https://arm.sputniknews.ru/20210906/azgayin-joxovum-petakan-anvtangutyan-tsarayutyan-ashxatakicneri-tiv-petakan-gaxtniq-e-28909766.html
Ազգային ժողովում պետական անվտանգության ծառայության աշխատակիցների թիվը պետական գաղտնիք է
Ազգային ժողովում պետական անվտանգության ծառայության աշխատակիցների թիվը պետական գաղտնիք է
Sputnik Արմենիա
Վերջերս ակտիվորեն քննարկվում էր պետական անվտանգության ծառայության աշխատակիցների թիվը, քանի որ նրանք հաճախակի էին հայտնվում խորհրդարանի նիստերի դահլիճում: 06.09.2021, Sputnik Արմենիա
2021-09-06T20:12+0400
2021-09-06T20:12+0400
2021-09-06T20:22+0400
հայաստան
հասարակություն
խորհրդարան
հհ ազգային անվտանգության ծառայություն. աած
https://cdn.am.sputniknews.ru/img/07e5/08/19/28775432_0:0:1600:906_1920x0_80_0_0_85a05bbe3461aa02eb2fbb5cfaaac568.jpg
ԵՐԵՎԱՆ, 6 սեպտեմբերի - Sputnik. Հայաստանի խորհրդարանի և Ազգային անվտանգության ծառայության աշխատակիցները հրաժարվում են տեղեկատվություն տրամադրել Ազգային ժողովի անվտանգության աշխատակիցների թվի վերաբերյալ:Պետական անվտանգության ծառայության աշխատակիցների գործունեությունը բուռն քննարկվում է հայ հասարակության մեջ այն բանից հետո, երբ նրանք խորհրդարանում սկսեցին զինվորական համազգեստ կրել և հաճախակի կարգի հրավիրել ծեծկռտուքների մեջ մտած պատգամավորներին: Որոշ նախկին պաշտոնյաներ, ինչպես նաև ընդդիմության ներկայացուցիչներ նշում են, որ պետական անվտանգության ծառայության աշխատակիցների թիվը չափից դուրս մեծ է։Sputnik Արմենիան գրավոր հարցումներ ուղարկեց ԱԺ-ին և ԱԱԾ-ին՝ խնդրելով հստակեցնել, թե արդյոք ավելացվել է անվտանգության աշխատակիցների թիվը, և եթե այո, ապա որքան, ինչպես նաև ասել, թե որքան լրացուցիչ միջոցներ են հատկացվել անվտանգության միջոցառումների համար, և արդյոք դա ֆինանսավորվել է բյուջեից:Հրահանգել եմ` ոչ մեկին չքաշքշեն, առավել ևս` զուգարանում. Փաշինյանը` ԱԺ–ի ծեծկռտուքի մասինԽորհրդարանի աշխատակիցները պատասխանեցին, որ Ազգային ժողովի տարածքում և շենքի ներսում անվտանգությունն ապահովում է Ազգային անվտանգության ծառայության պետական անվտանգության ծառայությունը:«Աշխատակազմը չի տնօրինում պետական պահպանության ծառայության աշխատակիցների թվի, վարձատրության, ինչպես նաև ձեռնարկված վերաբերյալ տեղեկատվություն»,- նշվում է Ազգային ժողովի պատասխանում:ԱԱԾ-ն էլ պատասխանեց, որ «Հատուկ պետական պաշտպանության ենթակա անձանց անվտանգության ապահովման մասին» օրենքի 3 -րդ հոդվածի համաձայն`պետական պահպանությունն իրականացվում է բացահայտ և գաղտնի մեթոդների և միջոցների կիրառման համակցությամբ, և մեր պահանջած տեղեկությունները, համաձայն օրենքի, ընդգրկված են «գաղտնագրման ենթակա տեղեկությունների հաստատված ցանկում»։«Ելնելով վերոգրյալից և հաշվի առնելով «Տեղեկատվության ազատության մասին» օրենքի 8-րդ հոդվածը ՝ ներկայացված հարցերի շուրջ տեղեկատվություն տրամադրել հնարավոր չէ»,- նշված է ԱԱԾ-ի պատասխանի մեջ։Միաժամանակ, ԱԱԾ-ից նշել են, որ պետական անվտանգության ծառայության ֆինանսավորումը կատարվում է բյուջեի և երկրի օրենսդրությամբ նախատեսված այլ միջոցների հաշվին:Նշենք, որ ութերորդ գումարման խորհրդարանում գործում են անվտանգության խիստ միջոցառումներ: Հանդիպումների սենյակի մուտքի դիմաց տեղադրված են մետաղորսիչներ, լրագրողները կարող են աշխատել միայն որոշակի վայրերում, այժմ էլ խոսակցություններ կան, որ պատգամավորներին թույլ չեն տա բջջային հեռախոսներով մտնել նիստերի դահլիճ:
https://arm.sputniknews.ru/20210826/gexam-nazaryan-hivandanoc-aroxjakan-vicak-28786411.html
https://arm.sputniknews.ru/20210824/aj-um-tseckrtuqi-jamanak-patrvec-artsvik-minasyani-vernashapiky-28766186.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հասարակություն , խորհրդարան, հհ ազգային անվտանգության ծառայություն. աած
հայաստան, հասարակություն , խորհրդարան, հհ ազգային անվտանգության ծառայություն. աած
Ազգային ժողովում պետական անվտանգության ծառայության աշխատակիցների թիվը պետական գաղտնիք է
20:12 06.09.2021 (Թարմացված է: 20:22 06.09.2021) Վերջերս ակտիվորեն քննարկվում էր պետական անվտանգության ծառայության աշխատակիցների թիվը, քանի որ նրանք հաճախակի էին հայտնվում խորհրդարանի նիստերի դահլիճում:
ԵՐԵՎԱՆ, 6 սեպտեմբերի - Sputnik. Հայաստանի խորհրդարանի և Ազգային անվտանգության ծառայության աշխատակիցները հրաժարվում են տեղեկատվություն տրամադրել Ազգային ժողովի անվտանգության աշխատակիցների թվի վերաբերյալ:
Պետական անվտանգության ծառայության աշխատակիցների գործունեությունը բուռն քննարկվում է հայ հասարակության մեջ այն բանից հետո, երբ նրանք խորհրդարանում սկսեցին զինվորական համազգեստ կրել և հաճախակի կարգի հրավիրել ծեծկռտուքների մեջ մտած պատգամավորներին: Որոշ նախկին պաշտոնյաներ, ինչպես նաև ընդդիմության ներկայացուցիչներ նշում են, որ պետական անվտանգության ծառայության աշխատակիցների թիվը չափից դուրս մեծ է։
Sputnik Արմենիան գրավոր հարցումներ ուղարկեց ԱԺ-ին և ԱԱԾ-ին՝ խնդրելով հստակեցնել, թե արդյոք ավելացվել է անվտանգության աշխատակիցների թիվը, և եթե այո, ապա որքան, ինչպես նաև ասել, թե որքան լրացուցիչ միջոցներ են հատկացվել անվտանգության միջոցառումների համար, և արդյոք դա ֆինանսավորվել է բյուջեից:
Խորհրդարանի աշխատակիցները պատասխանեցին, որ Ազգային ժողովի տարածքում և շենքի ներսում անվտանգությունն ապահովում է Ազգային անվտանգության ծառայության պետական անվտանգության ծառայությունը:
«Աշխատակազմը չի տնօրինում պետական պահպանության ծառայության աշխատակիցների թվի, վարձատրության, ինչպես նաև ձեռնարկված վերաբերյալ տեղեկատվություն»,- նշվում է Ազգային ժողովի պատասխանում:
ԱԱԾ-ն էլ պատասխանեց, որ «Հատուկ պետական պաշտպանության ենթակա անձանց անվտանգության ապահովման մասին» օրենքի 3 -րդ հոդվածի համաձայն`պետական պահպանությունն իրականացվում է բացահայտ և գաղտնի մեթոդների և միջոցների կիրառման համակցությամբ, և մեր պահանջած տեղեկությունները, համաձայն օրենքի, ընդգրկված են «գաղտնագրման ենթակա տեղեկությունների հաստատված ցանկում»։
«Ելնելով վերոգրյալից և հաշվի առնելով «Տեղեկատվության ազատության մասին» օրենքի 8-րդ հոդվածը ՝ ներկայացված հարցերի շուրջ տեղեկատվություն տրամադրել հնարավոր չէ»,- նշված է ԱԱԾ-ի պատասխանի մեջ։
Միաժամանակ, ԱԱԾ-ից նշել են, որ պետական անվտանգության ծառայության ֆինանսավորումը կատարվում է բյուջեի և երկրի օրենսդրությամբ նախատեսված այլ միջոցների հաշվին:
Նշենք, որ ութերորդ գումարման խորհրդարանում գործում են անվտանգության խիստ միջոցառումներ: Հանդիպումների սենյակի մուտքի դիմաց տեղադրված են մետաղորսիչներ, լրագրողները կարող են աշխատել միայն որոշակի վայրերում, այժմ էլ խոսակցություններ կան, որ պատգամավորներին թույլ չեն տա բջջային հեռախոսներով մտնել նիստերի դահլիճ:
