https://arm.sputniknews.ru/20210916/mamvonty-kprki-ashkharhy-33348384.html
Մամոնտը կփրկի աշխարհը
Մամոնտը կփրկի աշխարհը
Sputnik Արմենիա
Եկեք անկեղծ լինենք։ Մոտ մեկ քառորդ դար Հայաստանում շարունակվում են վեճերը կլոնավորման շուրջ։ Ոմանք նույնիսկ առաջարկում են կլոնավորման օգնությամբ լուծել մեր... 16.09.2021, Sputnik Արմենիա
2021-09-16T20:55+0400
2021-09-16T20:55+0400
2021-09-17T09:22+0400
հեղինակներ
մամոնտ
5 րոպե դուլյանի հետ
https://cdn.am.sputniknews.ru/img/07e5/08/1a/28797516_0:0:1600:901_1920x0_80_0_0_e5cf4991344e4d3582aeb8f9799701dd.jpg
Դուք երևի չեք էլ հիշում այն բավական վիճահարույց առաջարկը, որն ընդամենը 4 տարի առաջ պառլամենտում հնչեցրեց պատգամավորներից մեկը։Մեջբերեմ առանց մեկնաբանության. «Առաջարկում եմ թույլատրել մարդու կլոնավորումը։ Մենք դրել ենք խնդիր, որ կարճ ժամանակ հետո 4 միլիոն հայ ապրի Հայաստանում։ Ես առաջարկում եմ կլոնավորումը թույլ տալ, որ 8 միլիոն մարդ ապրի Հայաստանում», - ասաց խորհրդարանականը։Տեսնո՞ւմ եք, թե ինչ հեշտությամբ կարելի է լուծել մեր բոլոր խնդիրները։Թեև մեր մոլորակում, կարծես թե, դեռ կլոնավորված մարդիկ չկան (չնայած` դա էլ վիճահարույց հարց է), ուղիղ 25 տարի առաջ լույս աշխարհ եկավ ամենահայտնի ոչխարը՝ կլոնավորված Դոլլին, որն ապրեց 6,5 տարի, ունեցավ 6 ձագ, հիվանդացավ ու կյանքին հրաժեշտ տվեց 2003 թվականին։Հիմա որոշ գիտնականներ հաստատ պնդում են՝ առաջիկա 2-3 տարում առաջատար գիտական կենտրոններից մեկի բակում մենք կտեսնենք առաջին արհեստական մամոնտին։Ճիշտ է, շատերը թերահավատ են՝ նախ, խիստ կասկածում են, որ նման բան ընդհանրապես սկզբունքորեն հնարավոր է՝ կյանք վերադարձնել այն կենդանուն, որն ապրել է մոտ 10 հազար տարի առաջ։ Եվ երկրորդ՝ իսկ բարոյակա՞ն է արդյոք ստեղծել մի էակ, որի վարքագծի մասին գրեթե ոչինչ չգիտենք։Իրականում էնպես չի, որ ընդհանրապես ոչինչ չգիտենք։ Ա′յ, դինոզավրերի մասին, այո′, մեր պատկերացումները շատ ու շատ աղոտ են։ Այնքան ակնհայտ ստեր ենք լսել դրանց մասին։Ձրի պանիրը միայն թակարդում է լինում, կամ ինչ էր, ինչ դարձավ Ցուկերբերգի Facebook–ըՀիշում եմ, թե դպրոցական տարիներին ինչպես էինք հռհռում, երբ հերթական անգամ նայում էինք «Մեր դարաշրջանից միլիոն տարի առաջ» ֆիլմը։ Ցույց էին տալիս, թե ինչպես է նախնադարյան մարդը մենամարտի բռնվում դինոզավրերի հետ։ Մենք հո լավ գիտեինք, որ նման բան պարզապես չի կարող պատահել, որովհետև դինոզավրերը ապրել են մի քանի միլիոն տարի առաջ, երբ մարդու մասին խոսք անգամ չէր կարող լինել։Ա′յ, մամոնտը լրիվ ուրիշ է։ Դրանք սիբիրյան անծայրածիր տունդրայում շրջում էին ընդամենը մի 10 հազար տարի առաջ, երբ ներկա Հայաստանի տարածքում արդեն ձևավորվել էր բանական մարդը՝ homo sapiens–ը, որը նետ ու աղեղ էր պատրաստում, զբաղվում էր ձկնորսությամբ, քարայրների պատերն էլ յուրօրինակ պատկերասրահ էր դարձնում։Այսինքն, եթե ոչ մեր տարածաշրջանի, ապա առնվազն հյուսիսային որոշ շրջանների բնակիչները ոչ միայն տեսել են մամոնտին, այլև համատեղ ուժերով կազմակերպել են նրա որսը։ Որոշ մասնագետներ պնդում են, թե հենց մարդն էլ ժամանակին վերացրել է մամոնտներին, բայց սրա շուրջ անվերջ կարելի է վիճել։ Փաստն այն է, որ հիմա մարդը ցանկանում է վերածնել մամոնտին։Ամերիկացի գիտնականների և ձեռնարկատերերի խումբը, որը ստեղծել է «Քոլոսալ» ընկերությունը, հայտարարել է, որ մտադիր է կյանք վերադարձնել, այսպես կոչված, բրդոտ մամոնտներին։ Ինչպե՞ս։Օգտագործելով սառած վիճակում մի քանի հազար տարի ձյան տակ մնացած մամոնտների ԴՆԹ-ն և ներկայում ապրող ասիական փղերի գենոմը։ Այսինքն, իրականում վերականգնված մամոնտը ոչ թե մաքուր մամոնտ է լինելու, այլ հիբրիդ, բայց արտաքնապես շատ նման է լինելու այն մամոնտներին, որոնք ժամանակին ապրում էին Սիբիրում։«Ի՞նչ եմ արել, որ տաք սուրճ էլչեք տալիս. ընդամենը 77 մարդու եմ սպանել»Բնականաբար, ցրտին դիմանալու համար պիտի լիովին պատված լինի խիտ բրդով, մաշկի տակ էլ պետք է սալի բավական հաստ շերտ ունենա։ Ստույգ հայտնի է միայն այդքանը։ Մնացածը ենթադրությունների ոլորտից է։Ինչևէ, երբ «Քոլոսալ» ընկերության ներկայացուցիչներին տրամաբանական հարց են տալիս՝ ինչո՞ւ եք որոշել հատկապես մամոնտին երկրորդ կյանք պարգևել, ախր հենց հիմա Երկրի վրա կան հարյուրավոր վերացող տեսակներ, նրանք պատասխանում են. «Եթե հաջողվի վերածնել մամոնտին, շատ ավելի հեշտ կլինի անհետացող տեսակների պահպանումը։ Այսինքն, կարելի է ասել՝ հենց մամոնտը կնպաստի մեր մոլորակի վրա կյանքի բազմազանության ապահովմանը։ Մամոնտը կփրկի աշխարհը»։
https://arm.sputniknews.ru/20210915/togheq-togheq-mi-angam-el-sirtaki-paren-hunakan-kghzinerum-33308825.html
https://arm.sputniknews.ru/20210810/chukchanery-kuraxanan-menqelbanana-kajecnenq-global-taqacman-txur-hakapastarknery-28628549.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
հեղինակներ, մամոնտ, 5 րոպե դուլյանի հետ
հեղինակներ, մամոնտ, 5 րոպե դուլյանի հետ
Մամոնտը կփրկի աշխարհը
20:55 16.09.2021 (Թարմացված է: 09:22 17.09.2021) Եկեք անկեղծ լինենք։ Մոտ մեկ քառորդ դար Հայաստանում շարունակվում են վեճերը կլոնավորման շուրջ։ Ոմանք նույնիսկ առաջարկում են կլոնավորման օգնությամբ լուծել մեր ժողովրդագրական բարդ խնդիրները։
Դուք երևի չեք էլ հիշում այն բավական վիճահարույց առաջարկը, որն ընդամենը 4 տարի առաջ պառլամենտում հնչեցրեց պատգամավորներից մեկը։
Մեջբերեմ առանց մեկնաբանության. «Առաջարկում եմ թույլատրել մարդու կլոնավորումը։ Մենք դրել ենք խնդիր, որ կարճ ժամանակ հետո 4 միլիոն հայ ապրի Հայաստանում։ Ես առաջարկում եմ կլոնավորումը թույլ տալ, որ 8 միլիոն մարդ ապրի Հայաստանում», - ասաց խորհրդարանականը։
Տեսնո՞ւմ եք, թե ինչ հեշտությամբ կարելի է լուծել մեր բոլոր խնդիրները։
Թեև մեր մոլորակում, կարծես թե, դեռ կլոնավորված մարդիկ չկան (չնայած` դա էլ վիճահարույց հարց է), ուղիղ 25 տարի առաջ լույս աշխարհ եկավ ամենահայտնի ոչխարը՝ կլոնավորված Դոլլին, որն ապրեց 6,5 տարի, ունեցավ 6 ձագ, հիվանդացավ ու կյանքին հրաժեշտ տվեց 2003 թվականին։
