https://arm.sputniknews.ru/20211101/15-bemadrutjun-100-ic-avel-masnakic-sheqspirjan-paratvoni-nerkajacumneri-canky-hajtni-e-34881080.html

15 բեմադրություն, 100-ից ավել մասնակից. Շեքսպիրյան փառատոնի ներկայացումների ցանկը հայտնի է

15 բեմադրություն, 100-ից ավել մասնակից. Շեքսպիրյան փառատոնի ներկայացումների ցանկը հայտնի է

Sputnik Արմենիա

Փառատոնի շրջանակներում թատերասերները հնարավորություն կունենան դիտելու դրամատիկական, պարային, մոնո, մուլտիմեդիա ներկայացումներ: 01.11.2021, Sputnik Արմենիա

2021-11-01T15:17+0400

2021-11-01T15:17+0400

2021-11-01T15:28+0400

երևան

փառատոն

թատերական ներկայացում

երևանի շեքսպիրյան 14-րդ միջազգային թատերական փառատոն

https://cdn.am.sputniknews.ru/img/521/91/5219157_0:83:1600:983_1920x0_80_0_0_a48a315caf64683fed5ebc8bf486c860.jpg

ԵՐԵՎԱՆ, 1 նոյեմբերի – Sputnik. Նոյեմբերի 15-20-ը կկայանա Երևանի Շեքսպիրյան 15-րդ միջազգային թատերական փառատոնը, որին կմասնակցեն 7 երկրից ժամանած հյուրեր` 100–ից ավելի դերասաններ, ռեժիսորներ և ժյուրիի անդամներ։ Տեղեկությունը հայտնում են փառատոնի մամուլի ծառայությունից։Նշվում է, որ հյուրերի ցանկում կլինեն հեղինակավոր արվեստագետներ, միջազգային փառատոների տնօրեններ՝ Ֆրանսիայից, ԱՄՆ-ից, Բուլղարիայից, Իրանից, Թաթարստանից, Ուկրաինայից, ՌԴ-ից։Երևանյան տարբեր բեմահարթակներում կցուցադրվի շուրջ 15 ներկայացում:Երևանի Շեքսպիրյան 15-րդ միջազգային թատերական փառատոնի հեդլայներն են «Թատրոն Կամրջի մոտ» («Театр у моста»)՝ «Մակբեթ» (ՌԴ, բեմադրիչ՝ Սերգեյ Ֆեդոտով) և Ռոդոփի դրամատիկական թատրոնի «12-րդ գիշեր» (Բուլղարիա) ներկայացումները։Թատերասերները հնարավորություն կունենան դիտելու դրամատիկական, պարային, մոնո, մուլտիմեդիա ներկայացումներ: Երևանյան թատրոններից փառատոնի ծրագրում հանդես կգա Երևանի Կամերային թատրոնը «Համլետ» (բեմադրիչ՝ Արա Երնջակյան) ներկայացմամբ։Փառատոնի հանդիսավոր բացումը տեղի կունենա նոյեմբերի 15-ին Երևանի թատրոնի և կինոյի ինստիտուտի ուսանողական թատրոնում։Հանդիսատեսի դատին կներկայացվի Կիևի ազգային ակադեմիական Երիտասարդական թատրոնի (Молодой театр) «Ամառային գիշերվա երազ» ներկայացումը (բեմադրիչ՝ Անդրեյ Բիլոուս)։Փառատոնը կամփոփի «Ալմետի» թաթարական պետական դրամատիկական թատրոնի «Անսանձ կնոջ սանձահարումը» ներկայացումը (բեմադրիչ՝ Կարո Բալյան)։ Այն կներկայացվի նոյեմբերի 20-ին` ժամը 19։00-ին, Պատանի հանդիսատեսի թատրոնում։Նշենք, որ փառատոնի օրերին կանցկացվեն վարպետաց դասեր, որոնք կվարեն ՌԴ վաստակավոր արտիստ, Չեխիայի ազգային մրցանակի դափնեկիր, «Ոսկե դիմակ» փառատոնի դափնեկիր, ՌԴ պետական մրցանակի դափնեկիր Սերգեյ Ֆեդոտովը (ՌԴ), «Կնեբել» թատրոնի և «MiSHiNLaB» թատերական լաբորատորիայի