https://arm.sputniknews.ru/20211206/hamatarats-kalanavvorum-en-nranc-um-qrgvortservov-ishkhanutjuny-hetaqrqrvats-e-aleqsanjan--36089655.html

Համատարած կալանավորում են նրանց, ում քրգործերով իշխանությունը հետաքրքրված է. Ալեքսանյան

Համատարած կալանավորում են նրանց, ում քրգործերով իշխանությունը հետաքրքրված է. Ալեքսանյան

Sputnik Արմենիա

Առուշ Առուշանյանի և Արմեն Չարչյանի պաշտպանը կարծում է, որ միամտություն է քաղաքական հետապնդում չորակելն իր պաշտպանյալների դեմ հարուցված քրգործերը։ 06.12.2021, Sputnik Արմենիա

2021-12-06T14:25+0400

2021-12-06T14:25+0400

2021-12-06T14:32+0400

էրիկ ալեքսանյան

ասուլիս

փաստաբան

դատ

առուշ առուշանյան

արմեն չարչյան

https://cdn.am.sputniknews.ru/img/07e5/0c/06/36089494_0:0:1600:901_1920x0_80_0_0_f1dfb81cf7369fb5aebcefdf59b6b7ae.jpg

ԵՐԵՎԱՆ, 6 դեկտեմբերի – Sputnik. Ընդդիմադիրների հանդեպ քաղաքական հետապնդումները ոչ միայն շարունակվում են, այլև նոր թափ են առել։ Sputnik Արմենիայի մուլտիմեդիոն մամուլի կենտրոնում կայացած ասուլիսի ժամանակ նման կարծիք հայտնեց Գորիսի ընտրված համայնքապետ Առուշ Առուշանյանի և պրոֆեսոր, «Հայաստան» խմբակցության պատգամավոր Արմեն Չարչյանի պաշտպան Էրիկ Ալեքսանյանը։ Նրա խոսքով` ինչպես Առուշանյանի, այնպես էլ Չարչյանի դեմ հարուցված քրգործերը քաղաքական իշխանության ուշադրության ներքո են։ Զղջում եմ. Լուսինե Ավետյանը` Առուշ Առուշանյանի դեմ սուտ ցուցմունք տալու մասին«Իշխանության ներկայացուցիչներն իրենց ելույթներում ոչ միայն քրգործերին, այլ նաև հենց այդ անձանց են անդրադառնում։ Հարց է առաջանում` իշխանության ներկայացուցիչներն արդյո՞ք իրավունք ունեն այս կամ այն քրգործի առնչությամբ հայտարարություններ անել, կարո՞ղ են այս կամ այն քրգործի հանդեպ որոշակի ակնկալիքներ ունենալ։ Պատասխանն ակնհայտ է` բնականաբար, ոչ»,–ասաց Ալեքսանյանը։ Նրա խոսքով` համատարած կալանավորում են նրանց, ում դեմ հարուցված քրգործերով իշխանությունը հետաքրքրված է։ Օրինակ, Առուշանյանի դեմ հարուցված քրգործով նա կալանավորված է մեկ անձի ցուցմունքի հիման վրա. Քարահունջ համայնքի ղեկավար Լուսինե Ավետյանի մասին է խոսքը։ Ավելի ուշ չնայած Ավետյանն ասաց, որ սուտ ցուցմունք է տվել, սակայն Առուշանյանը շարունակում է կալանքի տակ մնալ։ Ալեքսանյանը նշեց` այն, որ Առուշանյանը շարունակում է մնալ կալանքի տակ, ապացուցում է, որ դատախազությունը հավատարիմ է մնում իր` իշխանությանը ծառայելու առաքելությանը։ Դատական իշխանությունը, ըստ նրա, նույնպես շարունակում է այդ գործը։ Իսկ ինչ վերաբերում է Արմեն Չարչյանի դեմ քրգործին, ապա այն, ըստ Ալեքսանյանի, մինչ օրս արհեստականորեն ձգձգվում է։ Փաստաբանի խոսքով` Չարչյանը 100-ից ավելի միավոր ինսուլին է ստանում, սակայն շարունակում է կալանքի տակ մնալ։ Ալեքսանյանն իր խոսքն ամփոփեց` ասելով, որ այս գործերը չորակել որպես քաղաքական հետապնդում, ուղղակի միամտություն է։ Չարչյանի առողջական վիճակն ուսումնասիրելու հարցով փորձագետները գործի են անցել. պաշտպանՀիշեցնենք, որ Առուշանյանին մեղադրանք է առաջադրվել ՀՀ քրեական օրենսգրքի 154.2-րդ հոդվածի 4-րդ մասի 2-րդ կետի (ընտրողի կամքի ազատ իրականացմանը խոչընդոտելը), 149-րդ հոդվածի 2-րդ մասի 4-րդ կետի (պաշտոնեական դիրքն օգտագործելով ընտրական իրավունքի իրականացումը) և 154.2-րդ հոդվածի 3-րդ մասի (քվեարկության գաղտնիությունը խախտելը) հատկանիշներով։ Նա կալանավորված է 2021 թվականի հուլիսի 16-ից։ Ինչ վերաբերում է Չարչյանի դեմ հարուցված քրգործին, ապա հունիսի 18-ին համացանցում հայտնվեց մի ձայնագրություն, որում լսվում էր, թե ինչպես է Չարչյանը աշխատակիցներին հորդորում ԱԺ ընտրությանը մասնակցել` ակնարկելով չքվեարկել գործող իշխանությունների օգտին։ Նույն օրը Չարչյանը ձերբակալվեց։ Հունիսի 21-ին Կենտրոնական ընտրական հանձնաժողովը թույլ տվեց քրեական հետապնդում սկսել Չարչյանի նկատմամբ։ Չարչյանը կալանավորվեց, ապա 15 մլն գրավի դիմաց ազատ արձակվեց։ Օգոստոսի 23-ին Չարչյանը կրկին կալանավորվեց։ Բժիշկն առողջական լուրջ խնդիրներ ունի։

https://arm.sputniknews.ru/20211206/minasjann-ir-azatutjuny-zhamanakavorapes-kziji-bajc-patrast-che-hajreniqy-zijel-pashtpan--36087596.html

2021

Լուրեր

am_HY

էրիկ ալեքսանյան, ասուլիս, փաստաբան, դատ, առուշ առուշանյան, արմեն չարչյան