15 սեպտեմբերի 2021, 21:13
Հիմա որոշ գիտնականներ հաստատ պնդում են՝ առաջիկա 2-3 տարում առաջատար գիտական կենտրոններից մեկի բակում մենք կտեսնենք առաջին արհեստական մամոնտին։
Ճիշտ է, շատերը թերահավատ են՝ նախ, խիստ կասկածում են, որ նման բան ընդհանրապես սկզբունքորեն հնարավոր է՝ կյանք վերադարձնել այն կենդանուն, որն ապրել է մոտ 10 հազար տարի առաջ։ Եվ երկրորդ՝ իսկ բարոյակա՞ն է արդյոք ստեղծել մի էակ, որի վարքագծի մասին գրեթե ոչինչ չգիտենք։
Իրականում էնպես չի, որ ընդհանրապես ոչինչ չգիտենք։ Ա′յ, դինոզավրերի մասին, այո′, մեր պատկերացումները շատ ու շատ աղոտ են։ Այնքան ակնհայտ ստեր ենք լսել դրանց մասին։
Հիշում եմ, թե դպրոցական տարիներին ինչպես էինք հռհռում, երբ հերթական անգամ նայում էինք «Մեր դարաշրջանից միլիոն տարի առաջ» ֆիլմը։ Ցույց էին տալիս, թե ինչպես է նախնադարյան մարդը մենամարտի բռնվում դինոզավրերի հետ։ Մենք հո լավ գիտեինք, որ նման բան պարզապես չի կարող պատահել, որովհետև դինոզավրերը ապրել են մի քանի միլիոն տարի առաջ, երբ մարդու մասին խոսք անգամ չէր կարող լինել։
Ա′յ, մամոնտը լրիվ ուրիշ է։ Դրանք սիբիրյան անծայրածիր տունդրայում շրջում էին ընդամենը մի 10 հազար տարի առաջ, երբ ներկա Հայաստանի տարածքում արդեն ձևավորվել էր բանական մարդը՝ homo sapiens–ը, որը նետ ու աղեղ էր պատրաստում, զբաղվում էր ձկնորսությամբ, քարայրների պատերն էլ յուրօրինակ պատկերասրահ էր դարձնում։
Այսինքն, եթե ոչ մեր տարածաշրջանի, ապա առնվազն հյուսիսային որոշ շրջանների բնակիչները ոչ միայն տեսել են մամոնտին, այլև համատեղ ուժերով կազմակերպել են նրա որսը։ Որոշ մասնագետներ պնդում են, թե հենց մարդն էլ ժամանակին վերացրել է մամոնտներին, բայց սրա շուրջ անվերջ կարելի է վիճել։ Փաստն այն է, որ հիմա մարդը ցանկանում է վերածնել մամոնտին։
Ամերիկացի գիտնականների և ձեռնարկատերերի խումբը, որը ստեղծել է «Քոլոսալ» ընկերությունը, հայտարարել է, որ մտադիր է կյանք վերադարձնել, այսպես կոչված, բրդոտ մամոնտներին։ Ինչպե՞ս։
Օգտագործելով սառած վիճակում մի քանի հազար տարի ձյան տակ մնացած մամոնտների ԴՆԹ-ն և ներկայում ապրող ասիական փղերի գենոմը։ Այսինքն, իրականում վերականգնված մամոնտը ոչ թե մաքուր մամոնտ է լինելու, այլ հիբրիդ, բայց արտաքնապես շատ նման է լինելու այն մամոնտներին, որոնք ժամանակին ապրում էին Սիբիրում։
Բնականաբար, ցրտին դիմանալու համար պիտի լիովին պատված լինի խիտ բրդով, մաշկի տակ էլ պետք է սալի բավական հաստ շերտ ունենա։ Ստույգ հայտնի է միայն այդքանը։ Մնացածը ենթադրությունների ոլորտից է։
Ինչևէ, երբ «Քոլոսալ» ընկերության ներկայացուցիչներին տրամաբանական հարց են տալիս՝ ինչո՞ւ եք որոշել հատկապես մամոնտին երկրորդ կյանք պարգևել, ախր հենց հիմա Երկրի վրա կան հարյուրավոր վերացող տեսակներ, նրանք պատասխանում են. «Եթե հաջողվի վերածնել մամոնտին, շատ ավելի հեշտ կլինի անհետացող տեսակների պահպանումը։ Այսինքն, կարելի է ասել՝ հենց մամոնտը կնպաստի մեր մոլորակի վրա կյանքի բազմազանության ապահովմանը։ Մամոնտը կփրկի աշխարհը»։