գեղարվեստական ղեկավար Կոնստանտին Միշինը (ՌԴ), դերասանուհի Աուրելիե Իմբերտը (Ֆրանսիա) և Նովորոսիյսկի քաղաքային թատրոնի գեղարվեստական ղեկավար, «Տեատրալնայա Գավան» փառատոնի ղեկավար Եվգենի Կուշպելը (ՌԴ)։Երևանի Շեքսպիրյան 15 -րդ միջազգային թատերական փառատոնի շրջանակներում հանդիսատեսը կարող է դիտելՆոյեմբերի 15-ին՝15:30 - «Ամառային գիշերվա երազը» - Կիևի ազգային ակադեմիական Երիտասարդական թատրոն (Ուկրաինա) / ԵԹԿՊԻ-ի Ուսանողական թատրոնում18:00 – «Յագո, Էմիլիա՛» (Հայաստան) /ՀԹԳՄ բեմում - FestOFF20:00 – «Փչեցե՛ք» (Հայաստան) /Ուսանողական թատրոնի բեմում - FestOFFՆոյեմբերի 16-ին՝16:00 - «Անքնություն» – Բիդաար անկախ արվեստի խումբ (Իրան) / ԵԹԿՊԻ-ի ուսանողական թատրոնում - FestOFF18:00 - Վարպետաց դաս - Կոնստանտին Միշին (ՌԴ) / ԵԹԿՊԻ-ի ուսանողական թատրոն20:00 – Աուրելիե Իմբերտ «Տնային տնտեսուհու երազանքը» (Ֆրանսիա) / Փոքր թատրոնի բեմումՆոյեմբերի 17-ին՝15:00 - «Օֆելոմանիա» - «Գրեյ Ռում» թատրոն (Իրան) / ԵԹԿՊԻ-ի ուսանողական թատրոնում17:00 - Վարպետաց դաս – Աուրելի Իմբերտ (Ֆրանսիա) / ԵԹԿՊԻ19:30 - «Համլետ» - Ռուսական Ազգային Թատրոն (Մոսկվա) / ԵԹԿՊԻ-ի ուսանողական թատրոնումՆոյեմբերի 18-ին՝15:00 - «Խաղում ենք Շեքսպիր» - «Струна» թատրոն-ստուդիա (Նովոսիբիրսկ) / - ԵԹԿՊԻ-ի ուսանողական թատրոնում- FestOFF17:00 - «12-րդ գիշեր կամ ինչպես կամենանք» - Ռոդոփի դրամատիկական թատրոն (Բուլղարիա) /Պատանի հանդիսատեսի թատրոն19:00 - «Մակբեթ» - «У Моста» թատրոն (Պերմ)/ Կ․ Ստանիսլավսկու անվ․ ռուսական դրամատիկական թատրոնՆոյեմբերի 19-ին՝15:00 – «Շեքսպիրյան Տրիոլոգիա» - Մարիամ Հարությունյան (Հայաստան) /ՀԳԹՄ Թատրոն/ - FestOFF17:00 - Վարպետաց դաս – Սերգեյ Ֆեդոտով (ՌԴ) – ԵԹԿՊԻ-ի ուսանողական թատրոն19:00 – «Համլետ» - Երևանի Կամերային Թատրոն (Հայաստան) / Երևանի Կամերային ԹատրոնՆոյեմբերի 20-ին՝15:00 - «Մինչև 10-ը» - «Foggy Art» (Հայաստան) ԵԹԿՊԻ-ի ուսանողական թատրոնում - FestOFF18:00 – «Անսանձ կնոջ սանձահարումը» - Ալմեթի պետական դրամատիկական թատրոն (Թաթարստան) /Պատանի հանդիսատեսի թատրոն19:00 - Փառատոնի փակում - Պատանի հանդիսատեսի թատրոնի բեմում։Երևանի Շեքսպիրյան միջազգային թատերական փառատոնը աշխարհահռչակ եվրոպական Շեքսպիրյան փառատոների ցանցի անդամ է: 2016թ․-ից փառատոնի տնօրենը Կարո Բալյանն է։ Փառատոնի հիմնադիրը Հայաստանի թատերական գործիչների միության նախագահ Հակոբ Ղազանչյանն է:

https://arm.sputniknews.ru/20151008/829719.html

https://arm.sputniknews.ru/20211010/tpavvorvats-en-voch-miajn-paratvonvov-ajlev-erevanvov-voske-tsirani-mrcanakakirnery-hajtni-en---34136561.html

երևան

2021

Լուրեր

am_HY

երևան, փառատոն, թատերական ներկայացում, երևանի շեքսպիրյան 14-րդ միջազգային թատերական փառատոն