https://arm.sputniknews.ru/20211214/ankarajic-drakan-qajler-chenq-tesnum-ajl-sharunakakan-pahanjner-ara-ajvazjan-36456813.html
Անկարայից դրական քայլեր չենք տեսնում, այլ շարունակական պահանջներ. Արա Այվազյան
Անկարայից դրական քայլեր չենք տեսնում, այլ շարունակական պահանջներ. Արա Այվազյան
Sputnik Արմենիա
Նախկին նախարարը պաշտոնավարումից հետո առաջին անգամ անդրադարձել է արտաքին քաղաքական թեմաների և խոսել Փաշինյան–Ալիև հանդիպման, Հայաստան–Թուրքիա հարաբերությունների... 14.12.2021, Sputnik Արմենիա
2021-12-14T15:41+0400
2021-12-14T15:41+0400
2021-12-14T15:45+0400
հայաստան
թուրքիա
նիկոլ փաշինյան
իլհամ ալիև
արա այվազյան
https://cdn.am.sputniknews.ru/img/07e5/05/1f/27747314_0:0:1600:901_1920x0_80_0_0_37c868a38ad8292c79b2781e4c329fdb.jpg
ԵՐԵՎԱՆ, 14 դեկտեմբերի – Sputnik. ՀՀ նախկին արտգործնախարար Արա Այվազյանը չի կարծում, թե Փաշինյան-Ալիև հանդիպումից հետո կարող է որևէ բան փոխվել։ Ինչպես հաղորդում է Aysor.am–ը, այս մասին նա ասել է ԵՊՀ-ում լրագրողների հետ զրույցում։«Երկխոսություն ունենալը միշտ էլ լավ է, բայց մենք տեսել ենք, որ դրանից հետո չեն պահպանվել ձեռք բերված պայմանավորվածությունները, ու շատ հաճախ ականատես ենք եղել իրավիճակի լարման», - ասել է նա։Ինչպես արդեն հայտնել էինք, ՀՀ վարչապետ Նիկոլ Փաշինյանը երկօրյա աշխատանքային այցով մեկնել է Բրյուսել, որտեղ նախատեսվում է նրա, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։Անդրադառնալով Հայաստանի ու Թուրքիայի միջև հատուկ ներկայացուցիչ նշանակելուն՝ նախկին նախարարը ընդգծեց, որ շատ կարևոր է, որ մեր ԱԳՆ-ում լավ հասկանան, թե ինչ օրակարգով են տանելու բանակցությունները։Արա Այվազյանը նշեց՝ քաջ հայտնի են Անկարայի և Բաքվի նպատակները:«Ես մտավախություն ունեմ, որ «3+2» ֆորմատը կարող է փորձել չեզոքացնել ու ստվերել ԵԱՀԿ Մինսկի խմբի համանախագահների ֆորմատը», - նշեց նախկին նախարարը։Այվազյանի խոսքով՝ Անկարայից ոչ թե դրական քայլեր ենք տեսնում, այլ շարունակական պահանջներ. «Ես բավական տարակուսած եմ, թե ինչ նպատակ է հետապնդում «3+2» ֆորմատը»։Հիշեցնենք` ՌԴ արտգործնախարար Սերգեյ Լավրովն Իրանի արտգործնախարար Հոսեյն Ամիր Աբդոլլահիանի հետ կայացած ասուլիսի ժամանակ հայտարարել էր, որ իրանցի գործընկերոջ հետ քննարկել է Հայաստանի, Ադրբեջանի, Վրաստանի և Թուրքիայի հետ «3+3» բանակցային ձևաչափ ստեղծելու նախաձեռնությունը՝ տարածաշրջանում տնտեսական և տրանսպորտային կապերի ապաշրջափակման հարցով:Լավրովն ասել էր, որ տրանսպորտային հաղորդակցությունների ապաշրջափակումն օգուտ կբերի ոչ միայն Հայաստանին և Ադրբեջանին, այլ նաև Վրաստանին: Իրանը, Ռուսաստանը և Թուրքիան` որպես այս երեք հանրապետությունների ամենամոտ հարևաններ, նրա դիտարկմամբ, նույնպես կշահեն դրանից։
https://arm.sputniknews.ru/20211214/hajturqakan-haraberutjunneri-verakangnumic-kshahi-naev-turqian-aghajanjan-----36453746.html
