https://arm.sputniknews.ru/20211127/futbvoln-aghjka-ban-che-aghjiknery-kvotrum-en-kartsratipery-khvostanalvov-chempivon-darnal-35769232.html
«Ֆուտբոլն աղջկա բան չէ՞». աղջիկները կոտրում են կարծրատիպերը` խոստանալով չեմպիոն դառնալ
«Ֆուտբոլն աղջկա բան չէ՞». աղջիկները կոտրում են կարծրատիպերը` խոստանալով չեմպիոն դառնալ
Sputnik Արմենիա
Գավառի թիվ 8 դպրոցում գործում է աղջիկների ֆուտբոլային ակումբ։ Աղջիկները խոստովանում են`տնեցիներին դժվարությամբ են համոզել, սակայն որևէ խոչընդոտ իրենց հետ չի... 27.11.2021, Sputnik Արմենիա
2021-11-27T19:04+0400
2021-11-27T19:04+0400
2021-11-27T19:04+0400
տեսանյութեր
ֆուտբոլ
տեսանյութ
աղջիկ
գավառ
https://cdn.am.sputniknews.ru/img/07e5/0b/1a/35785010_0:0:1920:1080_1920x0_80_0_0_e1a47db84759bf38c20b78c245170b0e.jpg
Եթե մի շարք երկրներում աղջիկների ֆուտբոլ խաղալը հասարակության կողմից ընդունվում է որպես հերթական սպորտաձև, որը կարող է շատերին հետաքրքրել, ապա Հայաստանում, հատկապես մարզերում, աղջիկը պետք է մի շարք խոչընդոտներ հաղթահարի ֆուտբոլով զբաղվելու համար։Մեկնարկել է «Հայ աղջիկները ֆուտբոլում» (GOALS) ՀԿ-ի «Play it Forward» նախաձեռնությունը` փորձելով կոտրել կարծատիպերն ու առողջ ապրելակերպը խթանելով։ Գեղարքունիքի մարզի Գավառ քաղաքի թիվ 8 դպրոցում գործող ֆուտբոլային ակումբը մեկն է այն 80 ակումբներից, որտեղ աղջիկներն անվճար մարզվում են։Ֆուտբոլ, դասեր ու սեր. 20-ամյա գյումրեցի աղջկա երազանքները«Արդեն երեք տարի է, ինչ մեր դպրոցում աղջիկներն անվճար ֆուտբոլ են պարապում ծրագրի շրջանակներում։ Աղջիկները սիրով են գալիս պարապմունքներին, չնայած մինչ գալը շատերին են համոզում, ու պետք է շրջապատի կարծիքներից էլ չվախենան։ Մարզերում ուրիշ է, այստեղ «չի կարելիներ» կան, չնայած մի փոքր շարժ կա մեզ մոտ»,–ասում է մարզիչը` Երվանդ Ղուրշուդյանը։Նրա խոսքով` եթե աղջիկները մանկուց սկսեն պարապել, մեծ հաջողությունների կարող են հասնել։Գավառի թիվ 8 դպրոցի աշակերտուհի Անգելինա Մարտոյանը պատմում է, որ իրենց տանն, օրինակ,պապիկն է դեմ եղել, որպեսզի ֆուտբոլի հաճախի։ Ավելին` ուզել է, որ արգելքին միանան նաև տան մյուս անդամները:Սարիբեկյան Սոֆյան էլ, որն այժմ իրենց ֆուտբոլի թիմի ավագն է, մարզվելու գնացել է ակումբի հիմնադրման օրվանից։ Սոֆյան ասում է` տան անդամներին համոզելը հեշտ էր` միայն մեծ եղբայրներն են դեմ եղել։ Սակայն իր դեպքում ավելի դժվար է եղել ընկերների և ընկերուհիների հետ։«Ընկերուհիներս նեղացել էին ինձնից, հետս չէին խոսում` ասելով, թե ֆուտբոլը տղայի բան է, կամաց–կամաց կփոխվեմ ու իրենց հետ էլ չեմ խոսի։ Դասարանի տղաներն էլ ասում էին` ո՞նց եմ ֆուտբոլ խաղալու, եթե ուրիշ տղաները գալու են, նայեն։ Բայց ես սրտիս ձայնը լսեցի ու սկսեցի մարզվել, իսկ երբ դպրացական առաջնությունում մեդալներ շահեցինք` ամեն ինչ փոխվեց»,–ասում է Սոֆյան։Կանանց ֆուտբոլի առանձնահատկությունները. ինչի համար կարող են գժտվել աղջիկներըՆա նշում է` եթե ուզում ես ինչ–որ բանի հասնել կյանքում, չպետք է ուրիշների կարծիքը հաշվի առնես` պիտի առաջ նայես։ Սոֆյան այժմ իր թիմի հետ պատրաստվում է առաջիկայում կայանալիք ֆուտբոլի մրցումներին։Հավելենք, որ նման ֆուտբոլային ակումբներ են գործում ՀՀ 8 մարզերում, որոնցում ներգրավված են ոչ միայն շուրջ 1000 մարզաբնակ, այլև Արցախից տեղահանված ընտանիքների երեխաներ։
