https://arm.sputniknews.ru/20210912/vanadzori-makarunneri-taguhin-kam-inchpes-hay-tatik-hajoxak-hrushakagorc-darcav-28965993.html
Վանաձորի մակարունների թագուհին, կամ ինչպես հայ տատիկը հաջողակ հրուշակագործ դարձավ
Վանաձորի մակարունների թագուհին, կամ ինչպես հայ տատիկը հաջողակ հրուշակագործ դարձավ
Sputnik Արմենիա
Շամամ Խաչատրյանի հաջողության պատմությունը Հայաստանում կարող է խթան հանդիսանալ բազմաթիվ կանանց համար։ Նա կարողացավ սովորական տնային տնտեսուհուց հաջողակ բիզնես... 12.09.2021, Sputnik Արմենիա
2021-09-12T09:28+0400
2021-09-12T09:28+0400
2021-09-13T10:35+0400
հեղինակներ
վանաձոր
հրուշակեղեն
գործարար
տատիկ
https://cdn.am.sputniknews.ru/img/07e5/09/0a/28964978_0:79:1600:980_1920x0_80_0_0_622b825d260c3d3d6df0b5f5013fe11e.jpg
Հայկական ռոքի մայրաքաղաք համարվող Վանաձոր քաղաքի կենտրոնից քիչ հեռու՝ քաղաքային այգու մերձակայքում արդեն մեկ շաբաթից ավելի է, ինչ հրուշակարան է հայտնվել։ Վանիլի և նուշի բույրը ներս է կանչում, իսկ այստեղից արդեն դժվար է հեռանալ առանց թղթե տոպրակի մեջ փաթաթված կամ տուփի մեջ դրված հրուշակեղեն գնելու։Մակարունի փաթեթներ
Հրուշակագործ Շամամ Խաչատրյանը մեծ հաճույքով յուրաքանչյուր հաճախորդի պատմում է նուշի ալյուրից իր իսկ տեխնոլոգիայով պատրաստված ֆիրմային կրուասանների, զեֆիրի և մակարունների (ֆրանսիական հրուշակեղեն) մասին։ Նա կատակում է, թե աշխարհում մակարուններ պատրաստելու 4 տեսակ կա. ֆրանսիական, իտալական, շվեյցարական և վանաձորյան։«Ինձ շատ է ուրախացնում, որ Վանաձորում նոր մոդա է հայտնվել` ծաղիկների հետ մակարուն են նվիրում։ Առանձնահատուկ զգացողություն է ստեղծագործելն ու ուրախություն պարգևելը այն մարդկանց, որոնք քեզ համար թանկ են», – պատմում է նա։Նրա պատմությունը սկսել է թոռներին ուրախություն պարգևելու «տատիկական» սովորական ցանկությունից։ Մի օր, սոցցանցերում կարդալով մակարունի պատրաստման դասընթացների մասին հայտարարությունը, որոշել է անցնել դրանք, քանի որ թոռները շատ են սիրում այդ թխվածքաբլիթները։ Դասընթացներն ավարտելուց հետո երկար պրակտիկա էր ձեռք բերում և հյուրասիրում բոլորին։ Մեծ պատվեր կատարած առաջին հաճախորդն իր քույրն է եղել, որը մի փոքր խորամանկել է և իրեն երազանքի «ուղեգիր տվել»։Շամամ Խաչատրյան
«Քույրս ասաց, որ իր ընկերներից մեծ պատվեր ունեմ։ Ես մեծ հաճույքով ու պատասխանատվությամբ պատրաստեցի մակարուններն ու հասկացա, որ ժամանակն է սեփական բիզնես սկսել»,– պատմեց հրուշակագործը։Շամամը երկու տարի տանն էր պատվերներ ընդունում։ Սակայն որոշեց հիմնովին մոտենալ հարցին և սկսեց հաճախել AGBU–ի կազմակերպած կին ձեռներեցների ծրագրին։ Դժվար էր ամուսնուն համոզել, որ երեք ամսով Երևան թողնի, բայց կարողացավ։ Նա մայրաքաղաքից վերադարձավ նոր գիտելիքների պաշարով։ Խմբում տարիքով ամենամեծն էր և ստիպված էր ոչ միայն բրենդինգի և մարքեթինգի հմտություններ ձեռք բերել, այլև տարրական համակարգչային ծրագրեր սովորել։ Համակուրսեցիներն օգնում էին, իսկ ինքը մոտիվացնում էր նրանց և մակարուն հյուրասիրում։ Դասընթացի ավարտից հետո Շամամը դրամաշնորհ ստացավ կազմակերպիչներից և ձեռք բերեց անհրաժեշտ սարքավորումները։Շամամ Խաչատրյանի հրուշակեղենը
