Սիրտ ու հավես չկա. Գյումրին այս տարի իր տոնն առանց զուռնա- դհոլի նշեց
Սիրտ ու հավես չկա. Գյումրին այս տարի իր տոնն առանց զուռնա- դհոլի նշեց
Sputnik Արմենիա
ԵՐԵՎԱՆ, 18 սեպտեմբերի – Sputnik. Այսօր` սեպտեմբերի 18-ին, Գյումրին հերթական անգամ նշեց քաղաքի օրը: Քաղաքի օրը միշտ ուրախ տրամադրությամբ դիմավորող Գյումրիում... 18.09.2021, Sputnik Արմենիա
ԵՐԵՎԱՆ, 18 սեպտեմբերի – Sputnik. Այսօր` սեպտեմբերի 18-ին, Գյումրին հերթական անգամ նշեց քաղաքի օրը: Քաղաքի օրը միշտ ուրախ տրամադրությամբ դիմավորող Գյումրիում այս անգամ տոնը նշում են միայն ցուցահանդեսներով, ցուցասրահների բացումներով:Ի դեպ, միջոցառումներն անցան առանց Գյումրու քաղաքապետ Սամվել Բալասանյանի՝ վերջինս գտնվում է արձակուրդում:Այս տարի քաղաքն իր տոնը նշեց նաև առանց մեծ պատվիրակությունների, միակ բարձրաստիճան հյուրը ՀՀ ազգային ժողովի նախագահ Ալեն Սիմոնյանն էր:«Այսօր պետք է Գյումրիով քայլեմ և շնորհավորեմ մարդկանց, գյումրեցիներին, այս հիասքանչ քաղաքի տոնը շատ կարևոր է բոլորիս համար»,- լրագրողների հետ զրույցում ասաց Սիմոնյանը:Նշենք, որ Գյումրու տոնի առիթով նախկին կենտրոնական գրադարանի տարածքում բացվեց Ֆրիդ Սողոյանի ցուցասրահը: Լենինականում ծնված, ուսում ստացած, բայց ստեղծագործական ամբողջ կյանքը Մոսկվայում անցկացրած քանդակագործ Ֆրիդ Սողոյանը ՌԴ ժողովրդական նկարիչ է, Ուկրաինական ԽՍՀ արվեստի վաստակավոր գործիչ և ավելի ուշ դարձել է Հայաստանի Հանրապետության ժողովրդական նկարիչ։Չնայած հայտնի քանդակագործն ապրել է հայրենի քաղաքից հեռու, սակայն կապը քաղաքի հետ միշտ է եղել. լավագույն գործերից մեկը՝ "Անմեղ զոհերին, բարեգութ սրտերին" հուշակոթողը (1988 թվականի երկրաշարժի զոհերին ու Հայաստանին օգնության ձեռք մեկնած մարդկանց նվիրված) Սուրբ Ամենափրկիչ եկեղեցու բակում է։ Բագրատունյաց պուրակում էլ տեղադրված է «Վերածնունդ» հուշարձանը` նվիրված Հայոց ցեղասպանության 100-րդ տարելիցին:Քանդակագործի որդիների՝ Վահե և Միքայել Սողոյանների նախաձեռնությամբ նրա քանդակների մի մասը Մոսկվայից տեղափոխվել է Գյումրի և մշտական ցուցադրության կդրվի հուշատուն-ցուցասրահում։Տոնի առթիվ ամենալավ նվերը Գյումրու ժողովրդական գործիքների պետական համույթինն էր՝ երկար տարիներ տնակային պայմաններից հետո համույթը տեղափոխվեց նոր, հարմարավետ քարե շինություն:Գյումրու Ղանդիլյան 49 հասցեում էլ այսօր տեղի ունեցավ երիտասարդ արվեստագետ, 44-օրյա պատերազմի մասնակից Բեն Պողոսյանի պատկերասրահի բացումը, որը ուղեկցվեց «Վերադարձ» անհատական ցուցահանդեսով:Օրվա խորհրդով պայմանավորված` եղավ նաև պարգևների ու կոչումների հանձնման արարողություն։
