https://arm.sputniknews.ru/20211118/iranakan-khvoshvor-ynkerutjunneri-khumby-nerdrum-kani-meghri-tntesakan-gvotum-nakharar-35478713.html

Իրանական խոշոր ընկերությունների խումբը ներդրում կանի «Մեղրի» տնտեսական գոտում. նախարար

Իրանական խոշոր ընկերությունների խումբը ներդրում կանի «Մեղրի» տնտեսական գոտում. նախարար

Sputnik Արմենիա

Ազատ տնտեսական գոտու պաշտոնական բացումը տեղի է ունեցել ավելի քան 3 տարի առաջ, սակայն մինչ օրս այն չի գործում։ 18.11.2021, Sputnik Արմենիա

2021-11-18T12:40+0400

2021-11-18T12:40+0400

2021-11-18T12:50+0400

հայաստան

մեղրի

վահան քերոբյան

https://cdn.am.sputniknews.ru/img/07e5/01/12/26135452_0:52:1000:615_1920x0_80_0_0_5067df0ee80d7063906940c83be1f762.jpg

ԵՐԵՎԱՆ, 18 նոյեմբերի – Sputnik. Իրանական խոշոր ընկերությունների խումբը պատրաստվում է խոշոր ներդրում անել «Մեղրի» ազատ տնտեսական գոտում։ Այսօր կառավարության նիստից հետո լրագրողների հետ զրույցում ասաց ՀՀ էկոնոմիկայի նախարար Վահան Քերոբյանը։Նա նաև նշեց, որ ներդրումային առաջարկը, ամենայն հավանականությամբ, կառավարությունը կքննարկի արդեն հաջորդ նիստում։«Ծրագիրն անմիջապես հաստատվելուց հետո կսկսի իրագործվել»,– ասաց նախարարը։Այս տարվա հունվարի 18-ին Քերոբյանն այցելել էր Մեղրի և Facebook-ում գրել. «Մեղրիի ազատ տնտեսական գոտում քննարկել ենք շուտափույթ գործարկման հնարավորությունները»։Նշենք, որ «Մեղրի» ազատ տնտեսական գոտին ստեղծվել է 2017 թվականի օգոստոսին կառավարության որոշմամբ։ Նույն տարվա դեկտեմբերի 15-ին տեղի ունեցավ պաշտոնական բացումը, սակայն այնտեղ տնտեսական գործունեություն դեռևս չի ծավալվում։«Մեղրի» ազատ տնտեսական գոտու գործառնական տեսակը սահմանված է որպես արտադրաարդյունաբերական և լոգիստիկ՝ գյուղատնտեսության, մշակող արդյունաբերության, էլեկտրականության մատակարարման, առևտրի, փոխադրումների և պահեստային տնտեսության, մասնագիտական և տեխնիկական գործունեության, մշակույթի, զբոսաշրջության, զվարճությունների և հանգստի ոլորտներում:Գնաճը հասել է 9.1 տոկոսի. ԿԲ–ի կանխատեսումներն առաջիկա ամիսների համար լավատեսական չեն2017 թվականի դեկտեմբերի 15-ին ՀՀ կառավարությունը` ի դեմս ՀՀ տնտեսական զարգացման և ներդրումների նախարարության և «Մեղրի ազատ տնտեսական գոտի» ՓԲԸ կնքեցին պայմանագիր ազատ տնտեսական գոտու կազմակերպման մասին, գործունեության ժամկետը` 50 տարի:Հիշեցնենք, որ ԵԱՏՄ–ի և Իրանի միջև ազատ առևտրի գոտու մասին ժամանակավոր համաձայնագիրն ուժի մեջ է մտել 2019 թվականի հոկտեմբերի 27-ին։ Համաձայնագիրը սահմանափակ ապրանքներ է ներառում, սակայն դրա մեջ մտնում են հիմնական գրեթե բոլոր տեսակները (ԵԱՏՄ երկրներից ընդհանուր արտահանման շուրջ 55%–ը)։ Խոսքը վերաբերում է գյուղատնտեսական և արդյունաբերական խմբի ապրանքներին»ԵԱՏՄ–ն 2022թ–ից նախատեսում է Իրանի հետ ժամանակավոր պայմանագիրը վերաձևակերպել անժամկետի։Էլեկտրամոբիլներ ներկրողներն ու վաճառողները ևս 2 տարի ԱԱՀ չեն վճարի

https://arm.sputniknews.ru/20211118/metaghi-jardon-ev-plastik-inch-en-anum-hh-n-u-eatm-ajl-erkrnery-kanach-tntesutjan-hamar-35231160.html

մեղրի

2021

Լուրեր

am_HY

հայաստան, մեղրի, վահան քերոբյան