«Սիրում եմ ֆրանսիական հրուշակեղենը։ Ուզում եմ, որ վանաձորցիները ծանոթ լինեն այդ մշակույթին և անում եմ ամեն ինչ, որպեսզի արտադրությունը սրճարանի վերաճի, ուր կկարողանան գալ քաղաքի բնակիչներն ու ամեն անգամ մի նոր ու հետաքրքիր բան համտեսել», – ասաց նա։Հրուշակագործը խոստովանեց, որ բացառապես բնական հայկական բաղադրիչներ է օգտագործում։ Նա նույնիսկ հայկական արտադրության նուշի ալյուր է հաջողացրել գտնել, որը ամերիկյանին ոչնչով չի զիջում։ Դա գնահատել են նաև հաճախորդները. պատվերներ է ստանում ոչ միայն հայկական տարբեր քաղաքներից։ Եղել է, որ անգլիացի հաճախորդը արտերկրից խնդրել է, որ թխվածքները Վանաձորից Երևան ուղարկեն։Շամամ Խաչատրյան
Շամամը չի թաքցնում, որ երազում է Վանաձորը դարձնել մակարունների հայկական մայրաքաղաք, թեև այսօր քաղաքն ավելի շատ հայտնի է ռոք կատարողներով։«Վանաձորցիները Գյումրի են գնում, հայտնի սրճարանում կրուասան համտեսելու համար (այնտեղ աուտիզմ ունեցող մարդիկ են աշխատում – խմբ.), ուզում եմ, որ Գյումրիից ևս մեզ մոտ գան` մեր մակարունների հետևից»,– ասում է նա։Շամամ Խաչատրյանի հրուշակեղենի խանութում
Սակայն կրուասանների մասով կինը համեստություն է անում, քանի որ անձամբ է անհրաժեշտ դասընթացներն անցել և սովորել թխել դրանք ամենատարբեր միջուկներով` շոկոլադից մինչև պանրային և հավով։ Կրուասանի վերջին տեսակը նա հատուկ տղամարդկանց համար է հորինել։ Նրանք հաճախ մտնում ու խնդրում են շատ համեղ, բայց ոչ քաղցր մի բան առաջարկել։ Նրա ամենախիստ քննադատը որդին է։ Նա անկեղծ ասում է մորը բոլոր թերությունները, Շամամն էլ ուղղում է դրանք` ամեն անգամ նոր գնահատականի սպասելով։Շամամ Խաչատրյանի հրուշակեղենը
– Ո՞րն է ձեր հաջողության գաղտնիքը։– Յուրաքանչյուր մակարունի մեջ հոգի ու սիրտ եմ դնում։ Երևի` դա։– Դժվար չէ՞ 50+ տարիքում բիզնես զարգացնել։– Ոչ, հաճույք է սիրելի գործով զբաղվելը։ Շատ եմ խղճում այն կանանց, որոնց կյանքն իրենց կողքով է անցնում։– Ի՞նչ խորհուրդ կտայիք նրանց։Շամամ Խաչատրյանի հրուշակարանը
– Չվախենալ ձերբազատվել կենցաղային առօրյայից և գտնել այն, ինչն իրենց կոգեշնչի։P.S. Վաճառասեղանի առաջին դարակաշարին ժելեով պատրաստված աղանդեր նկատեցինք։ Դրանք պատրաստում է Վանաձորի 31-ամյա բնակիչ Վարդ Խաչատրյանը։ Նրանք Շամամի հետ միասին հաճախել են սկսնակ գործարար կանանց դասընթացներին։ Վարդին չի հաջողվել դրամաշնորհ ստանալ բիզնեսի զարգացման համար, սակայն Շամամը նրան իր վաճառասեղանին տեղ է հատկացրել, որպեսզի նա կարողանա իրացնել իր արտադրանքը։
