https://arm.sputniknews.ru/20210828/hima-es-el-em-esummayka-sumka-28815502.html
Հիմա ես էլ եմ ասում «մայկա», «սումկա». ի՞նչ են պատմում «իԳործ» ծրագրի մասնակիցները
Հիմա ես էլ եմ ասում «մայկա», «սումկա». ի՞նչ են պատմում «իԳործ» ծրագրի մասնակիցները
Sputnik Արմենիա
«իԳործ» ծրագրի մասնակիցների ուղիղ կեսը որոշել են հաստատվել հայրենիքում։ Նրանցից երկուսը Sputnik Արմենիային պատմել են իրենց պատմությունը։ 28.08.2021, Sputnik Արմենիա
2021-08-28T21:04+0400
2021-08-28T21:04+0400
2021-08-28T21:04+0400
հայաստան
«իգործ» ծրագիր
սփյուռք
https://cdn.am.sputniknews.ru/img/07e5/08/1c/28815377_0:0:1000:566_1920x0_80_0_0_921faed7a17144bc636665df91284936.jpg
ԵՐԵՎԱՆ, 28 օգոստոսի – Sputnik. Տարբեր երկրների հայ համայնքներից տասնինը մասնագետներ արդեն մեկ տարի է, ինչ աշխատում են Հայաստանի կառավարությունում՝ սփյուռքի հարցերով լիազոր ներկայացուցչի գրասենյակի «իԳործ 2021» ծրագրի շրջանակներում: Այս ամբողջ ընթացքում նրանք կիսվել են փորձով և օգնել բարելավելու տարբեր պետական հաստատությունների աշխատանքը։ Ծրագիրը գրեթե ավարտված է, սակայն ծրագրի մասնակիցներից շատերն աշխատանքային նոր առաջարկներ են ստացել և որոշել են հաստատվել հայրենիքում:Լիբանանահայ Թամար Քուշքեյրյանը Sputnik Արմենիային պատմեց, որ ծրագրի շրջանակներում սկսել է աշխատել աշխատանքի և սոցիալական հարցերի նախարարությունում: Ծրագրի մասին նա իմացել է սոցիալական ցանցերի միջոցով և այն հայրենադարձության հնարավորություն համարել։ Ամուսինն ու դուստրը աջակցել են նրա գաղափարին, և բոլորը միասին Հայաստան են տեղափոխվել անցյալ տարվա աշնանը։Թամարի ընտանիքն ապրում է Կոտայքի մարզի Քասախ գյուղում։ Ամուսինն արդեն իր գործն է սկսել, իսկ դուստրը լիովին հարմարվել է և նոր ընկերներ գտել։ Կինը խոստովանեց, որ դստեր համար Հայաստանն ավելի հարմարավետ է, քանի որ Հայաստանում ավելի ապահով է, և աղջիկը միայնակ կարող է գնալ Երևան, տարբեր խմբակներ հաճախել և հանդիպել ընկերների հետ: Թամարն ինքը ծրագրի ավարտից հետո դպրոցում հոգեբան է աշխատելու։Ոչ միայն կենացով. սփյուռքահայ տնտեսագետն ուզում է Հայաստանում կառավարման նոր մոդել ներդնել«Ծրագրին մասնակցելն իմ կյանքի լավագույն որոշումներից էր, ես նոր փորձ ստացա, իմ գիտելիքներով կիսվեցի՝ հօգուտ մեր երկրի, և ամենակարևորը՝ իրականացրի իմ նվիրական երազանքը․ ապրում եմ հայրենի հողում»,-նշեց նա։Իսկ Հայկ Մարգարյանը ոչ միայն ինքն է հայրենիք տեղափոխվել Ռուսաստանից, այլև օրինակ է դարձել եղբոր համար։ Հայկը մեծացել է Ռուսաստանում։ Երկար ժամանակ ապրել է Կանադայում, ապա կրկին տեղափոխվել է Մոսկվա։ Մի անգամ եղբայրը նրան ուղարկել է «իԳործ» ծրագրի հղումը, և այն հետաքրքրել է նրան:Հայկ Մարգարյան
Հաշվի առնելով Հայկի հարուստ փորձը (ներդրումային ոլորտում) Կանադայում, ԱՄՆ-ում և Ռուսաստանում, նա միանգամից չորս առաջարկ է ստացել և աշխատանքի համար ընտրել է էկոնոմիկայի նախարարությանը, որտեղ աշխատել է վեց ամիս։ Այնուհետև թիմի հետ միասին նախարարին առաջարկել է վերակազամավորել Նորամուծության և ձեռներեցության ազգային կենտրոնը և օգնել պետությանը ներդրումներ ներգրավել, ինչպես նաև համագործակցել մասնավոր հատվածի հետ։ Առաջարկը հավանության է արժանացել, իսկ Հայկը դարձել է կենտրոնի ղեկավար։«ՄԵնք կենցաղային դժվարություններ չենք ունեցել, բայց էմոցիոնալ առումով շատ բարդ էր, քանի որ մեր գալուց հետո սկսվեց պատերազմը և ապրումները շատ էին։ Բայց աստիճանաբար մենք գիտակցեցինք, թե որքան ճիշտ ենք վարվել»,-պատմեց նա։Հայկի հետ Հայաստան են եկել նաև նրա կինը և երկու երեխաները։ Նրանք ապրում են Երևանում և ոչ մի վայրկյան չեն զղջացել տեղափոխվելու համար։ Ավելին, վերջերս հայրենիք է տեղափոխվել նաև նրա եղբայրը՝ ընտանիքի հետ միասին։ Մարգարյան եղբայրները կարծում են, որ երկրի համար բարդ ժամանակաշրջանում պետք է օգնեն նրան և իրենց լուման ներդնեն նրա զարգացման գործում։«Ի գործ». Նիկոլ Փաշինյանն ընդունել է ՀՀ պետկառույցներում աշխատող սփյուռքահայերինՆշենք, որ «իԳործ» ծրագիրն առաջին անգամ գործարկվել է 2020 թ․-ի սեպտեմբերին։ Ծրագրին մասնակցելու համար ընտրված մասնագետները հրավիրվել են պետական կառավարման համակարգում աշխատելու: Ծրագրի շրջանակներում իրենց գործունեությունն ավարտած 44 մասնակիցներից 22-ը որոշել են հաստատվել Հայաստանում։2021թ․-ի ծրագիրը մեկնարկում է սեպտեմբերի 1-ից։ Կատարվում է հայտերի ընտրություն։ Ծրագիրը ֆինանսավորվում է պետության կողմից, և ընտրված մասնակիցները կստանան ավիատոմս (դեպի Հայաստան և հակառակ ուղղությամբ), կեցության նպաստ՝ ամսական 336 հազար դրամի չափով, բժշկական ապահովագրություն և մեկ տարվա կեցության իրավունքի վճար:
https://arm.sputniknews.ru/20210627/8-erkric-100-spyurqahay-pataniner-hayreniqumen-28093397.html
Sputnik Արմենիա
media@sputniknews.com
+74956456601
MIA „Rossiya Segodnya“
2021
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
հայաստան, «իգործ» ծրագիր, սփյուռք
հայաստան, «իգործ» ծրագիր, սփյուռք
Հիմա ես էլ եմ ասում «մայկա», «սումկա». ի՞նչ են պատմում «իԳործ» ծրագրի մասնակիցները
«իԳործ» ծրագրի մասնակիցների ուղիղ կեսը որոշել են հաստատվել հայրենիքում։ Նրանցից երկուսը Sputnik Արմենիային պատմել են իրենց պատմությունը։
ԵՐԵՎԱՆ, 28 օգոստոսի – Sputnik. Տարբեր երկրների հայ համայնքներից տասնինը մասնագետներ արդեն մեկ տարի է, ինչ աշխատում են Հայաստանի կառավարությունում՝ սփյուռքի հարցերով լիազոր ներկայացուցչի գրասենյակի «իԳործ 2021» ծրագրի շրջանակներում: Այս ամբողջ ընթացքում նրանք կիսվել են փորձով և օգնել բարելավելու տարբեր պետական հաստատությունների աշխատանքը։ Ծրագիրը գրեթե ավարտված է, սակայն ծրագրի մասնակիցներից շատերն աշխատանքային նոր առաջարկներ են ստացել և որոշել են հաստատվել հայրենիքում:
Լիբանանահայ Թամար Քուշքեյրյանը
Sputnik Արմենիային պատմեց, որ ծրագրի շրջանակներում սկսել է աշխատել աշխատանքի և սոցիալական հարցերի նախարարությունում: Ծրագրի մասին նա իմացել է սոցիալական ցանցերի միջոցով և այն հայրենադարձության հնարավորություն համարել։ Ամուսինն ու դուստրը աջակցել են նրա գաղափարին, և բոլորը միասին Հայաստան են տեղափոխվել անցյալ տարվա աշնանը։
«Ամբողջ կյանքում երազել եմ Հայաստան տեղափոխվել, բայց միշտ որոշ խնդիրներ ու մտահոգություններ են եղել, որոնք ինձ հետ են պահել։ Մեզ շատ լավ ընդունեցին, գործընկերներս օգնում էին հարմարվել։ Միակ դժվարությունը ռուսերենն էր՝ շատերը ռուսերեն բառեր են գործածում, որոնք մենք չէինք հասկանում։ Բայց հիմա ես էլ եմ ասում «մայկա», «սումկա» և այլն։ Ես էլ նրանց մի քանի արաբերեն բառ եմ սովորեցրել»,-պատմեց նա։
Թամարի ընտանիքն ապրում է Կոտայքի մարզի Քասախ գյուղում։ Ամուսինն արդեն իր գործն է սկսել, իսկ դուստրը լիովին հարմարվել է և նոր ընկերներ գտել։ Կինը խոստովանեց, որ դստեր համար Հայաստանն ավելի հարմարավետ է, քանի որ Հայաստանում ավելի ապահով է, և աղջիկը միայնակ կարող է գնալ Երևան, տարբեր խմբակներ հաճախել և հանդիպել ընկերների հետ: Թամարն ինքը ծրագրի ավարտից հետո դպրոցում հոգեբան է աշխատելու։
«Ծրագրին մասնակցելն իմ կյանքի լավագույն որոշումներից էր, ես նոր փորձ ստացա, իմ գիտելիքներով կիսվեցի՝ հօգուտ մեր երկրի, և ամենակարևորը՝ իրականացրի իմ նվիրական երազանքը․ ապրում եմ հայրենի հողում»,-նշեց նա։
Իսկ Հայկ Մարգարյանը ոչ միայն ինքն է հայրենիք տեղափոխվել Ռուսաստանից, այլև օրինակ է դարձել եղբոր համար։ Հայկը մեծացել է Ռուսաստանում։ Երկար ժամանակ ապրել է Կանադայում, ապա կրկին տեղափոխվել է Մոսկվա։ Մի անգամ եղբայրը նրան ուղարկել է «իԳործ» ծրագրի հղումը, և այն հետաքրքրել է նրան:
Հաշվի առնելով Հայկի հարուստ փորձը (ներդրումային ոլորտում) Կանադայում, ԱՄՆ-ում և Ռուսաստանում, նա միանգամից չորս առաջարկ է ստացել և աշխատանքի համար ընտրել է էկոնոմիկայի նախարարությանը, որտեղ աշխատել է վեց ամիս։ Այնուհետև թիմի հետ միասին նախարարին առաջարկել է վերակազամավորել Նորամուծության և ձեռներեցության ազգային կենտրոնը և օգնել պետությանը ներդրումներ ներգրավել, ինչպես նաև համագործակցել մասնավոր հատվածի հետ։ Առաջարկը հավանության է արժանացել, իսկ Հայկը դարձել է կենտրոնի ղեկավար։
«ՄԵնք կենցաղային դժվարություններ չենք ունեցել, բայց էմոցիոնալ առումով շատ բարդ էր, քանի որ մեր գալուց հետո սկսվեց պատերազմը և ապրումները շատ էին։ Բայց աստիճանաբար մենք գիտակցեցինք, թե որքան ճիշտ ենք վարվել»,-պատմեց նա։
Հայկի հետ Հայաստան են եկել նաև նրա կինը և երկու երեխաները։ Նրանք ապրում են Երևանում և ոչ մի վայրկյան չեն զղջացել տեղափոխվելու համար։ Ավելին, վերջերս հայրենիք է տեղափոխվել նաև նրա եղբայրը՝ ընտանիքի հետ միասին։ Մարգարյան եղբայրները կարծում են, որ երկրի համար բարդ ժամանակաշրջանում պետք է օգնեն նրան և իրենց լուման ներդնեն նրա զարգացման գործում։
Նշենք, որ «իԳործ» ծրագիրն առաջին անգամ գործարկվել է 2020 թ․-ի սեպտեմբերին։ Ծրագրին մասնակցելու համար ընտրված մասնագետները հրավիրվել են պետական կառավարման համակարգում աշխատելու: Ծրագրի շրջանակներում իրենց գործունեությունն ավարտած 44 մասնակիցներից 22-ը որոշել են հաստատվել
Հայաստանում։
2021թ․-ի ծրագիրը մեկնարկում է սեպտեմբերի 1-ից։ Կատարվում է հայտերի ընտրություն։ Ծրագիրը ֆինանսավորվում է պետության կողմից, և ընտրված մասնակիցները կստանան ավիատոմս (դեպի Հայաստան և հակառակ ուղղությամբ), կեցության նպաստ՝ ամսական 336 հազար դրամի չափով, բժշկական ապահովագրություն և մեկ տարվա կեցության իրավունքի վճար:
