https://arm.sputniknews.ru/20211017/mipn-andradardzel-e-gvorisum-arush-arushanjan-dashinqi-shtabi-khuzarkutjany-34381876.html

ՄԻՊ–ն անդրադարձել է Գորիսում «Առուշ Առուշանյան» դաշինքի շտաբի խուզարկությանը

ՄԻՊ–ն անդրադարձել է Գորիսում «Առուշ Առուշանյան» դաշինքի շտաբի խուզարկությանը

Sputnik Արմենիա

Մարդու իրավունքների պաշտպանի ներկայացուցիչը հարցը քննարկվել է Առուշ Առուշանյանի փաստաբանի, շտաբի անդամների հետ: 17.10.2021, Sputnik Արմենիա

2021-10-17T21:20+0400

2021-10-17T21:20+0400

2021-10-17T21:53+0400

հհ միպ

առուշ առուշանյան

«առուշ առուշանյան» դաշինք

հհ ոստիկանություն

խուզարկություն

https://cdn.am.sputniknews.ru/img/07e5/08/0c/28646984_0:112:1600:1012_1920x0_80_0_0_3bb2c713c4becac731997cf4d617b2d5.jpg

ԵՐԵՎԱՆ, 17 հոկտեմբերի – Sputnik. ՀՀ մարդու իրավունքների պաշտպան Արման Թաթոյանը Facebook-ի իր էջում անդրադարձել է «Առուշ Առուշանյան» դաշինքի` Գորիս քաղաքի շտաբի մոտ կուտակված մեծաքանակ ոստիկաններին և տեղի ունեցած խուզարկությանը։Նշվում է, որ ՄԻՊ–ին ուղղված ահազանգերի համաձայն՝ ոստիկանները պարզաբանել են, որ պետք է հարուցված քրեական գործի շրջանակում դատարանի որոշման հիման վրա շտաբում իրականացնեն խուզարկություն, բայց, ըստ ահազանգի, դատարանի որոշումն անօրինական է:Մարդու իրավունքների պաշտպանի ներկայացուցիչը հարցը քննարկվել է Առուշ Առուշանյանի փաստաբանի, շտաբի անդամների հետ:ՀՀ մարդու իրավունքների պաշտպանը հարկ է համարում արձանագրել, որ ոստիկանության հանրային պարտավորությունն է ցույց տալ, թե ինչ ծանրակշիռ հիմնավորումներով են նշված արարքները հենց քվեարկության օրն իրականացվում ոստիկանների այդ քանակի մասնակցությամբ՝ ուղեկցվելով ողջ շտաբի մուտքը փակելով ու նախընտրական շտաբի աշխատանքները սահմանափակելով:Նշենք, որ քիչ առաջ Գորիսում ավարտվեց «Առուշ Առուշանյան» դաշինքի շտաբի խուզարկությունը, որը տևեց 3.5 ժամ և ավարտվեց այն ժամանակ, երբ փակվեցին ընտրատեղամասերը։Փաստաբան Արմեն Մելքոնյանը լրագրողների հետ զրույցում հայտարարեց, որ իր կարծիքով`ոստիկանները խուզարկության ժամանակ ոչինչ չեն գտել։Նշենք, որ Գորիսի համայնքապետ Առուշ Առուշանյանի հոր` Գագիկ Առուշանյանի դեմ հարուցվել է քրեական գործ, իբրև նա 2021 թվականի հոկտեմբերի 16–ին ընտրակաշառք է բաժանել։ Դրա հիման վրա Երևանի առաջին ատյանի ընդհանուր իրավասության դատարանը խուզարկության թույլտվություն է տվել։Դատարանը թույլատրել է խուզարկությունն անցկացնել հոկտեմբերի17–19–ը, մեկ անգամ ու մեկ վայրում։Հիշեցնենք` Հայաստանի 9 համայնքներում այսօր անցկացվեցին տեղական ինքնակառավարման մարմինների ընտրություններ։Հանրապետության մեծությամբ երկրորդ քաղաքում` Շիրակի մարզկենտրոն Գյումրի քաղաքում, ինչպես նաև Սյունիքի մարզի խոշորացված Գորիս, Մեղրի, Տաթև ու Տեղ համայնքներում և Տավուշի մարզի Դիլիջան համայնքում բնակիչներն ընտրեցին ավագանու անդամների ու քաղաքապետների։Հավելենք, որ ԿԸՀ-ի որոշմամբ այս տարի Հայաստանի տարբեր համայնքներում ՏԻՄ ընտրություններ են նշանակված նաև նոյեմբերի 14–ին և դեկտեմբերի 5-ին:Նոր ընտրություններ անցկացնելու որոշումը պայմանավորված է համայնքների խոշորացման գործընթացով, որի արդյունքում Հայաստանում կձևավորվեն թվով 79 համայնքներ:

https://arm.sputniknews.ru/20211017/tegh-hamajnqum-yntrvoghneri-10-tvokvosi-het-ognvogh-e-ekel-ankakh-ditvordi-hajtararutjuny-34380931.html

https://arm.sputniknews.ru/20211017/paralizacvel-e-arushanjani-shtabi-ashkhatanqy-pastabany-khuzarkutjan-bun-npataki-masin-34381415.html

https://arm.sputniknews.ru/20211017/arush-arushanjani-hvor-dem-qreakan-gvorts-e-harucvel-pastaban-34376386.html

2021

Լուրեր

am_HY

հհ միպ, առուշ առուշանյան, «առուշ առուշանյան» դաշինք, հհ ոստիկանություն, խուզարկություն