https://arm.sputniknews.ru/20211201/miav-varaki-344-nvor-depq-e-grancvel-voric-163-y-dziah-an-35929363.html

ՄԻԱՎ վարակի 344 նոր դեպք է գրանցվել, որից 163-ը` ՁԻԱՀ. ԱՆ

ՄԻԱՎ վարակի 344 նոր դեպք է գրանցվել, որից 163-ը` ՁԻԱՀ. ԱՆ

Sputnik Արմենիա

ՀՀ քաղաքացիների շրջանում 1988-ից մինչև 2021 թվականի հոկտեմբերի 30-ը ներառյալ ախտորոշվել է ՄԻԱՎ վարակի 4498 դեպք, որից 2184-ը եղել են ՁԻԱՀ-ի դեպքեր: 01.12.2021, Sputnik Արմենիա

2021-12-01T15:45+0400

2021-12-01T15:45+0400

2021-12-01T15:52+0400

հհ առողջապահության նախարարություն

ձիահ

միավ

հիվանդություն

իմունիտետ

https://cdn.am.sputniknews.ru/img/118/17/1181776_0:0:1600:901_1920x0_80_0_0_a5293cda145eb4afd7b1506082879edc.jpg

ԵՐԵՎԱՆ, 1 դեկտեմբերի - Sputnik. ՀՀ քաղաքացիների շրջանում 2021 թվականի հունվարի 1-ից մինչև հոկտեմբերի 30-ը ներառյալ ախտորոշվել է ՄԻԱՎ վարակի 344 նոր դեպք, որից 163-ը` ՁԻԱՀ է: Գրանցվել է մահվան 81 դեպք, որոնցից 61-ը` արական, և 20-ը` իգական սեռի շրջանում: Հղիության ընթացքում հայտնաբերվել է ՄԻԱՎ վարակի 17 դեպք։ Տեղեկությունը հայտնում է ԱՆ մամուլի ծառայությունը։Նշենք, որ այսօր ՁԻԱՀ-ի դեմ պայքարի համաշխարհային օրն է։ Այս տարվա ՁԻԱՀ-ի դեմ պայքարի համաշխարհային օրվա թեման է «Վե՛րջ դնենք անհավասարությանը», «Վե՛րջ դնենք ՁԻԱՀ-ին» և «Վե՛րջ դնենք համավարակներին»:ՀՀ քաղաքացիների շրջանում 1988-ից մինչև 2021 թվականի հոկտեմբերի 30-ը ներառյալ Հայաստանում ախտորոշվել է ՄԻԱՎ վարակի 4498 դեպք, որից 2184-ը եղել են ՁԻԱՀ-ով դեպքեր: Նույն ժամակահատվածում այդ հիվանդությունից մահացածների թիվը կազմել է 1012: 0-15 տարեկան երեխաների շրջանում գրանցվել է ՄԻԱՎ-ի 74 դեպք, որից 41–ը ՁԻԱՀ է։Դեպքեր են գրանցվել նաև օտարերկրյա քաղաքացիների շրջանում` 1988-2021թթ. հոկտեմբեր ժամանակահատվածում, ընդհանուր առմամբ, 242 դեպք, որոնցից 20-ը` 2021 թվականի ընթացքում:2021 թվականի նոյեմբերի 1-ի դրությամբ` Հայաստանում իրենց կարգավիճակն իմացող ՄԻԱՎ-ով ապրող մարդկանց թիվը կազմել է 3489, որոնցից հակառետրովիրուսային բուժման մեջ ընդգրկված է 2603 մարդ:Նշենք, որ վիճակագրական տվյալների համաձայն` 2020 թվականին ամբողջ աշխարհում մարդու իմունային անբավարարության վիրուսով (ՄԻԱՎ) ապրող մարդկանց գնահատված թիվը կազմել է 37,7 միլիոն, որոնց շուրջ 73%-ն ընդգրկված է եղել հակառետրովիրուսային դեղերով բուժման ծրագրում:Նույն ժամանակահատվածում աշխարհում գրանցվել է ՄԻԱՎ/ՁԻԱՀ-ի 1 միլիոն 500 հազար նոր դեպք և 680 հազար մահ` ՄԻԱՎ-ի հետ կապված պատճառներից:

https://arm.sputniknews.ru/20211201/-dziahi-depqum-kjanqi-verin-sahman-ajlevs-chi-nshvum-buzhman-depqum-aveli-erkar-en-aprum-35926090.html

https://arm.sputniknews.ru/20150812/375412.html

2021

Լուրեր

am_HY

հհ առողջապահության նախարարություն, ձիահ, միավ, հիվանդություն, իմունիտետ