https://arm.sputniknews.ru/20211117/hhn-mijazgajin-gvortsynkernerin-kvoch-e-anum-datapartel-adrbejani-qajlery-nazarjan-35464234.html

ՀՀ–ն միջազգային գործընկերներին կոչ է անում դատապարտել Ադրբեջանի քայլերը. Նազարյան

ՀՀ–ն միջազգային գործընկերներին կոչ է անում դատապարտել Ադրբեջանի քայլերը. Նազարյան

Sputnik Արմենիա

Սուրբ աթոռում ՀՀ դեսպան Կարեն Նազարյանը տեղական լրատվամիջոցներում մեկնաբանել է հայ–ադրբեջանական սահմանին տիրող իրավիճակը։ 17.11.2021, Sputnik Արմենիա

2021-11-17T20:15+0400

2021-11-17T20:15+0400

2021-11-17T20:17+0400

հայաստան

ադրբեջան

կարեն նազարյան

https://cdn.am.sputniknews.ru/img/916/82/9168260_0:0:1600:901_1920x0_80_0_0_9745d498ff03954a588f19422a955e7b.jpg

ԵՐԵՎԱՆ, 17 նոյեմբերի – Sputnik. Հայաստանը կոչ է անում միջազգային գործընկերներին խստորեն դատապարտել տարածաշրջանային խաղաղությունն ու անվտանգությունը լրջորեն վտանգող Ադրբեջանի գործողությունները։ Ինչպես հայտնում է Վատիկանում Հայաստանի դեսպանությունը, տեղական լրատվամիջոցներում նման հայտարարությամբ է հանդես եկել Սուրբ աթոռում ՀՀ դեսպան Կարեն Նազարյանը։Նրա խոսքով` սա հայկական տարածքներն օկուպացնելու ադրբեջանական կողմի հետևողական քաղաքականության շարունակությունն է, որը սկիզբ է դրվել այս տարվա մայիսին Սյունիքի և Գեղարքունիքի մարզեր ներթափանցմամբ։Դեսպանը նաև հավելել է, որ Հայաստանը, ՄԱԿ-ի Կանոնադրության համաձայն, իրավասու է բոլոր միջոցներով ետ մղել իր տարածքային ամբողջականության և ինքնիշխանության դեմ ուժի կիրառումը։Նազարյանն իր մեկնաբանություններում անդրադարձել է հայ ռազմագերիների և պահվող քաղաքացիական անձանց հարցին ու նշել, որ կարևորվում է միջազգային գործընկերների, այդ թվում` Սուրբ աթոռի կողմից երկկողմ և բազմակողմ հարթակներում հարցը շարունակաբար վերհանելը։Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։Դրանից հետո տեղային մարտեր էին սկսվել։ Արդյունքում հայկական կողմը 2 մարտական դիրք կորցրեց։ Նոյեմբերի 16–ին` ժամը 18։30–ի սահմանում, ռուսական կողմի միջնորդությամբ կրակը դադարեցվեց։Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի հետևանքով թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։

https://arm.sputniknews.ru/20211117/armen-sargsjany-adrbejani-sadrich-gvortsvoghutjunneri-masin-hajtnel-e-singapuri-varchapetin-35462336.html

ադրբեջան

2021

Լուրեր

am_HY

հայաստան, ադրբեջան, կարեն նազարյան