վանաձոր
Sputnik Արմենիա
media@sputniknews.com
+74956456601
MIA „Rossiya Segodnya“
2021
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
հեղինակներ, վանաձոր, հրուշակեղեն, գործարար, տատիկ
հեղինակներ, վանաձոր, հրուշակեղեն, գործարար, տատիկ
Վանաձորի մակարունների թագուհին, կամ ինչպես հայ տատիկը հաջողակ հրուշակագործ դարձավ
09:28 12.09.2021 (Թարմացված է: 10:35 13.09.2021) Շամամ Խաչատրյանի հաջողության պատմությունը Հայաստանում կարող է խթան հանդիսանալ բազմաթիվ կանանց համար։ Նա կարողացավ սովորական տնային տնտեսուհուց հաջողակ բիզնես լեդի դառնալ։
Հայկական ռոքի մայրաքաղաք համարվող Վանաձոր քաղաքի կենտրոնից քիչ հեռու՝ քաղաքային այգու մերձակայքում արդեն մեկ շաբաթից ավելի է, ինչ հրուշակարան է հայտնվել։ Վանիլի և նուշի բույրը ներս է կանչում, իսկ այստեղից արդեն դժվար է հեռանալ առանց թղթե տոպրակի մեջ փաթաթված կամ տուփի մեջ դրված հրուշակեղեն գնելու։
Հրուշակագործ Շամամ Խաչատրյանը մեծ հաճույքով յուրաքանչյուր հաճախորդի պատմում է նուշի ալյուրից իր իսկ տեխնոլոգիայով պատրաստված ֆիրմային կրուասանների, զեֆիրի և մակարունների (ֆրանսիական հրուշակեղեն) մասին։ Նա կատակում է, թե աշխարհում մակարուններ պատրաստելու 4 տեսակ կա. ֆրանսիական, իտալական, շվեյցարական և վանաձորյան։
«Ինձ շատ է ուրախացնում, որ Վանաձորում նոր մոդա է հայտնվել` ծաղիկների հետ մակարուն են նվիրում։ Առանձնահատուկ զգացողություն է ստեղծագործելն ու ուրախություն պարգևելը այն մարդկանց, որոնք քեզ համար թանկ են», – պատմում է նա։
Նրա պատմությունը սկսել է թոռներին ուրախություն պարգևելու «տատիկական» սովորական ցանկությունից։ Մի օր, սոցցանցերում կարդալով մակարունի պատրաստման դասընթացների մասին հայտարարությունը, որոշել է անցնել դրանք, քանի որ թոռները շատ են սիրում այդ թխվածքաբլիթները։ Դասընթացներն ավարտելուց հետո երկար պրակտիկա էր ձեռք բերում և հյուրասիրում բոլորին։ Մեծ պատվեր կատարած առաջին հաճախորդն իր քույրն է եղել, որը մի փոքր խորամանկել է և իրեն երազանքի «ուղեգիր տվել»։
«Քույրս ասաց, որ իր ընկերներից մեծ պատվեր ունեմ։ Ես մեծ հաճույքով ու պատասխանատվությամբ պատրաստեցի մակարուններն ու հասկացա, որ ժամանակն է սեփական բիզնես սկսել»,– պատմեց հրուշակագործը։
Շամամը երկու տարի տանն էր պատվերներ ընդունում։ Սակայն որոշեց հիմնովին մոտենալ հարցին և սկսեց հաճախել AGBU–ի կազմակերպած կին ձեռներեցների ծրագրին։ Դժվար էր ամուսնուն համոզել, որ երեք ամսով Երևան թողնի, բայց կարողացավ։ Նա մայրաքաղաքից վերադարձավ նոր գիտելիքների պաշարով։ Խմբում տարիքով ամենամեծն էր և ստիպված էր ոչ միայն բրենդինգի և մարքեթինգի հմտություններ ձեռք բերել, այլև տարրական համակարգչային ծրագրեր սովորել։ Համակուրսեցիներն օգնում էին, իսկ ինքը մոտիվացնում էր նրանց և մակարուն հյուրասիրում։ Դասընթացի ավարտից հետո Շամամը դրամաշնորհ ստացավ կազմակերպիչներից և ձեռք բերեց անհրաժեշտ սարքավորումները։
