https://arm.sputniknews.ru/20211019/pashinjany-hajtararel-e-hh-ev-rd-tntesutjunneri-pvokhadardz-integrman-anhrazheshtutjan-masin-34429955.html

Աշխարհը փոխվում է շատ արագ. Փաշինյանը խոսել է ՌԴ–ի հետ տնտեսական հարաբերությունների մասին

Աշխարհը փոխվում է շատ արագ. Փաշինյանը խոսել է ՌԴ–ի հետ տնտեսական հարաբերությունների մասին

Sputnik Արմենիա

Վարչապետը կարևորել է հայ-ռուսական տնտեսական փոխգործակցության մեջ բարձր տեխնոլոգիաների և նորարարությունների մասնաբաժնի ավելացումը: 19.10.2021, Sputnik Արմենիա

2021-10-19T12:08+0400

2021-10-19T12:08+0400

2021-10-19T12:19+0400

տնտեսություն

հայաստան

ռուսաստան

նիկոլ փաշինյան

https://cdn.am.sputniknews.ru/img/07e5/07/07/28208876_0:297:3113:2048_1920x0_80_0_0_d5578386f989d6b5fd0c26b02465d09d.jpg

ԵՐԵՎԱՆ, 19 հոկտեմբերի - Sputnik. Հայ-ռուսական տնտեսական համագործակցության ներկայիս մակարդակը համընկնում է դաշնակցային հարաբերությունների պահանջներին և տրամաբանությանը։Հայ–ռուսական միջտարածաշրջանային 8–րդ համաժողովի ողջույնի խոսքում այս մասին ասված է վարչապետ Նիկոլ Փաշինյանի ողջույնի ուղերձում: Վարչապետի ուղերձն ընթերցել է փոխվարչապետ Մհեր Գրիգորյանը:Վարչապետի խոսքով՝ նման ձևաչափով ամենամյա միջոցառումները դարձել են երկու դաշնակիցների տնտեսական փոխգործակցության կարևոր ինստիտուտ։ Միջտարածաշրջանային համագործակցությունը հիմնվում է ավելի քան 20 համաձայնագրերի վրա և ունի լայն աշխարհագրություն։ Այն ներառում է Հայաստանի գրեթե բոլոր մարզերն ու Ռուսաստանի տարբեր վարչատարածքային միավորներ։«Այս կապերի առկայությունը մեր երկու երկրների միջև բացառիկ հարաբերությունների վառ դրսևորումներից է։ ՌԴ–ն ոչ միայն առանցքային դերակատարում ունի մեր տարածաշրջանում խաղաղության և կայունության ապահովման հարցում , այն նաև կենտրոնական տեղ և դեր մեր երկրի տնտեսության մեջ։ Ռուսաստանը հանդիսանում է Հայաստանի հիմնական առևտրային գործընկերը։ 2019 թվականին մեր երկկողմ առևտրաշրջանառությունը կազմել է 2 մլդ դոլարի համարժեքի շեմը, իսկ այս տարի արդեն արձանագրել ենք առևտրաշրջանառության երկնիշ աճ»,- ասել է վարչապետը։Մհեր Գրիգորյանը բացատրեց, թե ինչպես են բացվելու տարածաշրջանի փակ ճանապարհներըՆա հավելել է, որ Ռուսաստանն առաջատար տեղ է զբաղեցնում հայկական տնտեսության մեջ ներդրումների ծավալով և առանցքային դեր ունի Հայաստանի ենթակառուցվածքների զարգացման գործում:Փաշինյանի տեսանկյունից՝ տնտեսական համագործակցության ներկայիս մակարդակը համընկնում է դաշնակցային հարաբերությունների պահանջներին ու տրամաբանությանը, բայց դա չի նշանակում ստատիկ իրավիճակի ամրագրում։Վարչապետն անհրաժեշտ է համարում տնտեսական փոխգործակցության կատարելագործումը, որպեսզի այն նպաստի մրցունակ տնտեսության զարգացմանը:Կառավարության ղեկավարը հայտարարել է երկու երկրների տնտեսությունների հետագա ինտեգրման և կոոպերացիայի զարգացման անհրաժեշտության մասին, որը հիմնված է ապրանքների, կապիտալի, ծառայությունների և աշխատուժի ազատ տեղաշարժի վրա:Փաշինյանը համոզված է, որ Եվրասիական տնտեսական միությունը ծառայում է այդ նպատակին, և Հայաստանը շահագրգռված է այդ կառույցի ամրապնդմամբ:Նրա համար ակնհայտ է նաև երկկողմ տնտեսական կապերի դիվերսիֆիկացման հրամայականը։ Բացի ավանդական ոլորտներից, պետք է գտնել նաև տնտեսության բարձր տեխնոլոգիաների, նորարարությունների և գիտատար ճյուղերի զարգացման ուղիներ։

https://arm.sputniknews.ru/20211019/pashinjany-mher-grigvorjanin-mvoskva-e-ugharkum-handipum-klini-overchuki-ev-mustafaevi-het-34427323.html

https://arm.sputniknews.ru/20211016/sadranqnervov-adrbejany-mesij-e-hghum-rusastanin-ev-voch-miajn-qaghaqagetylarvatsutjan-masin-34359258.html

2021

Լուրեր

am_HY

տնտեսություն, հայաստան, ռուսաստան, նիկոլ փաշինյան