https://arm.sputniknews.ru/20211208/mak-i-datarani-vorvoshumnern-artacvolum-en-mer-pastarkneri-yndunumy-hh-agni-ardzaganqy-36183897.html
ՄԱԿ-ի դատարանի որոշումներն արտացոլում են մեր փաստարկների ընդունումը. ՀՀ ԱԳՆ–ի արձագանքը
ՄԱԿ-ի դատարանի որոշումներն արտացոլում են մեր փաստարկների ընդունումը. ՀՀ ԱԳՆ–ի արձագանքը
Sputnik Արմենիա
Հայաստանը հետամուտ է լինելու Ադրբեջանի կողմից ՄԱԿ-ի Արդարադատության միջազգային դատարանի որոշումների կատարմանը և դատարանին տեղեկացնելու է ցանկացած խախտման... 08.12.2021, Sputnik Արմենիա
2021-12-08T16:03+0400
2021-12-08T16:03+0400
2021-12-16T15:08+0400
հայաստան
ադրբեջան
հհ արտաքին գործերի նախարարություն. ագն
դատարան
գերի
միավորված ազգերի կազմակերպություն (մակ)
https://cdn.am.sputniknews.ru/img/07e4/08/18/24215379_0:0:1601:901_1920x0_80_0_0_2f9b6e87ad19b6e9849e0afbe8652a61.jpg
ԵՐԵՎԱՆ, 8 դեկտեմբերի - Sputnik. ՀՀ արտաքին գործերի նախարարությունն արձագանքել է դեկտեմբերի 7–ին ՄԱԿ-ի Արդարադատության միջազգային դատարանի որոշումներին, որոնք կապված էին Հայաստանի և Ադրբեջանի կողմից ներկայացված հրատապ միջոցներ կիրառելուն։Նշենք, որ «Ռասայական խտրականության բոլոր ձևերի վերացման մասին» միջազգային կոնվենցիայի շրջանակներում ՄԱԿ-ի Արդարադատության միջազգային դատարանը պարտադիր իրավական ուժ ունեցող պարտավորություններ էր ներկայացրել Ադրբեջանին։ՀՀ արտաքին գործերի նախարարությունը հրավիրում է ԵԱՀԿ Մինսկի խմբի համանախագահության և մյուս միջազգային գործընկերների ուշադրությունը ՄԱԿ-ի Արդարադատության միջազգային դատարանի վճռին և կոչ անում շարունակել ջանքեր գործադրել արձանագրված խնդիրների համապարփակ հասցեագրման ուղղությամբ:Շեշտվում է, որ հրատապ միջոցներ կիրառելու վերաբերյալ իր դիմումում Հայաստանն ապացույցներ է ներկայացրել Ադրբեջանի կողմից հայ ռազմագերիների և այլ պահվող անձանց նկատմամբ ռասայական դրդապատճառներով սպանությունների և խոշտանգումների վերաբերյալ։ Բացի այդ Հայաստանն ապացուցել է, որ Ադրբեջանը հայկական մշակութային ժառանգության ոչնչացման շարունակական քաղաքականության է վարում։Դատարանը գտել է, որ առկա է ազգությամբ հայերի իրավունքներին անդառնալի վնաս հասցնելու անմիջական վտանգ և Ադրբեջանին պարտավորեցրել է պաշտպանել բռնությունից և մարմնական վնասվածքներից բոլոր այն անձանց, ովքեր գերեվարվել են 2020թ. զինված հակամարտությամբ պայմանավորված և դեռևս շարունակում են մնալ գերեվարված։ Ադրբեջանը պետք է ապահովի նրանց անվտանգությունն ու օրենքի առջև հավասարությունը։Երևանը Բաքվին ականապատ դաշտերի քարտեզները տվել է ՄԱԿ-ի դատարանի որոշումից դեռ 3 օր առաջԱդրբեջանին դատարանը պարտավորեցրել է ձեռնարկել բոլոր անհրաժեշտ միջոցները՝ կանխելու հայերին թիրախավորող ռասայական