https://arm.sputniknews.ru/20211006/vvolvodiny-hhin-u-rdin-arajarkel-e-yndhanur-dirqvorvoshum-mshakel-mijazgajin-hartaknerum-34004081.html

Վոլոդինը ՀՀ–ին ու ՌԴ–ին առաջարկել է ընդհանուր դիրքորոշում մշակել միջազգային հարթակներում

Վոլոդինը ՀՀ–ին ու ՌԴ–ին առաջարկել է ընդհանուր դիրքորոշում մշակել միջազգային հարթակներում

Sputnik Արմենիա

ԵՐԵՎԱՆ, 6 հոկտեմբերի - Sputnik. Ռուսաստանի Դաշնության Դաշնային ժողովի Պետական դումայի նախագահ Վյաչեսլավ Վոլոդինն առաջարկում է շարունակել Երևանի ու Մոսկվայի... 06.10.2021, Sputnik Արմենիա

2021-10-06T16:53+0400

2021-10-06T16:53+0400

2021-10-06T16:55+0400

հայաստան

ռուսաստան

https://cdn.am.sputniknews.ru/img/07e5/0a/06/33998177_0:58:1100:677_1920x0_80_0_0_3403f825eac661d6f66e9b17b1adf76a.jpg

ԵՐԵՎԱՆ, 6 հոկտեմբերի - Sputnik. Ռուսաստանի Դաշնության Դաշնային ժողովի Պետական դումայի նախագահ Վյաչեսլավ Վոլոդինն առաջարկում է շարունակել Երևանի ու Մոսկվայի ընդհանուր դիրքորոշման մշակումը միջազգային հարթակներում երկու երկրներին վերաբերող հարցերի քննարկման ժամանակ: Վոլոդինն այդ առաջարկն արել է ԱԺ նախագահ Ալեն Սիմոնյանի հետ հանդիպման ժամանակ։ Տեղեկությունը հայտնում է Ռուսաստանի խորհրդարանի Ստորին պալատի կայքը։«Սա միջխորհրդարանական համագործակցության նոր մակարդակ է, որովհետև մենք, որպես կանոն, շատ ենք խոսում բարեկամության մասին, բայց այն պետք է կոնկրետ քայլերով իրագործվի։ Հուսով ենք` խորհրդարանի շրջանակում աշխատանք տանելով՝ մենք այդ ուղղությունը կառանձնացնենք որպես առանցքայիններից մեկը։ Դրանից մենք միասին կշահենք։ Եվ դա կանենք բացառապես մեր պետությունների շահերից ելնելով, որովհետև Ռուսաստանի և Հայաստանի հարաբերություններն իսկապես տարբերվում են այլ երկրների հետ հարաբերություններից», - ասել է Վոլոդինը։Նրա խոսքով՝ կողմերն արդեն շատ բան են կարողացել անել խորհրդարանական հարթությունում Ռուսաստանի ու Հայաստանի հարաբերությունների զարգացման համար:«Ռուսաստանի և Հայաստանի միջև հարաբերություններն առանձնահատուկ են, ռազմավարական բնույթ ունեն», - ավելացրել է նա:Բացի այդ, Վոլոդինը նշել է, որ հայ գործընկերոջ հետ զրույցը եղել է բաց ու վստահելի։ Նա բարձր է գնահատել այն հանգամանքը, որ ՀՀ ԱԺ նախագահի պաշտոնում առաջին այցը Ռուսաստանի Դաշնություն է կատարվել:«Դա առաջին հերթին ընդգծում է հարաբերությունների մակարդակն ու հաղորդակցության կառուցման ցանկությունը, ինչպես նաև ռուսական կողմին հուզող հարցերը հասկանալու ցանկությունը», - ասել է նա։Հիշեցնենք` Ալեն Սիմոնյանի գլխավորած պատվիրակությունը հոկտեմբերի 4-ին եռօրյա պաշտոնական այցով մեկնել է Ռուսաստանի Դաշնություն:

https://arm.sputniknews.ru/20211006/alen-simvonjany-handipel-e-vjacheslav-vvolvodinin-pajmanavvorvatsutjunner-en-dzerq-bervel--33998264.html

https://arm.sputniknews.ru/20211005/rusastany-mijazgayin-hartaknerum-amenashaty-handipum-e-henc-hayastani-het-simvonyan-33978500.html

2021

Լուրեր

am_HY

հայաստան, ռուսաստան