https://arm.sputniknews.ru/20211023/khaghaghapahnery-lghum-2-ha-taratsq-en-akanazertsel-shneri-u-rvobvotatekhnikaji-ognutjamb-34591413.html

Խաղաղապահները ԼՂ–ում 2 հա տարածք են ականազերծել շների ու ռոբոտատեխնիկայի օգնությամբ

Խաղաղապահները ԼՂ–ում 2 հա տարածք են ականազերծել շների ու ռոբոտատեխնիկայի օգնությամբ

Sputnik Արմենիա

Ռուս խաղաղապահները շներին վարժեցնելու համար հատուկ գոտի են առանձնացրել ավանի տարածքում։ 23.10.2021, Sputnik Արմենիա

2021-10-23T10:20+0400

2021-10-23T10:20+0400

2021-10-23T10:26+0400

արցախ

շուն

ականազերծում

խաղաղապահներն արցախում

https://cdn.am.sputniknews.ru/img/07e4/0c/1b/25917643_0:128:1280:848_1920x0_80_0_0_37fbbd28a6502fa7b9a1160ea03dc735.jpg

ԵՐԵՎԱՆ, 23 հոկտեմբերի – Sputnik. Ռուսական խաղաղապահ զորախմբի մարդասիրական ականազերծման ստորաբաժանման զինծառայողները Լեռնային Ղարաբաղի հեռավոր շրջաններում 2 հա տարածք են ականազերծել։ Տեղեկությունը հայտնում է ՌԴ պաշտպանության նախարարությունը։Ըստ հաղորդագրության` ականազերծման գործողությունների ընթացքում ռուս զինծառայողները կիրառում են տարբեր մոտեցումներ, այդ թվում ՝ ականներ հայտնաբերող շների կիրառում, մեխանիկական համակարգեր, ականազերծման ռոբոտատեխնիկական համալիրներ։Պայթյունավտանգ առարկաներ փնտրելու և հայտնաբերելու հմտությունները զարգացնելու համար ռուս խաղաղապահները ավանի տարածքում հատուկ գոտի են առանձնացրել շներին վարժեցնելու համար։ Սպորտային համալիրում հինգ մասնագիտացված խոչընդոտ կա՝ ցանկապատ, առու, գերան, սողանցք և աստիճաններ:Մինչ մի խումբը մարդասիրական ականազերծման խնդիրներ է կատարում, մյուսը կատարելագործում է իր հմտությունները սպորտային համալիրում։«Մենք ամեն օր ենք զբաղվում շների վարժեցմամբ։ Նպատակը մեկն է` ծառայողական շան օգնությամբ պայթուցիկ նյութեր գտնել։ Հայտնաբերելուց հետո շունն անձայն պառկում է: Վարժեցնողը մոտենում է կենդանուն, վերլուծում իրավիճակը, բարձրացնում ձեռքը, որից հետո մոտենում է ավագը», - ասել է ռուսական խաղաղապահ զորակազմի ներկայացուցիչ Ռոման Կոգաևը։Նրա խոսքով` հումանիտար ականազերծման ստորաբաժանման սպառազինության մեջ կան պայթուցիկ սարքերի որոնման և հայտնաբերման ժամանակակից միջոցներ, բայց շատ դեպքերում ապավինում են միայն շներին, քանի որ վարժեցրած շունը կարող է հայտնաբերել ավելի քան կես մետր խորության վրա գտնվող ռազմամթերքում առկա տրոտիլը։Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

https://arm.sputniknews.ru/20211022/rus-khaghaghapahnern-u-barerarnery-12-tvonna-mardasirakan-ognutjun-en-pvokhancel-arcakhin--34551964.html

https://arm.sputniknews.ru/20211020/arcakhi-bnakichneri-cankutjuny-rus-khaghaghapahneri-erkarazhamket-nerkajutjunn-e-beglarjan-34496085.html

2021

Լուրեր

am_HY

արցախ, շուն, ականազերծում, խաղաղապահներն արցախում