Նրանք էլ էմոցիաներ ունեն․ զվարճալի նկարների շարք՝ կենդանական աշխարհից
Նրանք էլ էմոցիաներ ունեն․ զվարճալի նկարների շարք՝ կենդանական աշխարհից
Sputnik Արմենիա
Ամեն տարի հոկտեմբերի 4-ին նշվում է Կենդանիների համաշխարհային օրը: Այս տոնը սահմանվել է Բնության շարժման կողմնակիցների միջազգային կոնգրեսում և նպատակ ունի... 04.10.2021, Sputnik Արմենիա
Ընդունված է ասել, որ կենդանիները մարդու բարեկամներն են, բայց դա, ցավոք, միայն խոսքերով։ Մարդկությունը դարեր շարունակ որսում է կենդանիներին՝ այլընտրանքային սնունդ չունենալու պատճառով, բայց ժամանակակից աշխարհում էլ մենք շարունակում ենք բուծել կենդանիներին՝ նրանց ուտելու, նրանց կաշվից և մորթուց իրեր պատրաստելու նպատակով։ Համաշխարհային տենդենցը, սակայն, գնում է մոլորակը փրկելու ճանապարհով, և տարեցտարի էլ ավելի շատ կենդանասերներ են բարձրաձայնում մեր չորքոտանի ընկերների խնդիրների մասին։ Ամեն տարի հոկտեմբերի 4-ին նշվում է Կենդանիների համաշխարհային օրը։ Sputnik Արմենիայում մենք որոշել ենք ծանր թեմաներից հեռու՝ ներկայացնել զվարճալի կենդանիների ֆոտոշարք։ Այստեղ կտեսնեք զարմացած գետաձիուց մինչև ջղային փիսիկի, երջանիկ փոկից մինչև խորամանկ պանդայի լուսանկարներ։
Ամեն տարի հոկտեմբերի 4-ին նշվում է Կենդանիների համաշխարհային օրը: Այս տոնը սահմանվել է Բնության շարժման կողմնակիցների միջազգային կոնգրեսում և նպատակ ունի մարդկության ուշադրությունը հրավիրել մեր չորքոտանի բարեկամների խնդիրների վրա։
Երիտասարդ գորշ փոկը պառկել է մեջքի վրա և կարծես ծիծաղում է։ Իրականում լուսանկարիչը ֆիքսել է փոկին ծննդաբերելիս։ Սովորաբար այս փոկերը ծննդաբերում են նոյեմբերից հունվար ընկած ժամանակահատվածում: 2019 թվականի նոյեմբերի 13 -ից դեկտեմբերի 26 -ն ընկած ժամանակահատվածում գրանցվել է մոխրագույն կնիքով 524 ծնունդ: Նկարն արված է Հյուսիսային ծովի ափերից մեկում, Գերմանիայում։
Նարնջագույն օրանգուտանը խաղում է իր ձագի հետ։ Ձագուկը երջանկությունից շողշողացող դեմք ունի։ Նկարն արված է Pairi Daiza կենդանաբանական այգում, Բելգիայում։
Ճանապարհային բազեն (Rupornis magnirostris) լուսանկարվել է անասնաբուժական կլինիկայում։ Այստեղ փոխպատվաստել են նրա փետուրները։ Թռչնակը զարմացած տեսք ունի, կարծես ասի՝ մարդիկ փաստորեն այսպիսին էլ են լինում․․․ Նկարն արված է Սան Սալվադորում, Սալվադորում։
Պեկինես ցեղատեսակի շնիկը լեզու է հանում լուսանկարչին։ Նման պահվածքի պատճառն ակնհայտ է․ շնիկին տերերը համարձակվել են բերել «Աշխարհի ամենատգեղ շները» մրցույթին։ Բնականաբար, նա համաձայն չէ իր թեկնածության հետ։ Իրականում՝ մենք էլ։ Նկարն արված է Կալիֆոռնիայում, ԱՄՆ։
Փոկը երջանիկ լողում է կենդանաբանական այգու լճակում։ Այս օրը ջերմաստիճանը բարձրացել է 30 աստիճան, նա էլ վաղուց տաք լոգանք չէր ընդունել։ Նկարն արված է Բեռլինի Zoologischer Garten կենդանաբանական այգում։
Պանդան գոհ դեմքով բամբուկ է ուտում մինչև երկու ճապոնացի տղաներ նկարվում են հետը։ Ճապոնիան այս պանդային բերել է Չինաստանից։ Նկարն արված է Տոկիոյի Ուենո կենդանաբանական այգում։
Գետաձիու ձագուկը՝ Հելոուին անունով, հանգստանում է մոր՝ Քեթիի կողքին։ Փոքրիկը ծնվել է 2019 թվականի հոկտեմբերի 31 -ին՝ Հելոուինի օրը, այստեղից էլ ստացել է իր անունը։ Նկարն արված է Կառլսրուեի կենդանաբանական այգում, Գերմանիայում։
Գաղտնիք չէ, որ կատուներն ատում են աղմուկ, վազվզոց և ․․․ մարդկանց։ Այս ջղային մռութով փիսիկը այդ թեորեմի ապացույցն է։ Սելկիրկ ռեքս ցեղատեսակի կատվին նկարել են Մոսկվայում կայացած Grand Prix Royal Canin-2017 միջազգային ցուցահանդեսում։
Երիտասարդ ջրարջը «լռվել է» ճաղերի արանքում։ Հրշեջ ծառայությունը փրկել է խեղճ կենդանուն։ Բայց մինչ այդ նրա վախեցած մռութիկը հասցրել են լուսանկարել։ Նկարն արված է Մասաչուսեթսում, ԱՄՆ։
Այս էմուն շատ գեղեցիկ է ու լավ գիտի դրա մասին՝ դատելով նրա ինքնագոհ տեսքից։ Բացի այդ՝ նրա նախնին բավականին ուժեղ է եղել, դա էլ է հպարտության պատճառ։ Ասվում է, որ այս կենդանաբանական այգում Երկրորդ համաշխարհային պատերազմի ընթացքում կենդանիների մեծ մասը սովից սատկել է, միայն 13 կապիկ և մեկ էմու է փրկվել։ Նկարն արված է Պեկինի կենդանաբանական այգում։
Ծովային կրիայի ձագը հեչ գոհ չէ, որ նրան ինչ-որ մարդիկ բռնել ու ուսումնասիրում են։ Ջղային կրիային լուսանկարել են Ինդոնեզիայում։
Ընդունված է ասել, որ կենդանիները մարդու բարեկամներն են, բայց դա, ցավոք, միայն խոսքերով։ Մարդկությունը դարեր շարունակ որսում է կենդանիներին՝ այլընտրանքային սնունդ չունենալու պատճառով, բայց ժամանակակից աշխարհում էլ մենք շարունակում ենք բուծել կենդանիներին՝ նրանց ուտելու, նրանց կաշվից և մորթուց իրեր պատրաստելու նպատակով։
Համաշխարհային տենդենցը, սակայն, գնում է մոլորակը փրկելու ճանապարհով, և տարեցտարի էլ ավելի շատ կենդանասերներ են բարձրաձայնում մեր չորքոտանի ընկերների խնդիրների մասին։
Ամեն տարի հոկտեմբերի 4-ին նշվում է Կենդանիների համաշխարհային օրը։
Sputnik Արմենիայում մենք որոշել ենք ծանր թեմաներից հեռու՝ ներկայացնել զվարճալի կենդանիների ֆոտոշարք։ Այստեղ կտեսնեք զարմացած գետաձիուց մինչև ջղային փիսիկի, երջանիկ փոկից մինչև խորամանկ պանդայի լուսանկարներ։
