Մեծ ու հավակնոտ ծրագիր․ «Մատենան» և «Սկոլկովոն» 2022-ին միանգամից երեք ծրագիր կիրականացնեն
15:13 06.12.2021 (Թարմացված է: 15:25 06.12.2021)
© Sputnik / Asatur YesayantsՌուբեն Հայրապետյանը, Յուրի Լևինը և Ռուբեն Վարդանյանը
![Ռուբեն Հայրապետյանը, Յուրի Լևինը և Ռուբեն Վարդանյանը Ռուբեն Հայրապետյանը, Յուրի Լևինը և Ռուբեն Վարդանյանը - Sputnik Արմենիա, 1920, 06.12.2021](https://cdn.am.sputniknews.ru/img/07e5/0c/06/36092694_0:0:1600:900_1920x0_80_0_0_b3ce8e411810108c18f7607f1ae5c1ff.jpg)
© Sputnik / Asatur Yesayants
Բաժանորդագրվել
Կրթական ծրագրերի նպատակը լինելու է ոչ միայն դրանց մասնակիցներին գիտելիքներ փոխանցելը, այլև նրանց դեռ ուսման ընթացքում այդ գիտելիքները գործնականում իրացնելու հնարավորություն տալը։
ԵՐԵՎԱՆ, 6 դեկտեմբերի – Sputnik. Հայկական համայնքների ղեկավարները կմասնակցեն քառամսյա կրթական ծրագրին, որը համատեղ իրականացնում են Մոսկվայի «Սկոլկովո» կառավարման դպրոցի լրացուցիչ մասնագիտական կրթության ոչ պետական կրթական հաստատությունը և «Մատենա» առաջնորդության ու մասնագիտական զարգացման միջազգային դպրոցը:
Ծրագիրը մեկնարկել է «Մատենա» առաջնորդության և մասնագիտական զարգացման միջազգային դպրոցի գործադիր տնօրեն, տնտեսագիտության դոկտոր, պրոֆեսոր Ռուբեն Հայրապետյանի և Մոսկվայի «Սկոլկովո» կառավարման դպրոցի ռեկտոր Յուրի Լևինի միջև Երևանում ստորագրված փոխըմբռնման հուշագրի հիման վրա:
Ինչպես Sputnik Արմենիայի թղթակցի հետ զրույցում պարզաբանեց Լևինը՝ «Սկոլկովոյին» մոտ է «Մատենա» դպրոցի ձևաչափը, իսկ մասնակցությունը ծրագրին գլոբալ դպրոցի ստեղծման քայլերից մեկն է։
© Sputnik / Asatur YesayantsՅուրի Լևին
![Ректор Московской школы управления Сколково Юрий Левин на церемонии подписания Меморандума о сотрудничестве между Международной школой профессионального развития Matena и Московской школой управления Сколково (6 декабря 2021). Еревaн Ректор Московской школы управления Сколково Юрий Левин на церемонии подписания Меморандума о сотрудничестве между Международной школой профессионального развития Matena и Московской школой управления Сколково (6 декабря 2021). Еревaн - Sputnik Արմենիա, 1920, 06.12.2021](https://cdn.am.sputniknews.ru/img/07e5/0c/06/36092711_0:0:1600:1067_1920x0_80_0_0_6eb5b6c92aed6509f06f439799cd69c0.jpg)
Յուրի Լևին
© Sputnik / Asatur Yesayants
Նրա խոսքով՝ 2022 թ․-ի առաջին չորս ամիսներին Հայաստանում երեք ծրագիր է մեկնարկելու։ Առաջինը նախատեսում է պետական պաշտոնյաների, համայնքների ղեկավարների ուսուցում։ Առաջին ծրագրի իրականացումը կսկսվի փետրվարի կեսերին և կտևի չորս ամիս։
