատգամավորի, վարչապետի, համայնքի ղեկավարի և համայնքի ավագանու անդամի, Մարդու իրավունքների պաշտպանի, Սահմանադրական դատարանի դատավորի, անկախ պետական մարմնի անդամի, ինքնավար մարմնի անդամի, Վիճակագրության պետական խորհրդի անդամի, վճռաբեկ, վերաքննիչ և առաջին ատյանի դատարանի դատավորի, գլխավոր դատախազի պաշտոնների վրա:Տվյալ պաշտոնները կամ ընտրովի պաշտոններ են, կամ Սահմանադրության ուժով են ընտրվում և վերադասություն չունեն։Նշենք, որ Սահմանադրական դատարանում պատվաստման և թեստավորման վերաբերյալ ՀՀ առողջապահության նախարարի հրամանի դեմ հայց էին ներկայացրել։Դիմումը ներկայացրել են ՀՀ ազգային ժողովի պատգամավորների 1/5 մասը։ Համաձայն դրա` ՀՀ առողջապահության նախարարի 2021 թվականի օգոստոսի 20-ի հրամանը հարկադրում է բոլոր աշխատողներին կա՛մ իրենց միջոցներով թեստ հանձնել, կա՛մ պատվաստվել:Ընդդիմադիր պատգամավորները վիճարկել են նաև «ՀՀ բնակչության սանիտարահամաճարակային անվտանգության ապահովման մասին» ՀՀ օրենքը։

https://arm.sputniknews.ru/20211126/harjur-hazaravvor-dvolarner-en-tsakhsum-meqenaneri-vra-tvogh-testi-gumarn-el-tanvardevanjan-35764003.html

2021

Լուրեր

am_HY

սահմանադրական դատարան, թեստ, աշխատող, պշռ թեստ