ատելության և խտրականության հրահրումը և խթանումը, ներառյալ՝ Ադրբեջանի պաշտոնյաների և պետական հաստատությունների կողմից։Բացի այդ դատարանի որոշմամբ պետք է ձեռնարկել բոլոր անհրաժեշտ միջոցները՝ կանխելու և պատժելու վանդալիզմի ու պղծման գործողությունները ուղղված հայկական մշակութային ժառանգությանը, ներառյալ՝ եկեղեցիների և այլ պաշտամունքի վայրերի, հուշարձանների, տեսարժան վայրերի, գերեզմանատների և արտեֆակտերի դեմ։«Հրատապ միջոցների կիրառման վերաբերյալ դատարանի վճիռները ճանաչում են այս իրողությունները և դրանց հասցեագրման համար ստեղծում են միջազգային իրավունքի համաձայն՝ պարտադիր իրավական ուժ ունեցող պարտավորություններ»,–նշված է հաղորդագրության մեջ:Շեշտվում է, որ Հայաստանը հետամուտ է լինելու Ադրբեջանի կողմից դատարանի որոշումների կատարմանը և դատարանին տեղեկացնելու է ցանկացած խախտման մասին։Հիշեցնենք` սեպտեմբերին Հայաստանի Հանրապետությունը գանգատ էր ներկայացրել ՄԱԿ-ի արդարադատության միջազգային դատարան ընդդեմ Ադրբեջանի՝ խտրականության բոլոր ձևերի վերացման միջազգային կոնվենցիայի խախտման հիմքով: Իր հայցում Հայաստանը պահանջում էր, որ Ադրբեջանն անհապաղ ազատ արձակի հայ գերիներին, քաղաքացիական պատանդներին և այլ պահված անձանց, որոնք գերեվարվել են 2020 թվականի սեպտեմբեր-նոյեմբեր ամիսներին կամ դրանից հետո զինված բախումների ժամանակ։ Մինչ այդ Ադրբեջանը պետք է նրանց հետ վարվի ռասայական խտրականության բոլոր ձևերի վերացման մասին կոնվենցիայի պարտավորությունների շրջանակում։Ադրբեջանը պետք է զերծ մնա հայերի նկատմամբ ազգային հողի վրա ատելություն սերմանող արտահայտություններից, այդ թվում՝ դադարեցնի այսպես կոչված «ռազմական ավարների այգու» գործողությունը։ Բաքուն պետք է ապահովի իրենց կողմից վերահսկվող տարածքում մշակութային հուշարձաններ (վանքեր, հուշարձաններ և այլն) այցելելու հնարավորությունը, ինչպես նաև իրական միջոցներ ձեռնարկի այդ հուշարձանների պահպանման համար:Բաքուն էլ սեպտեմբերի 24-ին հայց էր ներկայացրել, որում պնդում է, թե իբր Հայաստանը մի շարք խտրական գործողություններ է իրականացրել և իրականացնում ադրբեջանցիների դեմ՝ նրանց ազգային և էթնիկ ծագման հիման վրա:Դեկտեմբերի 7-ին դատարանը հրապարակեց իր որոշումը և Ադրբեջանից պահանջեց դադարեցնել հայերի նկատմամբ ռասայական ատելության հրահրումը։ Միջազգային դատարանը նույն պահանջը ներկայացրեց նաև Հայաստանին և կողմերին կոչ արեց ձեռնպահ մնալ ցանկացած գործողությունից, որը կարող է իրավիճակի վատթարացման հանգեցնել։Նշենք, որ Ադրբեջանը վերջին անգամ Հայաստանին է փոխանցել նոյեմբերի 16-ին սահմանին տեղի ունեցած մարտերի ժամանակ գերեվարված 10 հայ զինվորականի։ Բայց Բաքվում շարունակում են մնալ տասնյակ գերիներ, այդ թվում նաև` նոյեմբերի 16–ին գերեվարվածներ։
https://arm.sputniknews.ru/20211207/hhn-adrbejanin-mijancq-tramadrelu-partavvorutjun-chuni-hh-agni-pataskhann-alievin-36125903.html
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, հհ արտաքին գործերի նախարարություն. ագն, դատարան, գերի, միավորված ազգերի կազմակերպություն (մակ)
հայաստան, ադրբեջան, հհ արտաքին գործերի նախարարություն. ագն, դատարան, գերի, միավորված ազգերի կազմակերպություն (մակ)
ՄԱԿ-ի դատարանի որոշումներն արտացոլում են մեր փաստարկների ընդունումը. ՀՀ ԱԳՆ–ի արձագանքը
16:03 08.12.2021 (Թարմացված է: 15:08 16.12.2021) Հայաստանը հետամուտ է լինելու Ադրբեջանի կողմից ՄԱԿ-ի Արդարադատության միջազգային դատարանի որոշումների կատարմանը և դատարանին տեղեկացնելու է ցանկացած խախտման մասին։
ԵՐԵՎԱՆ, 8 դեկտեմբերի - Sputnik. ՀՀ արտաքին գործերի նախարարությունն
արձագանքել է դեկտեմբերի 7–ին ՄԱԿ-ի Արդարադատության միջազգային դատարանի որոշումներին, որոնք կապված էին Հայաստանի և Ադրբեջանի կողմից ներկայացված հրատապ միջոցներ կիրառելուն։
Նշենք, որ «Ռասայական խտրականության բոլոր ձևերի վերացման մասին» միջազգային կոնվենցիայի շրջանակներում ՄԱԿ-ի Արդարադատության միջազգային դատարանը պարտադիր իրավական ուժ ունեցող պարտավորություններ էր ներկայացրել Ադրբեջանին։
«Այդ որոշումները, միանշանակ, արտացոլում են դատարանի կողմից հայկական կողմի ներկայացրած մի շարք առանցքային փաստարկների ընդունումը և դատարանի առջև մեր դիրքորոշումների հաստատումը»,–նշված է հաղորդագրության մեջ:
ՀՀ արտաքին գործերի նախարարությունը հրավիրում է ԵԱՀԿ Մինսկի խմբի համանախագահության և մյուս միջազգային գործընկերների ուշադրությունը ՄԱԿ-ի Արդարադատության միջազգային դատարանի վճռին և կոչ անում շարունակել ջանքեր գործադրել արձանագրված խնդիրների համապարփակ հասցեագրման ուղղությամբ:
Շեշտվում է, որ հրատապ միջոցներ կիրառելու վերաբերյալ իր դիմումում Հայաստանն ապացույցներ է ներկայացրել Ադրբեջանի կողմից հայ ռազմագերիների և այլ պահվող անձանց նկատմամբ ռասայական դրդապատճառներով սպանությունների և խոշտանգումների վերաբերյալ։ Բացի այդ Հայաստանն ապացուցել է, որ Ադրբեջանը հայկական մշակութային ժառանգության ոչնչացման շարունակական քաղաքականության է վարում։
Դատարանը գտել է, որ առկա է ազգությամբ հայերի իրավունքներին անդառնալի վնաս հասցնելու անմիջական վտանգ և Ադրբեջանին պարտավորեցրել է պաշտպանել բռնությունից և մարմնական վնասվածքներից բոլոր այն անձանց, ովքեր գերեվարվել են 2020թ. զինված հակամարտությամբ պայմանավորված և դեռևս շարունակում են մնալ գերեվարված։ Ադրբեջանը պետք է ապահովի նրանց անվտանգությունն ու օրենքի առջև հավասարությունը։
Ադրբեջանին դատարանը պարտավորեցրել է ձեռնարկել բոլոր անհրաժեշտ միջոցները՝ կանխելու հայերին թիրախավորող ռասայական ատելության և խտրականության հրահրումը և խթանումը, ներառյալ՝ Ադրբեջանի պաշտոնյաների և պետական հաստատությունների կողմից։
