https://arm.sputniknews.ru/20211018/rusastanci-gortsarar-ruben-vardanyany-haytararel-e-vor-haykakan-qaghaqakanutyun-e-mtnum-34405908.html

Ռուսաստանցի գործարար Ռուբեն Վարդանյանը հայտարարել է, որ մտնում է հայկական քաղաքականություն

Ռուսաստանցի գործարար Ռուբեն Վարդանյանը հայտարարել է, որ մտնում է հայկական քաղաքականություն

Sputnik Արմենիա

Գործարարը չի բացառում, որ իր վրա ճնշում կգործադրվի և կարող են տարբեր խնդիրներ առաջանալ, սակայն չի պատրաստվում հետ կանգնել իր որոշումից: 18.10.2021, Sputnik Արմենիա

2021-10-18T16:03+0400

2021-10-18T16:03+0400

2021-10-18T16:05+0400

քաղաքականություն

արցախ

հայաստան

ռուսաստան

ռուբեն վարդանյան

գործարար

https://cdn.am.sputniknews.ru/img/07e5/05/0a/27488514_0:0:1601:901_1920x0_80_0_0_304d9fc069af88233abaccca4cf18da8.jpg

ԵՐԵՎԱՆ, 18 հոկտեմբերի - Sputnik. Ռուսաստանցի գործարար, սոցիալական ձեռներեց և բարերար Ռուբեն Վարդանյանը որոշել է Հայաստանում քաղաքականությամբ զբաղվել, սակայն վարչապետի կամ նախագահի պաշտոնին նա չի հավակնում։ Վարդանյանը հայտնել է տեղեկությունը Հանրային հեռուստաալիքին տված հարցազրույցում։Վարդանյանի՝ քաղաքականությամբ զբաղվելու որոշումը հասունացել է պատերազմից ու Արցախի տարածքների զգալի մասի կորստից հետո։ Գործարարի խոսքով՝ նա գնահատել է բոլոր ռիսկերն ու հնարավոր բարդությունները, բայց Արցախում պատերազմը կարմիր գիծ է դարձել։Վարդանյանը կարծում է, որ իր հեղինակավոր կարծիքը կարող է դերակատարություն ունենալ քաղաքական որոշումների կայացման գործում։ Այս համատեքստում գործարարը չի բացառել, որ կհամագործակցի իրեն հոգեհարազատ գաղափարներով քաղաքական ուժի հետ:Միևնույն ժամանակ, նա չի բացառում, որ կարող են ճնշումներ լինել և որոշակի բարդություններ առաջանան, բայց չի պատրաստվում հետ կանգնել իր որոշումից։ Վարդանյանը կոչ է արել չասոցացնել իրեն այս կամ այն աշխարհաքաղաքական կենտրոնի հետ և չդիտարկել իրեն որպես այս կամ այն երկրի պրոտեժե։«Ես առաջին հերթին հայրենասեր եմ, որը որոշել է, որ Հայաստանի և Արցախի ապագան ինձ համար ավելի կարևոր է, քան իմ անձնական հարստությունը, իմ ընտանիքի, ի վերջո, անվտանգությունը և իմ անձի հետ կապված բոլոր հարցերը։ Երբ ասում եմ, որ կարմիր գիծն անցել եմ, նշանակում է՝ պատրաստ եմ ամեն ինչ կորցնել Ռուսաստանում և Հայաստանում, պատրաստ եմ նստել բանտ, եթե քաղաքական պայքարը գնա ոչ օրինական դաշտում։ Պատրաստ եմ, որ ինձ վարկաբեկելու են, իմ մասին գրելու են ամենավատ բաները։ Ես ինձ համար շատ կարևոր որոշում եմ կայացրել, երբ ասել եմ՝ կարմիր գիծն անցել եմ»,-ասել է Ռուբեն Վարդանյանը։Ես դուրս եմ գալիս այն միջավայրից, որտեղ կարող էի հանգիստ ապրել. Ռուբեն Վարդանյանի ուղերձըՄիևնույն ժամանակ նա չի թաքցրել, որ իրեն մեղավոր է համարում Հայաստանում ու Արցախի ներկայում տիրող իրավիճակի համար։ Վարդանյանի խոսքով՝ պասիվությունը նրան մեղավորության մեղսակից է դարձնում, սակայն եկել է պահը, երբ նա գիտակցել է իր սխալները և ուզում է շտկել դրանք:Նշենք, որ տարիներ շարունակ խոսակցություններ են շրջանառվում, որ Վարդանյանը, հնարավոր է` քաղաքականություն մտնի։ Վարդանյանը նախկինում միշտ հերքել է Հայաստանի քաղաքական կյանքին մասնակցելու հնարավորությունը։«Հայաստանը շանս ունի». Ռուբեն Վարդանյանը ներկայացրել է ճգնաժամից դուրս գալու իր ծրագիրըԼուրերն ակտիվացել են Արցախում 44–օրյա պատերազմից և «The Future Armenian» նախաձեռնության ստեղծումից հետո։ Հիմա էլ լրատվամիջոցները գրում են, որ հնարավոր է՝ Վարդանյանն աջակցում է աշխատանքի և սոցիալական հարցերի նախկին նախարարներ Մանե Թանդիլյանի ու Մեսրոպ Առաքելյանի կուսակցությանը։

https://arm.sputniknews.ru/20210919/khvory-tshgnazhami-mej-enq-ete-pvopvokhutjunneri-chgnanq-mer-verjy-ekel-e-ruben-vardanjan--33434790.html

https://arm.sputniknews.ru/20210809/ruben-vardanyann-artsaxi-xntsaxum-pure-himnel-28607162.html

2021

Լուրեր

am_HY

քաղաքականություն, արցախ, հայաստան, ռուսաստան, ռուբեն վարդանյան, գործարար