https://arm.sputniknews.ru/20211214/pashinjany-meknec-brjusel-vortegh-alievi-handipum-e-nakhatesvats-inch-ka-orakargum-36441628.html
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թուրքիա, նիկոլ փաշինյան, իլհամ ալիև, արա այվազյան
հայաստան, թուրքիա, նիկոլ փաշինյան, իլհամ ալիև, արա այվազյան
Անկարայից դրական քայլեր չենք տեսնում, այլ շարունակական պահանջներ. Արա Այվազյան
15:41 14.12.2021 (Թարմացված է: 15:45 14.12.2021) Նախկին նախարարը պաշտոնավարումից հետո առաջին անգամ անդրադարձել է արտաքին քաղաքական թեմաների և խոսել Փաշինյան–Ալիև հանդիպման, Հայաստան–Թուրքիա հարաբերությունների և «3+2» ձևաչափի մասին։
ԵՐԵՎԱՆ, 14 դեկտեմբերի – Sputnik. ՀՀ նախկին արտգործնախարար Արա Այվազյանը չի կարծում, թե Փաշինյան-Ալիև հանդիպումից հետո կարող է որևէ բան փոխվել։ Ինչպես հաղորդում է
Aysor.am–ը, այս մասին նա ասել է ԵՊՀ-ում լրագրողների հետ զրույցում։
«Երկխոսություն ունենալը միշտ էլ լավ է, բայց մենք տեսել ենք, որ դրանից հետո չեն պահպանվել ձեռք բերված պայմանավորվածությունները, ու շատ հաճախ ականատես ենք եղել իրավիճակի լարման», - ասել է նա։
Ինչպես արդեն
հայտնել էինք, ՀՀ վարչապետ Նիկոլ Փաշինյանը երկօրյա աշխատանքային այցով մեկնել է Բրյուսել, որտեղ նախատեսվում է նրա, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։
14 դեկտեմբերի 2021, 14:35
Անդրադառնալով Հայաստանի ու Թուրքիայի միջև հատուկ ներկայացուցիչ նշանակելուն՝ նախկին նախարարը ընդգծեց, որ շատ կարևոր է, որ մեր ԱԳՆ-ում լավ հասկանան, թե ինչ օրակարգով են տանելու բանակցությունները։
«Բնականաբար, բոլոր ժամանակներում եղել է ձգտում առանց նախապայմանների երկխոսություն ծավալել, որը որոշ ընթացք ունեցել է, բայց բավական երկար ժամանակ որևէ երկխոսություն չկար Թուրքիայի հետ», - ասաց նա։
Արա Այվազյանը նշեց՝ քաջ հայտնի են Անկարայի և Բաքվի նպատակները:
«Ես մտավախություն ունեմ, որ «3+2» ֆորմատը կարող է փորձել չեզոքացնել ու ստվերել ԵԱՀԿ Մինսկի խմբի համանախագահների ֆորմատը», - նշեց նախկին նախարարը։
Այվազյանի խոսքով՝ Անկարայից ոչ թե դրական քայլեր ենք տեսնում, այլ շարունակական պահանջներ. «Ես բավական տարակուսած եմ, թե ինչ նպատակ է հետապնդում «3+2» ֆորմատը»։
14 դեկտեմբերի 2021, 10:05
Հիշեցնենք` ՌԴ արտգործնախարար
Սերգեյ Լավրովն Իրանի արտգործնախարար Հոսեյն Ամիր Աբդոլլահիանի հետ կայացած ասուլիսի ժամանակ հայտարարել էր, որ իրանցի գործընկերոջ հետ քննարկել է Հայաստանի, Ադրբեջանի, Վրաստանի և Թուրքիայի հետ «3+3» բանակցային ձևաչափ ստեղծելու նախաձեռնությունը՝ տարածաշրջանում տնտեսական և տրանսպորտային կապերի ապաշրջափակման հարցով:
Լավրովն ասել էր, որ տրանսպորտային հաղորդակցությունների ապաշրջափակումն օգուտ կբերի ոչ միայն Հայաստանին և Ադրբեջանին, այլ նաև Վրաստանին: Իրանը, Ռուսաստանը և Թուրքիան` որպես այս երեք հանրապետությունների ամենամոտ հարևաններ, նրա դիտարկմամբ, նույնպես կշահեն դրանից։