«Համայնքների ղեկավարների համար ծրագիրը բաղկացած է չորս մոդուլից։ Դրանցից մեկը կանցկացվի «Սկոլկովոյում»։ Դա համայնքների ղեկավարներին հնարավորություն կտա շփվել ռուսաստանյան գործընկերների հետ, միջազգային փորձ ձեռք բերել։ Մյուս մոդուլները կանցկացնեն հայ մասնագետները՝ ռուսաստանցի գործընկերների մասնակցությամբ»,-պարզաբանել է Լևինը։
Նա նշել է, որ սա պիլոտային ծրագիր է, և ժամանակի ընթացքում շատ բան փոխվելու և ճշգրտվելու է։ Ծրագիրը կիրականացվի կոնկրետ երկրի տնտեսության առանձնահատկությունները հաշվի առնելով։
Նրա խոսքով ՝ «Սկոլկովոյի» մասնագետները հայ գործընկերների հետ կկիսվեն տարիների ընթացքում մշակված բազայով՝ կապված ինչպես փորձաքննության, այնպես էլ մեթոդաբանական նյութերի հետ։
Երկրորդ ծրագիրն ուղղված է Picsart, PAM և այլ ընկերությունների թոփ թիմերի զարգացմանը։ Նրանց կսովորեցնեն փոքր և միջին բիզնեսի զարգացման և վարման, թվայնացման նոր հմտություններ, մեծ ուշադրություն կդարձվի նաև ՏՏ-կլաստերին։ Լևինը նշեց, որ այդ «ճակատում» «Սկոլկովոն» նույնպես մի շարք մշակումներ ունի։
«Մեծ ուշադրություն կդարձվի ոչ միայն ծրագրերի իրականացմանը, այլև պրոֆեսորների, դասախոսների վերապատրաստմանը, քեյսերի մշակմանը։ Հսկայական ծրագրեր կան, սա հավակնոտ ծրագիր է»,-ասաց նա։
Երրորդ ծրագիրը կապված է կանանց առաջնորդության հետ։ Այն կօգնի փոխել կարծիքը բիզնես-հանրույթում կանանց դերի մասին, դուրս գալ հասարակության մեջ կնոջ դերի մասին ավանդական պատկերացումներից։ Նրա խոսքով՝ կանանց առաջնորդության ծրագիրը առաջին երեք ծրագրերից է, որոնք «Սկոլկովոն» ուզում է իրականացնել Հայաստանում։
«Մատենայի» հիմնադիրներից մեկը՝ գործարար Ռուբեն Վարդանյանը, իր հերթին նշեց, որ մեկնարկել է ծրագիր, որը խիստ կարևոր նշանակություն ունի լրջագույն ճգնաժամի մեջ հայտնված Հայաստանի համար։
© Sputnik / Asatur YesayantsՌուբեն Վարդանյան
![Ռուբեն Վարդանյան Ռուբեն Վարդանյան - Sputnik Արմենիա, 1920, 06.12.2021](https://cdn.am.sputniknews.ru/img/07e5/0c/06/36092421_0:0:1600:1067_1920x0_80_0_0_e6245cc48257df1583707a9723df4d92.jpg)
Ռուբեն Վարդանյան
© Sputnik / Asatur Yesayants
«Անհրաժեշտ է միավորվել հանուն երկրի ապագայի, մեզ դիսկուրս է հարկավոր։ Բայց այդ դիսկուրսը ոչ մի բանի չի հանգեցնի, եթե չլինեն մարդիկ, որոնք պատրաստ են կյանքի կոչել այդ քննարկումների արդյունքները»,-նշել է Վարդանյանը։
Նրա խոսքով՝ տվյալ նախագիծը դասական իմաստով ուսուցում չի ենթադրում։ Դրանք տարբեր տևողությամբ մոդուլային ծրագրեր են, որոնք կիրականացվեն Հայաստանում և Ռուսաստանում։ Ավելին՝ դրանք ուսանողների համար նախատեսված չեն։ Ծրագրի մասնակիցների մեծ մասը կսովորեն անվճար՝ դոնորների հաշվին։
Ռուբեն Հայրապետյանը Sputnik Արմենիայի թղթակցի հետ զրույցում պարզաբանեց, որ առաջին մոդուլին կմասնակցեն համայնքների մոտ 35-40 ղեկավարներ։ Հետագայում ծրագրերը կընդլայնվեն, իսկ դրանց ձևաչափը կփոփոխվի։
© Sputnik / Asatur Yesayants
Յուրի Լևինը և Ռուբեն Վարդանյանը
![Յուրի Լևինը և Ռուբեն Վարդանյանը Յուրի Լևինը և Ռուբեն Վարդանյանը - Sputnik Արմենիա](https://cdn.am.sputniknews.ru/img/07e5/0c/06/36092434_0:0:1600:1067_600x0_80_0_0_e58a9ee62f73196d11316ccfbdf0ced7.jpg)
1/6
© Sputnik / Asatur Yesayants
Յուրի Լևինը և Ռուբեն Վարդանյանը
© Sputnik / Asatur Yesayants
Ռուբեն Հայրապետյանը
![Ռուբեն Հայրապետյանը Ռուբեն Հայրապետյանը - Sputnik Արմենիա](https://cdn.am.sputniknews.ru/img/07e5/0c/06/36092656_0:0:1600:1067_600x0_80_0_0_b1d26a01304ff37ee7cf8cc613c869d9.jpg)
2/6
© Sputnik / Asatur Yesayants
Ռուբեն Հայրապետյանը
© Sputnik / Asatur Yesayants
Յուրի Լևինը և Ռուբեն Վարդանյանը
![Յուրի Լևինը և Ռուբեն Վարդանյանը Յուրի Լևինը և Ռուբեն Վարդանյանը - Sputnik Արմենիա](https://cdn.am.sputniknews.ru/img/07e5/0c/06/36092698_0:0:1600:1067_600x0_80_0_0_328daba82ab5b3d8ad9ef27ab43dc48e.jpg)
3/6
© Sputnik / Asatur Yesayants
Յուրի Լևինը և Ռուբեն Վարդանյանը
© Sputnik / Asatur Yesayants
Ռուբեն Վարդանյան
![Ռուբեն Վարդանյան Ռուբեն Վարդանյան - Sputnik Արմենիա](https://cdn.am.sputniknews.ru/img/07e5/0c/06/36092412_0:0:1600:1067_600x0_80_0_0_f2d6d808f9ca22df49c1e74fbc0fac4c.jpg)
4/6
© Sputnik / Asatur Yesayants
Ռուբեն Վարդանյան
© Sputnik / Asatur Yesayants
Յուրի Լևինը և Ռուբեն Վարդանյանը
![Յուրի Լևինը և Ռուբեն Վարդանյանը Յուրի Լևինը և Ռուբեն Վարդանյանը - Sputnik Արմենիա](https://cdn.am.sputniknews.ru/img/07e5/0c/06/36092435_0:0:1600:1067_600x0_80_0_0_cb6a8da9f96821d306d945e509549d23.jpg)
5/6
© Sputnik / Asatur Yesayants
Յուրի Լևինը և Ռուբեն Վարդանյանը
© Sputnik / Asatur Yesayants
Ռուբեն Վարդանյան
![Ռուբեն Վարդանյան Ռուբեն Վարդանյան - Sputnik Արմենիա](https://cdn.am.sputniknews.ru/img/07e5/0c/06/36092418_0:0:1600:1067_600x0_80_0_0_85c51e21305975c855d0f70480eb3631.jpg)
6/6
© Sputnik / Asatur Yesayants
Ռուբեն Վարդանյան
1/6
© Sputnik / Asatur Yesayants
Յուրի Լևինը և Ռուբեն Վարդանյանը
2/6
© Sputnik / Asatur Yesayants
Ռուբեն Հայրապետյանը
3/6
© Sputnik / Asatur Yesayants
Յուրի Լևինը և Ռուբեն Վարդանյանը
4/6
© Sputnik / Asatur Yesayants
Ռուբեն Վարդանյան
5/6
© Sputnik / Asatur Yesayants
Յուրի Լևինը և Ռուբեն Վարդանյանը
6/6
© Sputnik / Asatur Yesayants
Ռուբեն Վարդանյան
«Ամսական երեք-չորս օր մասնակիցները ուսուցման կուրս կանցնեն՝ առավոտյան 9-ից մինչև երեկոյան 6-ը, Դիլիջանում, Մոսկվայում («Սկոլկովոյի» մասնաշենքում) և Երևանում։ Մնացած ժամանակը նրանք կաշխատեն անհատական ծրագրերի վրա, որպեսզի կուրսի ավարտին ներկայացնեն արդյունքը»,-ասաց Հայրապետյանը։
Նրա խոսքով՝ այս ծրագրերի նպատակը ոչ միայն մասնակիցների ուսուցումն է, այլև այն, որպեսզի նրանք ավարտելուն պես արդեն կարողանան գործնական արդյունքների հասնել։