https://arm.sputniknews.ru/20210925/voraky-nujnn-e-giny-catsr-hajastani-atvomakajany-tntesum-e-petakan-mijvocnery-33637087.html

Որակը նույնն է, գինը` ցածր. Հայաստանի ատոմակայանը տնտեսում է պետական միջոցները

Որակը նույնն է, գինը` ցածր. Հայաստանի ատոմակայանը տնտեսում է պետական միջոցները

Sputnik Արմենիա

ԱԷԿ–ն արդիականացման աշխատանքների մի մասն ինքնուրույն է կազմակերպում` անցկացնելով միջազգային բաց մրցույթներ, որոնց ընթացքում գնային հայտեր են ներկայացվում մի... 25.09.2021, Sputnik Արմենիա

2021-09-25T18:55+0400

2021-09-25T18:55+0400

2021-09-25T19:39+0400

հայաստան

ատոմակայան

https://cdn.am.sputniknews.ru/img/1589/68/15896870_0:85:1600:985_1920x0_80_0_0_1039da88ddb23ccc742fe79159c27ec1.jpg

ԵՐԵՎԱՆ, 25 սեպտեմբերի – Sputnik. Հայկական ԱԷԿ–ը վերանորոգման աշխատանքների ժամանակ կարողացել է խնայել բյուջետային միջոցները։ Հովացման համակարգի արդիականացման առաջին մեծ մրցույթում, որը կայանն ինքնուրույն էր կազմակերպել, տնտեսվել է շուրջ 1,25 մլրդ դրամ։Մրցույթը հայտարարվել էր ԱԷԿ–ի հիմնանորոգման շրջանակում, որը մեկնարկել է 2015 թվականին և պետք է ավարտվի 2022–ին։ 2015-2019 թվականներին աշխատանքների մեծ մասն իրականացվել է ՌԴ կառավարության միջպետական վարկի միջոցներով, ծախսերի մյուս մասը կայանը ծածկում է ՀՀ բյուջեի միջոցների հաշվին։Վերանորոգման շրջանակում արդեն իսկ փոխվել են մեքենայական սրահի սարքավորումները (գեներատորներ, տուրբիններ և օժանդակ սարքավորումներ), ավտոմատիկայի բլոկը, ինչպես նաև պաշտպանության և ռեակտորի վթարային հովացման համակարգերը։ Մնում է արդիականացնել հովացման աշտարակները, ինչպես նաև կառուցել նոր բաց բաշխիչ սարքը, որտեղից արտադրված էլեկտրաէներգիան ուղարկվում է բարձրավոլտ ցանց և փոխանցվում սպառողներին։Ինչպես արդեն հայտնել էինք, հովացման աշտարակների մրցույթն ավարտվել է, և նման ծավալի աշխատանքների համար առաջին անգամ պայմանագիրը շահել է հայկական ընկերությունը։ ՀՀ ֆինանսների նախարարության պետական գնումների կայքում հրապարակված տեղեկության համաձայն` մրցույթին մասնակցել են 8 կազմակերպություններ Հայաստանից և Ռուսաստանից։ «Մ–գրուպ» ընկերությունը հաղթել է` 4 մլրդ 116 մլն դրամ գին ներկայացնելով, ինչը նախնական գնառաջարկից 35%–ով քիչ է։Այդպիսով, կայանը տնտեսել է մոտ 1,25 մլրդ դրամ (մոտավորապես 2,5 մլն դոլար առանց ԱԱՀ–ի, որը այսպես թե այնպես փոխանցվում է պետբյուջե)։Տնտեսումը պետք է ապահովվի առանց որակին վնասելու, քանի որ աշխատանքներին նախկին խստությամբ կհետևեն ԱԷԿ–ի մասնագետները։Նմանատիպ ընթացակարգով է անցկացվում նաև նոր բաց բաշխիչ սարքի կառուցման համար նախատեսված հաջորդ խոշոր մրցույթը։ Առկա բաց բաշխիչ սարքն արդեն հնացել է, այդ պատճառով որոշվել է նոր հարթակում նորը կառուցել։ Այն ՀՀ էլեկտրացանցի խոշորագույն հանգույցներից մեկը կդառնա` ապահովելով էլեկտրաէներգիայի բաշխումն ու փոխանցումը ԱԷԿ–ից Երևան, Էջմիածին և շուրջ 10 քաղաքներ։Այժմ Հայկական ԱԷԿ–ը մրցույթ է անցկացնում շինարարության կապալառու ընտրելու համար։ Մրցույթին մասնակցում է 9 ընկերություն Հայաստանից, Ռուսաստանից, Չինաստանից և Արաբական Էմիրություններից։ Մասնակիցներն արդեն ներկայացրել են հայտերը, ամենացածր գինն առաջարկում է արաբական ընկերությունը` 14,6 մլն դոլար։ Առաջիկայում կրկին ընտրություն կանցկացվի, որի արդյունքում կորոշվի հաղթողն ու վերջնական գինը։Հայկական ԱԷԿ-ի հզորությունը արդիականացման արդյունքում աճել է 15 տոկոսով․ ՌԴ դեսպան

https://arm.sputniknews.ru/20210922/ajc-apaga-metsamvori-aeki-vaghy-hnaravvor-e-ajsor-tesnel-kvolaji-aekum-33540879.html

https://arm.sputniknews.ru/20210820/mer-erkir-hetpaterazmyan-bard-irakanutyan-mej-e-gnel-sanosyann-aycelel-e-atomakayan-28725625.html

2021

Լուրեր

am_HY

հայաստան, ատոմակայան