Բացի այդ դատարանի որոշմամբ պետք է ձեռնարկել բոլոր անհրաժեշտ միջոցները՝ կանխելու և պատժելու վանդալիզմի ու պղծման գործողությունները ուղղված հայկական մշակութային ժառանգությանը, ներառյալ՝ եկեղեցիների և այլ պաշտամունքի վայրերի, հուշարձանների, տեսարժան վայրերի, գերեզմանատների և արտեֆակտերի դեմ։
«Հրատապ միջոցների կիրառման վերաբերյալ դատարանի վճիռները ճանաչում են այս իրողությունները և դրանց հասցեագրման համար ստեղծում են միջազգային իրավունքի համաձայն՝ պարտադիր իրավական ուժ ունեցող պարտավորություններ»,–նշված է հաղորդագրության մեջ:
Շեշտվում է, որ Հայաստանը հետամուտ է լինելու Ադրբեջանի կողմից դատարանի որոշումների կատարմանը և դատարանին տեղեկացնելու է ցանկացած խախտման մասին։
Հիշեցնենք` սեպտեմբերին Հայաստանի Հանրապետությունը գանգատ էր ներկայացրել ՄԱԿ-ի արդարադատության միջազգային դատարան ընդդեմ Ադրբեջանի՝ խտրականության բոլոր ձևերի վերացման միջազգային կոնվենցիայի խախտման հիմքով: Իր հայցում Հայաստանը պահանջում էր, որ Ադրբեջանն անհապաղ ազատ արձակի հայ գերիներին, քաղաքացիական պատանդներին և այլ պահված անձանց, որոնք գերեվարվել են 2020 թվականի սեպտեմբեր-նոյեմբեր ամիսներին կամ դրանից հետո զինված բախումների ժամանակ։ Մինչ այդ Ադրբեջանը պետք է նրանց հետ վարվի ռասայական խտրականության բոլոր ձևերի վերացման մասին կոնվենցիայի պարտավորությունների շրջանակում։
Ադրբեջանը պետք է զերծ մնա հայերի նկատմամբ ազգային հողի վրա ատելություն սերմանող արտահայտություններից, այդ թվում՝ դադարեցնի այսպես կոչված «ռազմական ավարների այգու» գործողությունը։ Բաքուն պետք է ապահովի իրենց կողմից վերահսկվող տարածքում մշակութային հուշարձաններ (վանքեր, հուշարձաններ և այլն) այցելելու հնարավորությունը, ինչպես նաև իրական միջոցներ ձեռնարկի այդ հուշարձանների պահպանման համար:
Բաքուն էլ սեպտեմբերի 24-ին հայց էր ներկայացրել, որում պնդում է, թե իբր Հայաստանը մի շարք խտրական գործողություններ է իրականացրել և իրականացնում ադրբեջանցիների դեմ՝ նրանց ազգային և էթնիկ ծագման հիման վրա:
Դեկտեմբերի 7-ին դատարանը
հրապարակեց իր որոշումը և Ադրբեջանից պահանջեց դադարեցնել հայերի նկատմամբ ռասայական ատելության հրահրումը։ Միջազգային դատարանը նույն պահանջը ներկայացրեց նաև Հայաստանին և կողմերին կոչ արեց ձեռնպահ մնալ ցանկացած գործողությունից, որը կարող է իրավիճակի վատթարացման հանգեցնել։
Նշենք, որ Ադրբեջանը վերջին անգամ
Հայաստանին է փոխանցել նոյեմբերի 16-ին սահմանին տեղի ունեցած մարտերի ժամանակ գերեվարված 10 հայ զինվորականի։ Բայց Բաքվում շարունակում են մնալ տասնյակ գերիներ, այդ թվում նաև` նոյեմբերի 16–ին գերեվարվածներ։
