https://arm.sputniknews.ru/20210929/tatvojani-arajarkutjunneri-nerarumy-ekhkhv-banadzevum-karevvor-e-hajkakan-kvoghmi-hamar-33748852.html

Թաթոյանի առաջարկությունների ներառումը ԵԽԽՎ բանաձևում կարևոր է հայկական կողմի համար

Թաթոյանի առաջարկությունների ներառումը ԵԽԽՎ բանաձևում կարևոր է հայկական կողմի համար

Sputnik Արմենիա

ՀՀ մարդու իրավունքների պաշտպանի օգնականի խոսքով՝ Ադրբեջանի հետ սահմանազատումն իրականացնելիս անվտանգության գոտի ստեղծելը կօգնի պաշտպանել սահմանամերձ համայնքների... 29.09.2021, Sputnik Արմենիա

2021-09-29T12:09+0400

2021-09-29T12:09+0400

2021-09-29T12:11+0400

հայաստան

ադրբեջան

հհ միպ

արման թաթոյան

եվրախորհրդի խորհրդարանական վեհաժողով (եխխվ)

սահման

սահմանային խախտումներ. իրադրությունը սյունիքում և գեղարքունիքում

https://cdn.am.sputniknews.ru/img/07e5/05/0e/27546603_0:0:1601:901_1920x0_80_0_0_358c6c2ef13ee5b31fa1dff3639ff579.jpg

ԵՐԵՎԱՆ, 29 սեպտեմբերի - Sputnik. Հայ-ադրբեջանական սահմանին անվտանգության գոտի ստեղծելու վերաբերյալ ՀՀ Մարդու իրավունքների պաշտպան Արման Թաթոյանի առաջարկների ներառումը ԵԽԽՎ «Հայաստանի և Ադրբեջանի միջև հակամարտության հումանիտար հետևանքները» բանաձևում կարևոր է հայկական կողմի համար: Այս մասին այսօր հրավիրված ասուլիսում հայտարարել է ՀՀ մարդու իրավունքների պաշտպանի օգնական Տաթևիկ Մանուկյանը։Ինչպես արդեն հայտնել ենք, սեպտեմբերի 27-ին ԵԽԽՎ-ն 47 կողմ, 16 դեմ և 3 ձեռնպահ ձայներով բանաձև ընդունեց։ Բանաձևին դեմ են քվեարկել Ադրբեջանն ու Թուրքիան։ Փաստաթուղթը վերաբերում է սպանված, անհայտ կորած և վիրավոր զինծառայողներին ու գերիներին, ռազմական հանցագործություններին, մշակութային ժառանգության ոչնչացմանը և այլն:«ՄԻՊ դիրքորոշումն այն է, որ Ադրբեջանի հետ սահմանազատումն առանց անվտանգության գոտի ստեղծելու ոչ միայն չի ապահովելու ՀՀ քաղաքացիների և հատկապես սահմանամերձ գյուղերի բնակիչների իրավունքները, այլ նաև դառնալու է նոր խախտումների և լարվածության պատճառ։ Ադրբեջանական իշխանությունները ոչ միայն չեն դադարեցրել ատելության քարոզը, այլև խորացրել են հայատյացության և ֆաշիզմի հասնող թշնամանքի քաղաքականությունը՝ Հայաստանի ողջ ժողովրդի նկատմամբ։ Խոսքը իրական ցեղասպանության քաղաքականության մասին է»,-ասաց Մանուկյանը։Նրա խոսքով՝ ՄԻՊ-ն իր մշտադիտարկումների արդյունքում վեր է հանել մոտ 300 տեսանյութ, որոնք վերաբերվում են հայկական կողմի գերիների, անհետ կորածների նկատմամբ դաժանություններին, խոշտանգումներին, որոնք թարգմանվել են օտար լեզուներով և օբյեկտիվ ապացույցներ են։Նշենք, որ ընդունված բանաձևում երկու երկրներին կոչ է արվում բանակցություններ սկսել սահմանագծման և սահմանազատման շուրջ, ինչպես նաև ուսումնասիրել անվտանգության գոտու ստեղծման հարցը՝ խաղաղապահ կամ ռազմական մոնիթորինգային ուժերի ներգրավմամբ:Թաթոյանի կարծիքով` ադրբեջանական զինված ուժերի հանցավոր գործողությունները կանխելու միակ արդյունավետ տարբերակը անվտանգության գոտու ստեղծումն է, որի մասին ՀՀ ՄԻՊ-ը բազմիցս բարձրաձայնել է: Նա կարծում է, որ պատերազմից հետո Հայաստանի գյուղերի և բնակավայրերի միջև ճանապարհներին ադրբեջանական զինված ուժերի տեղակայումը, դրոշների տեղադրումը զուրկ են որևէ իրավական հիմքից, դրանք պետք է հեռացվեն և ստեղծվի անվտանգության գոտի:Պատրաստվում էի գերիների հարցը բարձրացնել. Գևորգյանին դատարանը 2 անգամ մերժել է ԵԽԽՎ գնալՀայաստանի և Ադրբեջանի սահմանին իրավիճակը սրվել է մայիսի 12-ից։ Ադրբեջանցի զինվորականները գտնվում են Սև լճի տարածքում ՝ փորձելով ամրապնդվել այստեղ։ Նման իրավիճակ է ստեղծվել Գեղարքունիքի մարզում ՝ Վարդենիսի մոտակայքում։ Լարվածության ևս մեկ օջախ կա ՝ Արարատի մարզի Երասխ գյուղի մոտակայքում։ Այդ հատվածներում պարբերաբար տեղի են ունենում միջադեպեր, ինչի հետևանքով կան զոհեր և վիրավորներ։

https://arm.sputniknews.ru/20210928/krqer-shushii-ekeghecu-anvan-shurj-inch-e-irakanum-katarvel-ekhkhvum-33731037.html

ադրբեջան

2021

Լուրեր

am_HY

հայաստան, ադրբեջան, հհ միպ, արման թաթոյան, եվրախորհրդի խորհրդարանական վեհաժողով (եխխվ), սահման, սահմանային խախտումներ. իրադրությունը սյունիքում և գեղարքունիքում