ԵՐԵՎԱՆ, 18 սեպտեմբերի – Sputnik. Այսօր` սեպտեմբերի 18-ին, Գյումրին հերթական անգամ նշեց քաղաքի օրը: Քաղաքի օրը միշտ ուրախ տրամադրությամբ դիմավորող Գյումրիում այս անգամ տոնը նշում են միայն ցուցահանդեսներով, ցուցասրահների բացումներով:
«Ինչ սիրտ ու հավաս կա դհոլ-զուռնայի: Գյումրեցին թասիբով է, լիքը երեխա է զոհվել, մենք ուրախանա՞նք»,-Sputnik Արմենիայի հետ զրույցում նշեցին գյումրեցիներից շատերը:
Ի դեպ, միջոցառումներն անցան առանց Գյումրու քաղաքապետ Սամվել Բալասանյանի՝ վերջինս գտնվում է արձակուրդում:
Այս տարի քաղաքն իր տոնը նշեց նաև առանց մեծ պատվիրակությունների, միակ բարձրաստիճան հյուրը ՀՀ ազգային ժողովի նախագահ Ալեն Սիմոնյանն էր:
«Այսօր պետք է Գյումրիով քայլեմ և շնորհավորեմ մարդկանց, գյումրեցիներին, այս հիասքանչ քաղաքի տոնը շատ կարևոր է բոլորիս համար»,- լրագրողների հետ զրույցում ասաց Սիմոնյանը:
Նշենք, որ Գյումրու տոնի առիթով նախկին կենտրոնական գրադարանի տարածքում բացվեց Ֆրիդ Սողոյանի ցուցասրահը: Լենինականում ծնված, ուսում ստացած, բայց ստեղծագործական ամբողջ կյանքը Մոսկվայում անցկացրած քանդակագործ Ֆրիդ Սողոյանը ՌԴ ժողովրդական նկարիչ է, Ուկրաինական ԽՍՀ արվեստի վաստակավոր գործիչ և ավելի ուշ դարձել է Հայաստանի Հանրապետության ժողովրդական նկարիչ։
Չնայած հայտնի քանդակագործն ապրել է հայրենի քաղաքից հեռու, սակայն կապը քաղաքի հետ միշտ է եղել. լավագույն գործերից մեկը՝ "Անմեղ զոհերին, բարեգութ սրտերին" հուշակոթողը (1988 թվականի երկրաշարժի զոհերին ու Հայաստանին օգնության ձեռք մեկնած մարդկանց նվիրված) Սուրբ Ամենափրկիչ եկեղեցու բակում է։ Բագրատունյաց պուրակում էլ տեղադրված է «Վերածնունդ» հուշարձանը` նվիրված Հայոց ցեղասպանության 100-րդ տարելիցին:
Քանդակագործի որդիների՝ Վահե և Միքայել Սողոյանների նախաձեռնությամբ նրա քանդակների մի մասը Մոսկվայից տեղափոխվել է Գյումրի և մշտական ցուցադրության կդրվի հուշատուն-ցուցասրահում։
Գյումրու տոնի առիթով նախկին կենտրոնական գրադարանի տարածքում բացվեց Ֆրիդ Սողոյանի ցուցասրահը
Տոնի առթիվ ամենալավ նվերը Գյումրու ժողովրդական գործիքների պետական համույթինն էր՝ երկար տարիներ տնակային պայմաններից հետո համույթը տեղափոխվեց նոր, հարմարավետ քարե շինություն:
Գյումրու Ղանդիլյան 49 հասցեում էլ այսօր տեղի ունեցավ երիտասարդ արվեստագետ, 44-օրյա պատերազմի մասնակից Բեն Պողոսյանի պատկերասրահի բացումը, որը ուղեկցվեց «Վերադարձ» անհատական ցուցահանդեսով:
