https://arm.sputniknews.ru/20210930/khajoghi-ardjoq-vrastany-haj-adrbejanakan-haraberutjunneri-kargavorman-mijnordi-derum-33795396.html

Կհաջողի արդյոք Վրաստանը հայ-ադրբեջանական հարաբերությունների կարգավորման միջնորդի դերում

Կհաջողի արդյոք Վրաստանը հայ-ադրբեջանական հարաբերությունների կարգավորման միջնորդի դերում

Sputnik Արմենիա

Քաղաքագետ Արմեն Բաղդասարյանը Sputnik Արմենիայի եթերում նշել է, որ Վրաստանի վարչապետի նախաձեռնությունը Հայաստանին հնարավորություն է ընձեռում ԵԱՀԿ Մինսկի խմբից... 30.09.2021, Sputnik Արմենիա

2021-09-30T16:10+0400

2021-09-30T16:10+0400

2021-09-30T16:10+0400

հայաստան

վրաստանի հանրապետություն

ադրբեջան

արմեն բաղդասարյան (քաղաքական մեկնաբան)

ռադիո

https://cdn.am.sputniknews.ru/img/07e5/09/1e/33789889_0:0:640:361_1920x0_80_0_0_3402539f2cd4da6157d8bac1406f5567.jpg

Վրաստանը պետք է որ այնքան էլ շահագրգռված չլինի հայ-ադրբեջանական և հայ-թուրքական հարաբերությունների կարգավորմամբ, դրա համար բազմաթիվ օբյեկտիվ պատճառներ կան։ Sputnik Արմենիայի հետ զրույցում նման կարծիք հայտնեց քաղաքագետ Արմեն Բաղդասարյանը` անդրադառնալով Վրաստանի վարչապետ Իրակլի Ղարիբաշվիլիի` հայ-ադրբեջանական հարաբերությունների կարգավորման ուղղությամբ «գործադրած ջանքերին»։«Եթե հայ-ադրբեջանական հարաբերությունները կարգավորվեն, այդ դեպքում Հայաստանը Վրաստանի համար կընկալվի որպես մրցակից։ Այդպիսի խնդիր կար դեռևս 90-ականներին, երբ ակնհայտ էր, որ եթե արցախյան հակամարտությունը կարգավորվեր, ապա և՛ նավթամուղը, և Թուրքիան Ադրբեջանին կապող երկաթուղին կանցներ ոչ թե Վրաստանի, այլ Հայաստանի տարածքով»,- ասաց նա։Քաղաքագետի խոսքով` հազիվ թե Վրաստանին հաջողվի լուրջ միջնորդական առաքելություն իրականացնել, քանի որ տարածաշրջանում շատ ավելի լուրջ խաղացողներ կան։ Անկախ ամեն ինչից՝ Ղարիբաշվիլիի քայլը Բաղդասարյանը դրական է համարում։ Այն Հայաստանին հնարավորություն է ընձեռում ԵԱՀԿ Մինսկի խմբից բացի` ունենալ ևս 1 հարթակ, որտեղ հնարավոր կլինի շփումների, երկխոսության միջավայր ստեղծել։Նրա կարծիքով` շատ կարևոր է նաև հասկանալ, թե ինչով է պայմանավորված Վրաստանի ակտիվությունը՝ պաշտոնական Թբիլիսին սեփական նախաձեռնությա՞մբ է ստանձնել հաշտարարի դերը, թե՞ Վրաստանի միջոցով դա անում է Եվրամիությունը։Հիշեցնենք, որ երեկ Վրաստանի վարչապետ Իրակլի Ղարիբաշվիլին հանդիպել է Ադրբեջանի նախագահ Իլհամ Ալիևի հետ։ Վրաստանի վարչապետն առաջիկայում նախատեսում է այցելել նաև Հայաստան։Ղարիբաշվիլին Բաքու մեկնելուց առաջ հույս էր հայտնել, որ կկարողանա իր ողջ էներգիան ներդնել Երևանի և Բաքվի միջև հարաբերությունների կարգավորման գործում ու դրական դեր խաղալ։Վրաստանի վարչապետն օրերս նաև առաջարկել էր Թբիլիսիում ստեղծել հարթակ՝ Հայաստանի և Ադրբեջանի ղեկավարների միջև շփումների համար։

https://arm.sputniknews.ru/20210929/inch-e-taqnvats-hajastani-u-adrbejani-mijev-mijnord-darnalu-vrastani-cankutjan-hetevum-33760951.html

վրաստանի հանրապետություն

ադրբեջան

2021

Լուրեր

am_HY

հայաստան, վրաստանի հանրապետություն, ադրբեջան, արմեն բաղդասարյան (քաղաքական մեկնաբան)