https://arm.sputniknews.ru/20211117/voch-aveli-khvoracel-en-voch-el-chen-khvoracel-pashinjany-kvorcrats-taratsqneri-u-dirqeri-masin-35454016.html

Ո՛չ ավելի խորացել են, ո՛չ էլ չեն խորացել. Փաշինյանը` կորցրած տարածքների ու դիրքերի մասին

Ո՛չ ավելի խորացել են, ո՛չ էլ չեն խորացել. Փաշինյանը` կորցրած տարածքների ու դիրքերի մասին

Sputnik Արմենիա

ՀՀ վարչապետի մեկնաբանմամբ` 2021թ–ի մայիսի 12-ից առաջ էլ ՀՀ 41 ք/ կմ տարածք եղել է Ադրբեջանի վերահսկողության ներքո` արցախյան առաջին պատերազմի հետևանքով։ 17.11.2021, Sputnik Արմենիա

2021-11-17T17:12+0400

2021-11-17T17:12+0400

2021-11-17T17:19+0400

նիկոլ փաշինյան

հայաստան

սյունիք

ադրբեջան

հայ-ադրբեջանական

ադրբեջանական ագրեսիան հայաստանի դեմ - 2020

աժ (ազգային ժողով)

վարչապետ

https://cdn.am.sputniknews.ru/img/07e5/05/0a/27491134_0:0:1600:901_1920x0_80_0_0_09e9f92a3a23e2487a44b3a15f44ba8d.jpg

ԵՐԵՎԱՆ, 17 նոյեմբերի – Sputnik. Ադրբեջանի սանձազերծած վերջին օրերի ռազմական գործողությունների հետևանքով ՀՀ տարածքից նոր կորուստներ չեն գրանցվել։ Այսօր ԱԺ–ում ՀՀ վարչապետ Նիկոլ Փաշինյանը պատգամավորների հետ հարցուպատասխանի ժամանակ մեկնաբանեց նախօրեին հնչած հայտարարությունն այն մասին , որ 2021թ–ի մայիսի 12-ից հետո Ադբեջանը Հայաստանից 41 քառ կմ տարածք է օկուպացրել։Ինչ վերաբերում է հայկական կողմի կորցրած դիրքերի մասին տեղեկություններին, վարչապետը պարզաբանեց, որ մայիսի 12-ից հետո հայ–ադրբեջանական սահմանագծին երկու կողմերի դիրքերի բաշխվածությունն անընդհատ փոփոխվում է։«Մենք ենք գնում ուրիշ տեղ դիրք դնում, որի արդյունքում իրենց ինչ–որ դիրքերի գոյությունն անիմաստ է դառնում, հանում են, տանում ուրիշ տեղ դնում` այդ նույն տարածքի մեջ։ Ըստ էության, ո՛չ ավելի խորացել են, ո՛չ էլ չեն խորացել»,– ասաց նա։Փաշինյանը նաև շեշտեց, որ 2021թ–ի մայիսի 12-ի առաջ էլ ՀՀ 41 քառ կմ տարածք եղել է Ադրբեջանի վերահսկողության ներքո` արցախյան առաջին պատերազմի հետևանքով։«Մենք այդ տարածքները կոնկրետ գիտենք` կոնկրետ տեղերով, կոնկրետ հատվածներով և այլն։ Պետք է ասել, որ առաջին պատերազմի արդյունքներով նաև Սովետական Ադրբեջանի տարածքներ կան, որոնք գտնվել և գտնվում են Հայաստանի վերահսկողության ներքո։ Եվ, ըստ էության, այս հանգամանքների բերումով է, որ շատ կարևոր է սահմանների դեմարկացիայի ու դելիմիտացիայի գործընթացը։ Որովհետև, երբ որ ասվում է, որ Ադրբեջանը մեր տարածքներն օկուպացրել է, ինչը ճշմարտություն է, միջազգային հանրության ռեակցիան հետևյալն է` այո, այդպես է, բայց այնպես չէ, որ այդտեղ բալանս կա։ Տարածքներ կան, որ ձեր վերահսկողության ներքո են, բայց պիտի չլինեին, և կան տարածքներ, որ Ադրբեջանի վերահսկողության ներքո են, բայց պիտի չլինեին` հանգամանքներից ելնելով»,– ասաց Փաշինյանը։Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։Դրանից հետո տեղային մարտեր էին սկսվել։Արդյունքում հայկական կողմը 2 մարտական դիրք կորցրեց, ՀՀ պաշտպանական գերատեսչությունը հայտնեց 12 հայ զինծառայողի գերեվարման և մեկ զոհի մասին:Նոյեմբերի 16–ին` ժ. 22։30–ի սահմաններում, ռուսական կողմի միջնորդությամբ կրակը դադարեցվեց։Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի արդյունքում թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։

https://arm.sputniknews.ru/20211117/inch-e-nshanakum-geri-ynknel-pashinjany-vstahecnum-e-hnaravvor-che-chkrakelu-hraman-trvi-35452958.html

https://arm.sputniknews.ru/20211117/angeghakvoty-sari-pes-gjugh-a-turq-erbeq-chi-mtel-bnakichnery-chen-patrastvum-lqel-gjughy-35444447.html

սյունիք

ադրբեջան

2021

Լուրեր

am_HY

նիկոլ փաշինյան, հայաստան, սյունիք, ադրբեջան, հայ-ադրբեջանական, ադրբեջանական ագրեսիան հայաստանի դեմ - 2020, աժ (ազգային ժողով), վարչապետ