https://arm.sputniknews.ru/20211007/davit-tvonvojani-kalanqy-chpvokhelu-vorvoshumy-bvoghvoqarkvel-e-veraqnnich-qreakan-dataranum-34045849.html

Դավիթ Տոնոյանի կալանքը չփոխելու որոշումը բողոքարկվել է վերաքննիչ քրեական դատարանում

Դավիթ Տոնոյանի կալանքը չփոխելու որոշումը բողոքարկվել է վերաքննիչ քրեական դատարանում

Sputnik Արմենիա

Պաշտպանության նախկին նախարարի փաստաբանը հայտնեց` գործը դեռևս չի մակագրվել որևէ դատավորի։ 07.10.2021, Sputnik Արմենիա

2021-10-07T17:08+0400

2021-10-07T17:08+0400

2021-10-07T17:10+0400

դավիթ տոնոյան

դատարան

փաստաբան

կալանք

https://cdn.am.sputniknews.ru/img/07e4/0b/13/25399949_0:0:1024:577_1920x0_80_0_0_e2bae05f0707803e980a7a4a5dc5506c.jpg

ԵՐԵՎԱՆ, 7 հոկտեմբերի – Sputnik. ՀՀ պաշտպանության նախկին նախարար Դավիթ Տոնոյանի` խափանման միջոց կալանքը չփոխելու Երևանի ընդհանուր իրավասության դատարանի որոշումը բողոքարկվել է վերաքննիչ քրեական դատարանում։ Տեղեկությունը Sputnik Արմենիայի հետ զրույցում հայտնեց նրա փաստաբան Սերգեյ Հովհաննիսյանը։«Երևանի ընդհանուր իրավասության դատարանի որոշումը բողոքարկել ենք դեռ երկուշաբթի օրը, և մեր բողոքը մուտք է արվել դատարան։ Սակայն գործը դեռևս չի մակագրվել որևէ դատավորի»,–ասաց Հովհաննիսյանը։Հիշեցնենք` սեպտեմբերի 30-ին ԱԱԾ–ն հայտնել էր, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։ Իսկ ավելի վաղ` սեպտեմբերի 25-ին ԱԱԾ-ն տեղեկացրել էր, որ ԶՈւ ավիացիայի նախկին պետ Ավետիք Մուրադյանն է ձերբակալվել նյութական ծանր հետևանքների առաջացմամբ իշխանությունը չարաշահելու և պաշտոնեական կեղծիքներ կատարելու կասկածանքով։ Ըստ հաղորդագրության` նա ի պաշտոնե տեղյակ է եղել, որ դեռևս 2011 թվականին զենք և ռազմամթերք մատակարարող կազմակերպություններից մեկը ՀՀ է ներմուծել 1985-1991 թվականների արտադրության հրթիռներ։ Մատակարարումից որոշ ժամանակ անց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 2020 թվականի սեպտեմբերի 27-ին սկսված 44-օրյա պատերազմի ժամանակ:Սեպտեմբերի 30-ին Տոնոյանն ու Գալստյանը կալանավորվել էին։

https://arm.sputniknews.ru/20211001/eli-meghadrjalner-klinen-shat-thatsh-e-tiran-khachatrjany-davit-tvonvojani-dem-qrgvortsi-masin-33820185.html

2021

Լուրեր

am_HY

դավիթ տոնոյան, դատարան, փաստաբան, կալանք