https://arm.sputniknews.ru/20211012/dinqi-yntaniqy-haghtanak-tonec-turqiaji-nkatmamb-teev-da-urakhanalu-arit-che-34208764.html
Դինքի ընտանիքը հաղթանակ տոնեց Թուրքիայի նկատմամբ, թեև դա ուրախանալու առիթ չէ. Էստուկյան
Դինքի ընտանիքը հաղթանակ տոնեց Թուրքիայի նկատմամբ, թեև դա ուրախանալու առիթ չէ. Էստուկյան
Sputnik Արմենիա
«Ակոս» շաբաթաթերթի հայերեն բաժնի խմբագրապետ Բագրատ Էստուկյանը Sputnik Արմենիայի եթերում անդրադարձել է այն տեղեկատվությանը, ըստ որի` «Ակոսի» նախկին խմբագիր... 12.10.2021, Sputnik Արմենիա
2021-10-12T16:03+0400
2021-10-12T16:03+0400
2021-10-12T16:19+0400
թուրքիա
դատարան
հրանտ դինք
փոխհատուցում
ռադիո
https://cdn.am.sputniknews.ru/img/07e5/0a/0c/34201150_0:0:1601:901_1920x0_80_0_0_86f50d88b1b66a7ead987d2f797e601d.jpg
Էստուկյան. Դինքի ընտանիքը հաղթանակ տոնեց Թուրքիայի նկատմամբ, թեև դա ուրախանալու առիթ չէ
Sputnik Արմենիա
Էստուկյան. Դինքի ընտանիքը հաղթանակ տոնեց Թուրքիայի նկատմամբ, թեև դա ուրախանալու առիթ չէ
Հրանտ Դինքի ընտանիքի փոխհատուցմանն առնչվող դատավարությունն ընթանում էր վաղուց։ Ճիշտ է, պետությունը թերացել է Դինքի անվտանգությունն ապահովելու գործում, բայց անշուշտ պետք է փոխհատուցում տա նրա ընտանիքին, Sputnik Արմենիայի հետ զրույցում նման տեսակետ հայտնեց «Ակոս» շաբաթաթերթի հայերեն բաժնի խմբագրապետ Բագրատ Էստուկյանը։ Հրանտ Դինքի ընտանիքը 1.5 մլն լիրա փոխհատուցում կստանա«Կարելի է ընդունել, որ Դինքի ընտանիքը փոքրիկ հաղթանակ տոնեց Թուրքիայի նկատմամբ, թեև այդ հաղթանակն ուրախանալու առիթ չի ստեղծում։ Թուրքիայի գործող իշխանությունը հրապարակայնության ու բացախոսության դեմ է և այդ առումով ավելի վտանգավոր է դարձել։ Մտահոգություն կա, որ կառավարությունը կարող է ավելի մեծ անօրինություններ անել, բռնություններ իրականացնել և նույնիսկ քաղաքական սպանություններ կազմակերպել»,– նշեց Էստուկյանը։Նրա տեղեկացմամբ` մասնավորապես հայ գործիչներն ավելի զուսպ են, թեև ոմանք Կարո Փայլանի գլխավորությամբ բարձրաձայնում են կարևոր հարցեր, բայց ընդդիմադիր կեցվածք որդեգրած գործիչներից շատերը լքել են Թուրքիան` հանգրվանելով եվրոպական երկրներում։ Նրա համոզմամբ` Թուրքիան այսօր գնում է բացարձակ բռնատիրության։«Թուրքիայում ընդդիմադիրների ձայնի ազդեցությունը շատ ավելի նվազ է, որովհետև Էրդողանի կառավարությունն արդեն չեզոքացրել է մամուլը, և հեռուստաընկերությունների ու թերթերի 95 տոկոսն արդեն իշխանության հսկողության տակ է։ Կա փոքրածավալ ընդդիմադիր մամուլ, որոնց հետ աշխատակցում եմ նաև ես, և «Ակոսն» այդ առումով անկախ պարբերականներից մեկն է, սակայն հնարավորությունները խիստ նվազ են»,– ասաց խմբագիրը։Էստուկյանի խոսքով` ինքը չի կարող երաշխավորել, որ ամբողջությամբ անվտանգ միջավայրում ապրողներից մեկն է, բայցևայնպես ստիպված է խոսել ու գրել հրատապ հարցերի մասին։ Ըստ նրա` «Ակոսը» որևէ կերպ իշխանության հետ չի համագործակցում, սակայն կան սահմաններ, որոնք չի կարելի անցնել։ ՀՀ–ն պետք է կողմնորոշվի Թուրքիայի հետ հարաբերությունների հարցում․ բրիտանացի քաղաքագետՆշենք, որ Թուրքիայի Պետական խորհուրդը (Danıştay-բարձրագույն վարչական դատարան) հաստատել է «Ակոսի» նախկին խմբագիր Հրանտ Դինքի կնոջ՝ Ռաքել Դինքի, նրանց զավակների՝ Սերա, Դելալ և Արատ Դինքերի 1.5 միլիոն լիրա փոխհատուցման պահանջը բավարարող Ստամբուլի 6-րդ վարչական դատարանի որոշումը։Հրանտ Դինքը սպանվել է 2007 թվականի հունվարի 19-ին 17-ամյա ազգայնական Օգյուն Սամասթի կողմից՝ Ստամբուլի իր խմբագրատան շեմին։ Սամաստը ձերբակալվել է հանցագործության հաջորդ օրը և 2011 թվականին դատարանի կողմից դատապարտվել 22 տարվա և 10 ամսվա ազատազրկման:
https://arm.sputniknews.ru/20210915/15-milivon-1-um-dzerqvov-lrecvec-magnisakan-uzhvov-ozhtvats-hrant-dinqi-dzajny-33306947.html
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, դատարան, հրանտ դինք, փոխհատուցում
թուրքիա, դատարան, հրանտ դինք, փոխհատուցում
Դինքի ընտանիքը հաղթանակ տոնեց Թուրքիայի նկատմամբ, թեև դա ուրախանալու առիթ չէ. Էստուկյան
16:03 12.10.2021 (Թարմացված է: 16:19 12.10.2021) «Ակոս» շաբաթաթերթի հայերեն բաժնի խմբագրապետ Բագրատ Էստուկյանը Sputnik Արմենիայի եթերում անդրադարձել է այն տեղեկատվությանը, ըստ որի` «Ակոսի» նախկին խմբագիր Հրանտ Դինքի ընտանիքը 1.5 մլն լիրա փոխհատուցում կստանա։
Հրանտ Դինքի ընտանիքի փոխհատուցմանն առնչվող դատավարությունն ընթանում էր վաղուց։ Ճիշտ է, պետությունը թերացել է Դինքի անվտանգությունն ապահովելու գործում, բայց անշուշտ պետք է փոխհատուցում տա նրա ընտանիքին,
Sputnik Արմենիայի հետ զրույցում նման տեսակետ հայտնեց «Ակոս» շաբաթաթերթի հայերեն բաժնի խմբագրապետ Բագրատ Էստուկյանը։
«Կարելի է ընդունել, որ Դինքի ընտանիքը փոքրիկ հաղթանակ տոնեց Թուրքիայի նկատմամբ, թեև այդ հաղթանակն ուրախանալու առիթ չի ստեղծում։ Թուրքիայի գործող իշխանությունը հրապարակայնության ու բացախոսության դեմ է և այդ առումով ավելի վտանգավոր է դարձել։ Մտահոգություն կա, որ կառավարությունը կարող է ավելի մեծ անօրինություններ անել, բռնություններ իրականացնել և նույնիսկ քաղաքական սպանություններ կազմակերպել»,– նշեց Էստուկյանը։
Նրա տեղեկացմամբ` մասնավորապես հայ գործիչներն ավելի զուսպ են, թեև ոմանք Կարո Փայլանի գլխավորությամբ բարձրաձայնում են կարևոր հարցեր, բայց ընդդիմադիր կեցվածք որդեգրած գործիչներից շատերը լքել են Թուրքիան` հանգրվանելով եվրոպական երկրներում։ Նրա համոզմամբ` Թուրքիան այսօր գնում է բացարձակ բռնատիրության։
15 սեպտեմբերի 2021, 20:51
«Թուրքիայում ընդդիմադիրների ձայնի ազդեցությունը շատ ավելի նվազ է, որովհետև Էրդողանի կառավարությունն արդեն չեզոքացրել է մամուլը, և հեռուստաընկերությունների ու թերթերի 95 տոկոսն արդեն իշխանության հսկողության տակ է։ Կա փոքրածավալ ընդդիմադիր մամուլ, որոնց հետ աշխատակցում եմ նաև ես, և «Ակոսն» այդ առումով անկախ պարբերականներից մեկն է, սակայն հնարավորությունները խիստ նվազ են»,– ասաց խմբագիրը։
Էստուկյանի խոսքով` ինքը չի կարող երաշխավորել, որ ամբողջությամբ անվտանգ միջավայրում ապրողներից մեկն է, բայցևայնպես ստիպված է խոսել ու գրել հրատապ հարցերի մասին։ Ըստ նրա` «Ակոսը» որևէ կերպ իշխանության հետ չի համագործակցում, սակայն կան սահմաններ, որոնք չի կարելի անցնել։
Նշենք, որ Թուրքիայի Պետական խորհուրդը (Danıştay-բարձրագույն վարչական դատարան) հաստատել է «Ակոսի» նախկին խմբագիր Հրանտ Դինքի կնոջ՝ Ռաքել Դինքի, նրանց զավակների՝ Սերա, Դելալ և Արատ Դինքերի 1.5 միլիոն լիրա փոխհատուցման պահանջը բավարարող Ստամբուլի 6-րդ վարչական դատարանի որոշումը։
Հրանտ Դինքը սպանվել է 2007 թվականի հունվարի 19-ին 17-ամյա ազգայնական Օգյուն Սամասթի կողմից՝ Ստամբուլի իր խմբագրատան շեմին։ Սամաստը ձերբակալվել է հանցագործության հաջորդ օրը և 2011 թվականին դատարանի կողմից դատապարտվել 22 տարվա և 10 ամսվա ազատազրկման:
