https://arm.sputniknews.ru/20211017/qstmneli-ev-dataparteli-varqagits-hajastan-dashinqy-arushanjani-shtaby-khuzarkelu-masin-34383277.html

Քստմնելի և դատապարտելի վարքագիծ. «Հայաստան» դաշինքը` Առուշանյանի շտաբը խուզարկելու մասին

Քստմնելի և դատապարտելի վարքագիծ. «Հայաստան» դաշինքը` Առուշանյանի շտաբը խուզարկելու մասին

Sputnik Արմենիա

Ըստ «Հայաստան» դաշինքի` իշխանությունը, Սյունիքում չունենալով հանրային հենարան, դիմում է համատարած խախտումների և ապօրինությունների։ 17.10.2021, Sputnik Արմենիա

2021-10-17T22:03+0400

2021-10-17T22:03+0400

2021-10-17T22:23+0400

խուզարկություն

տիմ ընտրություններ

«հայաստան» դաշինք

«առուշ առուշանյան» դաշինք

https://cdn.am.sputniknews.ru/img/07e5/05/19/27672419_0:84:1601:984_1920x0_80_0_0_e520340a36576b5a34a14debfce3365a.jpg

ԵՐԵՎԱՆ, 17 հոկտեմբերի – Sputnik. «Հայաստան» դաշինքը Facebook–ի էջում հայտարարություն է տարածել` կապված այսօր Գորիսում ՏԻՄ ընտրությունների ժամանակ «Առուշ Առուշանյան» դաշինքի շտաբը խուզարկելու հետ։Նշենք, որ այսօր ժամը 20.00–ին Գորիսում ավարտվեց «Առուշ Առուշանյան» դաշինքի շտաբի խուզարկությունը, որը տևեց 3.5 ժամ։ Գորիսի համայնքապետ Առուշ Առուշանյանի հոր` Գագիկ Առուշանյանի դեմ հարուցվել է քրեական գործ, իբրև նա 2021 թվականի հոկտեմբերի 16–ին ընտրակաշառք է բաժանել։ Դրա հիման վրա Երևանի առաջին ատյանի ընդհանուր իրավասության դատարանը խուզարկության թույլտվություն է տվել։Շեշտվում է, որ Գորիս համայնքում ընդդիմադիրի դիրքերից հանդես եկող «Առուշ Առուշանյան» դաշինքի նկատմամբ իրականացվող բռնաճնշումների, ոստիկանական ուժերի մասշտաբային ներգրավման, վարչական ռեսուրսների համատարած չարաշահման վարքագիծը մեկ անգամ ևս բացահայտում են իշխանության դեմքը։«Արձանագրվող համատարած խախտումներն ու ապօրինությունները՝ այդ թվում ոստիկանական հոծ ուժերի կողմից «Առուշ Առուշանյան» դաշինքի շտաբի ներխուժումը, արդեն իսկ անազատության մեջ գտնվող Ա․ Առուշանյանի հոր նկատմամբ հետապնդումը գնահատում ենք, որպես քաղաքական ահաբեկչություն, ընտրության բուն ընթացքում համայնքի խաղաղ բնակչության վրա հոգեբանական ճնշումներ գործադրելու քստմնելի և դատապարտելի վարքագիծ»,–նշված է հայտարարության մեջ։Ըստ «Հայաստան» դաշինքի` ներկա իշխանությունները, Սյունիքում չունենալով հանրային հենարան, դիմում են համատարած խախտումների և ապօրինությունների` ձևավորելու իշխանության վարած ապազգային քաղաքական կուրսին հպատակ և հլու տեղական ինքնակառավարման մարմիններ։ՀՀ 9 համայնքներում անցկացված ՏԻՄ ընտրություններին մասնակցել է ընտրողների 33.23 տոկոսըՀիշեցնենք` Հայաստանի 9 համայնքներում այսօր անցկացվեցին տեղական ինքնակառավարման մարմինների ընտրություններ։Հանրապետության մեծությամբ երկրորդ քաղաքում` Շիրակի մարզկենտրոն Գյումրի քաղաքում, ինչպես նաև Սյունիքի մարզի խոշորացված Գորիս, Մեղրի, Տաթև ու Տեղ համայնքներում և Տավուշի մարզի Դիլիջան համայնքում բնակիչներն ընտրեցին ավագանու անդամների ու քաղաքապետների։ԿԸՀ-ի որոշմամբ այս տարի Հայաստանի տարբեր համայնքներում ՏԻՄ ընտրություններ են նշանակված նաև նոյեմբերի 14–ին և դեկտեմբերի 5-ին:Նոր ընտրություններ անցկացնելու որոշումը պայմանավորված է համայնքների խոշորացման գործընթացով, որի արդյունքում Հայաստանում կձևավորվեն թվով 79 համայնքներ:

https://arm.sputniknews.ru/20211017/paralizacvel-e-arushanjani-shtabi-ashkhatanqy-pastabany-khuzarkutjan-bun-npataki-masin-34381415.html

https://arm.sputniknews.ru/20211017/karmir-beretavvornery-nerkhuzhel-en-arush-arushanjan-dashinqi-shtab-ev-khuzarkum-en-ajn--34375877.html

2021

Լուրեր

am_HY

խուզարկություն, տիմ ընտրություններ, «հայաստան» դաշինք, «առուշ առուշանյան» դաշինք