https://arm.sputniknews.ru/20211013/simvonjany-datapartel-e-pakistani-khvorhrdarani-ghekavari-ajcy-arcakhi-okupacvats-taratsqner-34246607.html

Սիմոնյանը դատապարտել է Պակիստանի խորհրդարանի ղեկավարի այցը Արցախի օկուպացված տարածքներ

Սիմոնյանը դատապարտել է Պակիստանի խորհրդարանի ղեկավարի այցը Արցախի օկուպացված տարածքներ

Sputnik Արմենիա

ԱԺ նախագահը բարձր է գնահատել Հնդկաստանի անկողմնակալ դիրքորոշումն արցախյան հիմնախնդրի հարցում: 13.10.2021, Sputnik Արմենիա

2021-10-13T16:22+0400

2021-10-13T16:22+0400

2021-10-13T16:22+0400

հայաստան

ալեն սիմոնյան

հնդկաստան

սուբրամանյամ ջայշանկար

https://cdn.am.sputniknews.ru/img/07e5/0a/0d/34246288_0:0:1101:619_1920x0_80_0_0_966b47fb95110c104db28a9c78da671c.jpg

ԵՐԵՎԱՆ, 13 հոկտեմբերի - Sputnik. ՀՀ ԱԺ նախագահ Ալեն Սիմոնյանն այսօր ընդունել է Հնդկաստանի արտգործնախարար Սուբրամանյամ Ջայշանկարի գլխավորած պատվիրակությանը։ Տեղեկությունը հայտնում է խորհրդարանի մամուլի ծառայությունը։Հանդիպման ընթացքում Ալեն Սիմոնյանը քննադատել է տարածաշրջանում Պակիստանի որդեգրած ապակառուցողական կեցվածքը և դատապարտել այդ երկրի խորհրդարանի ղեկավարի այցն Արցախի օկուպացված տարածքներ, մասնավորապես` Շուշի:Սիմոնյանը բարձր է գնահատել Հնդկաստանի անկողմնակալ դիրքորոշումն արցախյան հիմնախնդրի հարցում:Հնդկաստանի նախարար Սուբրամանյամ Ջայշանկարը վերահաստատել է, որ իր երկիրը խնդրի կարգավորումը տեսնում է խաղաղ բանակցությունների ճանապարհով՝ ԵԱՀԿ Մինսկի խմբի համանախագահության շրջանակում:Խոսելով տարածաշրջանային անվտանգությունից՝ ԱԺ նախագահը բարձր է գնահատել ՀՀ ինքնիշխան տարածք ադրբեջանական զինված ուժերի ներթափանցման հետևանքով ստեղծված իրավիճակի առնչությամբ Հնդկաստանի ԱԳՆ-ի սկզբունքային հայտարարությունը:Հանդիպման ընթացքում որոշվել է Հայաստան-Հնդկաստան բարեկամական խումբ ձևավորել, որը կղեկավարի ԱԺ նախագահի տեղակալ Հակոբ Արշակյանը։Կողմերը բարեկամական են որակել հայ-հնդկական հարաբերությունները` վստահություն հայտնելով, որ պատվիրակության այցն առավել կամրապնդի առաջընթացին ու զարգացմանը միտված կապերը:Նշենք, որ Ջայշանկարը Հայաստան է եկել պաշտոնական այցով։ Այսօր կայացել է նրա և ՀՀարտգործնախարար Արարատ Միրզոյանի հանդիպումը։Հիշեցնենք` 2021թ–ի հուլիսի 30-ին Ադրբեջանի, Պակիստանի և Թուրքիայի խորհրդարանների նախագահներն այցելել էին ադրբեջանական ուժերի կողմից օկուպացված Շուշի քաղաք։ Նրանք միասին շրջել էին հայկական բերդաքաղաքում: Իսկ Թուրքիայի խորհրդարանի նախագահ Մուսթաֆա Շենթոփը Հայաստանին կոչ էր արել հրաժարվել ագրեսիվ քաղաքականությունից և տարածաշրջանային կայունության ու խաղաղության դեմ ուղղված քայլերի մեջ մեղադրել Հայաստանին՝ նշելով, որ խաղաղությունն առաջին հերթին Հայաստանի ժողովրդին է անհրաժեշտ:

https://arm.sputniknews.ru/20211013/hndkastany-kvoghmnakic-e-lgh-hakamartutjan-kargavvormany-eahk-mkhi-shrjanaknerum-jajshankar-34233999.html

https://arm.sputniknews.ru/20211013/hhn-u-irany-parsic-tsvocsev-tsvov-nakhadzernutjan-masin-hamadzajnagir-kstvoragren-mirzvojan-34235093.html

հնդկաստան

2021

Լուրեր

am_HY

հայաստան, ալեն սիմոնյան, հնդկաստան, սուբրամանյամ ջայշանկար