https://arm.sputniknews.ru/20211125/dimakvov-shat-aveli-hesht-klini-shnchel-pashinjany-hishecnum-e-arjevum-dzmer-e-35719893.html

Դիմակով շատ ավելի հեշտ կլինի շնչել. Փաշինյանը հիշեցնում է` առջևում ձմեռ է

Դիմակով շատ ավելի հեշտ կլինի շնչել. Փաշինյանը հիշեցնում է` առջևում ձմեռ է

Sputnik Արմենիա

Անահիտ Ավանեսյանը չբացառեց, որ դրական դինամիկայի պահպանման դեպքում դիմակ դնելու ռեժիմը կթեթևացվի։ 25.11.2021, Sputnik Արմենիա

2021-11-25T12:51+0400

2021-11-25T12:51+0400

2021-11-25T12:54+0400

հայաստան

նիկոլ փաշինյան

ձմեռ

դիմակ

https://cdn.am.sputniknews.ru/img/07e5/05/03/27408657_0:0:1600:901_1920x0_80_0_0_d66ed3d862177c7deb3592584bcd3465.jpg

ԵՐԵՎԱՆ, 25 նոյեմբերի – Sputnik. ՀՀ կառավարության այսօրվա նիստում ՀՀ արդարադատության նախարար Կարեն Անդրեասյանն առողջապահության նախարար Անահիտ Ավանեսյանից հետաքրքրվեց` քանի որ կորոնավիրուսի թվերն իջել են, հնարավո՞ր է, որ առաջիկայում վերացվի բացօթյա տարածքներում դիմակ դնելու պարտադիր պահանջը։«Մենք մեր սահմանափակող բոլոր միջոցառումները կիրառում ենք ըստ համաճարակային իրավիճակի և շատ ճկուն կերպով դրանք անընդհատ փոփոխում ենք` անհարկի չծանրաբեռնելով մեր քաղաքացիներին։ Բայց նաև մենք բոլորս տեսնում ենք, որ այդ միջոցառումները տալիս են ուղիղ էֆեկտ, և մենք ունենում ենք թվերի նվազում»,– ասաց Ավանեսյանը` չբացառելով, որ դրական դինամիկայի պահպանման դեպքում դիմակ դնելու ռեժիմը ևս կթեթևացվի։Վարչապետ Նիկոլ Փաշինյանն էլ իր հերթին նկատեց, որ առջևում ձմեռ է, ու քաղաքացիների դեմքը դիմակով ավելի պաշտպանված կլինի։Բարձր տեխնոլոգիական արդյունաբերության նախարար Վահագն Խաչատուրյանը, որն, ի դեպ, ՀՀ նախագահի նստավայրում հայտնի ընդունելության ժամանակ, աղմուկ հանած լուսանկարներում միակ դիմակով պաշտոնյան էր, կարծիք հայտնեց, որ դիմակն ամենաարդյունավետ միջոցն է վարակի տարածումը կանխելու համար։Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։ Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։2021-ի հունիսի 1-ից բաց տարածքներում դիմակ դնելու պահանջը վերացվեց, իսկ պատվաստված քաղաքացիների համար փակ տարածքներում դիմակ դնելը պարտադիր չէր հուլիսի 1-ից։Հոկտեմբերի 30–ին ՀՀ առողջապահության նախարարությունը կրկին խստացրեց կորոնավիրուսի կանխարգելման միջոցառումները` նոյեմբերի 1–ից դիմակ դնելը պարտադիր դարձնելով նաև հանրային բաց տարածքներում։2020թ.-ի սեպտեմբերի 11-ին ՀՀ կառավարությունը որոշեց, որ երկրում սեպտեմբերի 12-ից մինչև 2021թ.-ի հունվարի 11-ը կգործի կարանտինի ռեժիմ։ Այն երկարաձգվել էր մինչև 2021թ.-ի հուլիսի 11-ը։ Հուլիսի 9-ին որոշում կայացվեց կարանտինը երկարաձգել մինչև 2021թ.-ի դեկտեմբերի 20-ը։ Նոյեմբերի 11-ի որոշմամբ էլ կարանտինը երկարաձգվեց մինչև 2022-ի հունիսի 20-ը։

https://arm.sputniknews.ru/20211125/inchpes-patahec-vor-kvorvonavirusi-tvery-sksecin-nvazel-pashinjany-pataskhanec-ir-harcin---35718915.html

2021

Լուրեր

am_HY

հայաստան, նիկոլ փաշինյան, ձմեռ, դիմակ