https://arm.sputniknews.ru/20211028/yntaniqi-andamin-hishatakeln-inch-mvotecum-e-vardevanjany-qpakani-artahajtutjan-masin-34764207.html

Ընտանիքի անդամին հիշատակելն ի՞նչ մոտեցում է. Վարդևանյանը` ՔՊ–ականի արտահայտության մասին

Ընտանիքի անդամին հիշատակելն ի՞նչ մոտեցում է. Վարդևանյանը` ՔՊ–ականի արտահայտության մասին

Sputnik Արմենիա

Ռուբեն Ռուբինյանն ասաց, որ անհրաժեշտ է քննարկումների ժամանակ խոսքի նորմերի սահմանափակումներ մտցնել, իսկ Վահագն Ալեքսանյանն ավելի ուշ ներողություն խնդրեց Աննա... 28.10.2021, Sputnik Արմենիա

2021-10-28T15:12+0400

2021-10-28T15:12+0400

2021-10-28T16:30+0400

աժ (ազգային ժողով)

ընտանիք

պատգամավոր

արամ վարդևանյան

ռուբեն ռուբինյան

աննա գրիգորյան

https://cdn.am.sputniknews.ru/img/07e5/08/03/28530299_0:0:1600:901_1920x0_80_0_0_1efecfca761e20aabbc3ad4ed0994c57.jpg

ԵՐԵՎԱՆ, 28 հոկտեմբերի – Sputnik. ՀՀ ԱԺ «Հայաստան» խմբակցության պատգամավոր Արամ Վարդևանյանը այսօր քառօրյա նիստի ժամանակ կոչ արեց, որպեսզի ցանկացած օրենքի քննարկման ժամանակ որոշակի նորմերի սահմանափակումներ մտցվեն։Այս հարցին Վարդևանյանն անդրադարձավ` մի փոքր շեղվելով պետական սահմանի մասին օրենքում փոփոխություններ և լրացումներ անելու վերաբերյալ հարցի քննարկման ժամանակ։«Վահագն Ալեքսանյանը վերջերս իր ելույթներից մեկի ժամանակ հիշատակում էր Աննա Գրիգորյանի ամուսնուն։ Ես շեղվում եմ թեմայից, բայց կարծում եմ, որ ցանկացած օրենքի քննարկում պետք է որոշակի նորմերի սահմանափակում ունենա։ Այդ սահմանափակումների վերաբերյալ պետք է բարձրաձայնվի, ինչպես օրինակ` ընտանիքի անդամին չհիշատակելը ցանկացած իրավիճակում»,– ասաց «Հայաստան» դաշինքի պատգամավորը։ԱԺ նիստը նախագահող Ռուբեն Ռուբինյանը, արձագանքելով Վարդևանյանի ասածին, նշեց, որ զարմանալիորեն համաձայն է վերջինիս հետ և ընդգծեց, որ օրեր առաջ նայել է բրիտանական խորհրդարանի տարբեր տեսանյութեր ու այժմ փորձում է հասկանալ, թե ինչպես կարելի է ՀՀ–ում էլ այդ հարցը լուծել։Ռուբինյանը նաև ընդգծեց, որ Բրիտանիայի ԱԺ–ում անգամ բառերի շարան կա, որոնք չի կարելի օգտագործել, սակայն վստահեցրեց`ՀՀ ԱԺ–ում նման առաջարկ անգամ չի կարող անել։Վահագն Ալեքսանյանն ավելի ուշ ներողություն խնդրեց Աննա Գրիգորյանից և շեշտեց, որ ինքն էլ դեմ է քաղաքական գործիչների ընտանիքի անդամների հիշատակմանը քաղաքական խոսքում, եթե այդ անձը ներգրավված չէ քաղաքականության մեջ։ «Իմ մեջ տպավորված էր, որ տիկին Գրիգորյանի ամուսինը ներգրավված է քաղաքականության մեջ, պարզվեց` եղբայրն է ներգրավված։ Այնուամենայնիվ, ներողություն եմ խնդրում և շարունակում հավատարիմ մնալ իմ այն սկզբունքին` չհիշատակել ընտանիքի անդամներին, եթե, իհարկե, վերջիններս անձամբ ներգրավված չեն քաղաքականության մեջ»,– նշեց Ալեքսանյանը։Ազգային ժողովում ծեծկռտուքի դեպքով ՀՔԾ–ն նյութեր է նախապատրաստումՆշենք, որ 8–րդ գումարման խորհրդարանում հաճախ են վիճաբանություններ լինում իշխանական ու ընդդիմադիր պատգամավորների միջև։ Հաճախ բանը հասնում է անձնական վիրավորանքի և ծեծկռտուքի։

https://arm.sputniknews.ru/20211028/ete-viravvorvel-eq-khvosqerics-nervoghutjun-em-khndrum-vardevanjany-avanesjanin-34760726.html

2021

Լուրեր

am_HY

աժ (ազգային ժողով), ընտանիք, պատգամավոր, արամ վարդևանյան, ռուբեն ռուբինյան, աննա գրիգորյան