Շամամ Խաչատրյանի հրուշակեղենը
«Սիրում եմ ֆրանսիական հրուշակեղենը։ Ուզում եմ, որ վանաձորցիները ծանոթ լինեն այդ մշակույթին և անում եմ ամեն ինչ, որպեսզի արտադրությունը սրճարանի վերաճի, ուր կկարողանան գալ քաղաքի բնակիչներն ու ամեն անգամ մի նոր ու հետաքրքիր բան համտեսել», – ասաց նա։
Հրուշակագործը խոստովանեց, որ բացառապես բնական հայկական բաղադրիչներ է օգտագործում։ Նա նույնիսկ հայկական արտադրության նուշի ալյուր է հաջողացրել գտնել, որը ամերիկյանին ոչնչով չի զիջում։ Դա գնահատել են նաև հաճախորդները. պատվերներ է ստանում ոչ միայն հայկական տարբեր քաղաքներից։ Եղել է, որ անգլիացի հաճախորդը արտերկրից խնդրել է, որ թխվածքները Վանաձորից Երևան ուղարկեն։
Շամամը չի թաքցնում, որ երազում է Վանաձորը դարձնել մակարունների հայկական մայրաքաղաք, թեև այսօր քաղաքն ավելի շատ հայտնի է ռոք կատարողներով։
«Վանաձորցիները Գյումրի են գնում, հայտնի սրճարանում կրուասան համտեսելու համար (այնտեղ աուտիզմ ունեցող մարդիկ են աշխատում – խմբ.), ուզում եմ, որ Գյումրիից ևս մեզ մոտ գան` մեր մակարունների հետևից»,– ասում է նա։
Շամամ Խաչատրյանի հրուշակեղենի խանութում
Սակայն կրուասանների մասով կինը համեստություն է անում, քանի որ անձամբ է անհրաժեշտ դասընթացներն անցել և սովորել թխել դրանք ամենատարբեր միջուկներով` շոկոլադից մինչև պանրային և հավով։ Կրուասանի վերջին տեսակը նա հատուկ տղամարդկանց համար է հորինել։ Նրանք հաճախ մտնում ու խնդրում են շատ համեղ, բայց ոչ քաղցր մի բան առաջարկել։ Նրա ամենախիստ քննադատը որդին է։ Նա անկեղծ ասում է մորը բոլոր թերությունները, Շամամն էլ ուղղում է դրանք` ամեն անգամ նոր գնահատականի սպասելով։
Շամամ Խաչատրյանի հրուշակեղենը
– Ո՞րն է ձեր հաջողության գաղտնիքը։
– Յուրաքանչյուր մակարունի մեջ հոգի ու սիրտ եմ դնում։ Երևի` դա։
– Դժվար չէ՞ 50+ տարիքում բիզնես զարգացնել։
– Ոչ, հաճույք է սիրելի գործով զբաղվելը։ Շատ եմ խղճում այն կանանց, որոնց կյանքն իրենց կողքով է անցնում։
– Ի՞նչ խորհուրդ կտայիք նրանց։
Շամամ Խաչատրյանի հրուշակարանը
– Չվախենալ ձերբազատվել կենցաղային առօրյայից և գտնել այն, ինչն իրենց կոգեշնչի։
P.S. Վաճառասեղանի առաջին դարակաշարին ժելեով պատրաստված աղանդեր նկատեցինք։ Դրանք պատրաստում է Վանաձորի 31-ամյա բնակիչ Վարդ Խաչատրյանը։ Նրանք Շամամի հետ միասին հաճախել են սկսնակ գործարար կանանց դասընթացներին։ Վարդին չի հաջողվել դրամաշնորհ ստանալ բիզնեսի զարգացման համար, սակայն Շամամը նրան իր վաճառասեղանին տեղ է հատկացրել, որպեսզի նա կարողանա իրացնել իր արտադրանքը։
