https://arm.sputniknews.ru/20210929/turqiajin-mtahvogel-e-gvorsh-gajleri-masin-kety-ankaran-husvov-e-vor-vashingtvony-kmtapvokhvi-33778111.html

Թուրքիային մտահոգել է «Գորշ գայլերի» մասին կետը. Անկարան հուսով է, որ Վաշինգտոնը կմտափոխվի

Թուրքիային մտահոգել է «Գորշ գայլերի» մասին կետը. Անկարան հուսով է, որ Վաշինգտոնը կմտափոխվի

Sputnik Արմենիա

Թուրքիայի արտգործնախարարության ներկայացուցիչն ասել է, թե ինչ դիրքորոշում ունի Անկարան ԱՄՆ Կոնգրեսի Ներկայացուցիչների պալատի հավանության արժանացրած... 29.09.2021, Sputnik Արմենիա

2021-09-29T23:38+0400

2021-09-29T23:38+0400

2021-09-29T23:44+0400

թուրքիա

ամն

գորշ գայլեր

https://cdn.am.sputniknews.ru/img/07e5/06/15/28019765_0:0:1533:862_1920x0_80_0_0_fdc0eafacd4f3f1fd63c5702e77d496d.jpg

ԵՐԵՎԱՆ, 29 սեպտեմբերի – Sputnik. Թուրքիային մտահոգել է այն հանգամանքը, որ թուրք ազգայնականների Bozkurtlar / Ülkü Ocakları («Գորշ գայլեր») կազմակերպությունն ԱՄՆ-ում կարող է ընդգրկվել ահաբեկչական կազմակերպությունների ցանկում։ Ինչպես հայտնում է ՌԻԱ Նովոստին, Թուրքիայի արտգործնախարարության պաշտոնական ներկայացուցիչ Տանժու Բիլգիչն այդ թեմայով հայտարարություն է արել։Ինչու Գերմանիայի հայերը չկարողացան հասնել «Գորշ գայլերի» գործունեության արգելքին«Մենք ցավում ենք, որ Ներկայացուցիչների պալատի կողմից հավանության արժանացած` պաշտպանության մասին ազգային օրենքի փոփոխությունների տեքստում կա մի կետ, որը պահանջում է ԱՄՆ պետդեպարտամենտից հաշվետվություն պատրաստել այն մասին` արդյոք Bozkurtlar / Ülkü Ocakları-ն ահաբեկչական կազմակերպություն է, թե ոչ: Թեև օրենքի վերջնական տեքստը դեռևս հաստատված չէ, այդուհանդերձ խիստ տագնապալի է, որ անհիմն մեղադրանքներ պարունակող և ԱՄՆ-ի հետ մեր վաղեմի դաշինքին չհամապատասխանող այդ խնդրանքը ընդունվել Է ԱՄՆ Կոնգրեսի պալատի կողմից», - ասված Է Բիլգիչի հայտարարության մեջ:Նրա խոսքով՝ դա հակաթուրքական լոբբիի փորձերից է, որոնց աջակցում էին սկզբում Եվրոպայի, իսկ այժմ նաև ԱՄՆ-ի որոշ շրջանակներ։Ֆրանսիայում պաշտոնապես արգելվեց թուրքական «Գորշ գայլերի» գործունեությունը«Դա առաջին հերթին վնասում է ահաբեկչության դեմ պայքարին։ Բոլոր երկրները, որոնք անկեղծորեն հակազդում են ահաբեկչությանը, հատկապես մեր դաշնակից ԱՄՆ-ն, պետք է վճռականորեն պայքարեն իրական ահաբեկչական կազմակերպությունների, այդ թվում ՔԱԿ–ի (Թուրքիայում արգելված Քրդստանի աշխատավորական կուսակցություն) և FETO-ի դեմ (Անկարայում այսպես են անվանում ընդդիմադիր իսլամական քարոզիչ Ֆեթուլլահ Գյուլենի կազմակերպությունը-խմբ.)։ .. Այլ երկրներում ապրող մեր հայրենակիցների նկատմամբ կողմնակալ մոտեցումներն անթույլատրելի են», - հայտարարել է Բիլգիչը։Թուրքիայի ԱԳՆ ներկայացուցիչը հավելել է` Անկարան ակնկալում է, որ այդ կետը չի ներառվի օրենքի վերջնական տեքստում, և ԱՄՆ-ում թուրքական համայնքի կարծիքի արտահայտման ազատությունը սահմանափակելու ցանկացած փորձ կկանխվի։Հիշեցնենք` սեպտեմբերի 24-ին հայտնի դարձավ, որ ԱՄՆ Կոնգրեսի Ներկայացուցիչների պալատը հավանություն է տվել Պաշտպանության մասին ազգային օրենքում (National Defense Authorization Act) մի շարք փոփոխություններին։ Այդ փոփոխությունների համաձայն` 180 օրվա ընթացքում պետքարտուղարը պետք է մանրամասն տվյալներ ներկայացնի թուրքական «Գորշ գայլեր» կազմակերպության մասին: Մասնավորապես Պետդեպարտամենտին պետք է ներկայացվեն դեպքեր, երբ այդ կազմակերպության գործունեությունը հակասել է ԱՄՆ-ի, նրա դաշնակիցների ու գործընկերների ազգային շահերին։ Պետդեպարտամենտը պետք է նաև վերլուծություն ներկայացնի այն մասին, թե արդյոք այդ կազմակերպությունը (ծայրահեղ ազգայնական - խմբ.) ահաբեկչական է համարվում։ Հակառակ դեպքում Պետդեպարտամենտը պետք է մանրամասն հիմնավորի իր կարծիքը։

https://arm.sputniknews.ru/20210929/harazatneri-havaqagrum-inchpes-e--turqiajin-hajvoghvum-barekamutjun-anel-bvolvori-het-33768339.html

https://arm.sputniknews.ru/20210928/mi-hangamanq-chein-kankhatesel-adrbejanin-ognelvov-haghtelturqian-inqn-iren-vatutjun-arec-33724551.html

թուրքիա

ամն

2021

Լուրեր

am_HY

թուրքիա, ամն, գորշ գայլեր