գավառ
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, ֆուտբոլ, տեսանյութ, աղջիկ, գավառ, видео
տեսանյութեր, ֆուտբոլ, տեսանյութ, աղջիկ, գավառ, видео
«Ֆուտբոլն աղջկա բան չէ՞». աղջիկները կոտրում են կարծրատիպերը` խոստանալով չեմպիոն դառնալ
Գավառի թիվ 8 դպրոցում գործում է աղջիկների ֆուտբոլային ակումբ։ Աղջիկները խոստովանում են`տնեցիներին դժվարությամբ են համոզել, սակայն որևէ խոչընդոտ իրենց հետ չի պահել սիրելի սպորտաձևով զբաղվելուց։
Եթե մի շարք երկրներում աղջիկների ֆուտբոլ խաղալը հասարակության կողմից ընդունվում է որպես հերթական սպորտաձև, որը կարող է շատերին հետաքրքրել, ապա Հայաստանում, հատկապես մարզերում, աղջիկը պետք է մի շարք խոչընդոտներ հաղթահարի ֆուտբոլով զբաղվելու համար։
Մեկնարկել է «Հայ աղջիկները ֆուտբոլում» (GOALS) ՀԿ-ի «Play it Forward» նախաձեռնությունը` փորձելով կոտրել կարծատիպերն ու առողջ ապրելակերպը խթանելով։ Գեղարքունիքի մարզի Գավառ քաղաքի թիվ 8 դպրոցում գործող ֆուտբոլային ակումբը մեկն է այն 80 ակումբներից, որտեղ աղջիկներն անվճար մարզվում են։
«Արդեն երեք տարի է, ինչ մեր դպրոցում աղջիկներն անվճար ֆուտբոլ են պարապում ծրագրի շրջանակներում։ Աղջիկները սիրով են գալիս պարապմունքներին, չնայած մինչ գալը շատերին են համոզում, ու պետք է շրջապատի կարծիքներից էլ չվախենան։ Մարզերում ուրիշ է, այստեղ «չի կարելիներ» կան, չնայած մի փոքր շարժ կա մեզ մոտ»,–ասում է մարզիչը` Երվանդ Ղուրշուդյանը։
Նրա խոսքով` եթե աղջիկները մանկուց սկսեն պարապել, մեծ հաջողությունների կարող են հասնել։
Գավառի թիվ 8 դպրոցի աշակերտուհի Անգելինա Մարտոյանը պատմում է, որ իրենց տանն, օրինակ,պապիկն է դեմ եղել, որպեսզի ֆուտբոլի հաճախի։ Ավելին` ուզել է, որ արգելքին միանան նաև տան մյուս անդամները:
«Պապիկս դեմ էր, ասում էր` ֆուտբոլի փոխարեն նկարչության գնա. ֆուտբոլն աղջկա համար չէ։ Բայց հետո ես մամային ու պապային համոզեցի, դրանից հետո արդեն պապիկին համոզելը հեշտ էր։ Ֆուտբոլ խաղալն ինձ ազատություն է տալիս, հիմա ավելի ինքնավստահ եմ դարձել»,–ասում է Անգելինան։
Սարիբեկյան Սոֆյան էլ, որն այժմ իրենց ֆուտբոլի թիմի ավագն է, մարզվելու գնացել է ակումբի հիմնադրման օրվանից։ Սոֆյան ասում է` տան անդամներին համոզելը հեշտ էր` միայն մեծ եղբայրներն են դեմ եղել։ Սակայն իր դեպքում ավելի դժվար է եղել ընկերների և ընկերուհիների հետ։
«Ընկերուհիներս նեղացել էին ինձնից, հետս չէին խոսում` ասելով, թե ֆուտբոլը տղայի բան է, կամաց–կամաց կփոխվեմ ու իրենց հետ էլ չեմ խոսի։ Դասարանի տղաներն էլ ասում էին` ո՞նց եմ ֆուտբոլ խաղալու, եթե ուրիշ տղաները գալու են, նայեն։ Բայց ես սրտիս ձայնը լսեցի ու սկսեցի մարզվել, իսկ երբ դպրացական առաջնությունում մեդալներ շահեցինք` ամեն ինչ փոխվեց»,–ասում է Սոֆյան։
Նա նշում է` եթե ուզում ես ինչ–որ բանի հասնել կյանքում, չպետք է ուրիշների կարծիքը հաշվի առնես` պիտի առաջ նայես։ Սոֆյան այժմ իր թիմի հետ պատրաստվում է առաջիկայում կայանալիք ֆուտբոլի մրցումներին։
Հավելենք, որ նման ֆուտբոլային ակումբներ են գործում ՀՀ 8 մարզերում, որոնցում ներգրավված են ոչ միայն շուրջ 1000 մարզաբնակ, այլև Արցախից տեղահանված ընտանիքների երեխաներ։
