https://arm.sputniknews.ru/20210827/mexadranq-sisyany-hamaynqapeti-exbory-knqahory-5-ashxatakci-28806045.html

Մեղադրանք է առաջադրվել Սիսիանի նախկին համայնքապետի եղբորը, կնքահորը և համայնքի 5 աշխատողի

Մեղադրանք է առաջադրվել Սիսիանի նախկին համայնքապետի եղբորը, կնքահորը և համայնքի 5 աշխատողի

Sputnik Արմենիա

7 մեղադրյալների մասով նախաքննությունն ավարտվել է, քրեական գործը՝ մեղադրական եզրակացությամբ, ուղարկվել դատարան։ 27.08.2021, Sputnik Արմենիա

2021-08-27T18:27+0400

2021-08-27T18:27+0400

2021-08-27T19:32+0400

հասարակություն

հայաստան

սիսիան

համայնքի ղեկավար

մեղադրանք

քննչական կոմիտե

https://cdn.am.sputniknews.ru/img/07e5/03/14/26870227_0:83:1600:983_1920x0_80_0_0_9bffda857dbeffedca33f3d75d6ae59d.jpg

ԵՐԵՎԱՆ, 27 օգոստոսի - Sputnik. Սիսիանի համայնքապետարանում տեղի ունեցած չարաշահումների դեպքերով հարուցված քրեական գործը լրացվել է նոր դրվագներով, մեղադրանք է առաջադրվել ևս 7 անձի։ Տեղեկությունը հայտնում են ՀՀ քննչական կոմիտեից։Տարածված հաղորդագրության համաձայն` Սյունիքի մարզի Սիսիան համայնքի նախկին ղեկավար Արթուր Սարգսյանը,2016թ. հոկտեմբերի 7-ից զբաղեցնելով այդ պաշտոնը, շուրջ 10 մլն դրամի գնման ապօրինի մրցույթ է իրականացրել, որում հաղթող են ճանաչվել իր բարեկամները։Մասնավորապես, Սիսիանի երաժշտական դպրոցում ջեռուցման համակարգի տեղադրման մրցույթում քաղաքապետի հետ նախնական համաձայնությամբ պետք է հաղթող ճանաչվեր նրա եղբորը պատկանող ընկերությունը։ Համայնքի ղեկավարի եղբայրը մինչ մրցույթ հայտարարելն անձամբ ուսումնասիրել և ծանոթացել է նախագծա-նախահաշվային փաստաթղթերին:Սակայն 2016թ–ի դեկտեմբերի 23-ին, երբ գնման հրավերը հրապարակվել է էլեկտրոնային գնումների համակարգի կայքում, քաղաքապետի եղբոր ընկերությունը չի կարողացել մուտք գործել համակարգ, և նրա փոխարեն հայտ է ներկայացրել նրանց ընտանիքի կնքահորը պատկանող ՍՊ ընկերությունը, որը մրցույթով նախատեսված աշխատանքները կատարելու համար առաջարկել է 10.230.000 ՀՀ դրամ:Սյունիքի համայնքապետների բողոքների քննության հարցում կիրառվում է ընտրովի արդարադատությունՄասնակցության հայտ է ներկայացրել նաև մեկ այլ ընկերություն, որը մրցույթով նախատեսված աշխատանքները կատարելու համար առաջարկել է շատ ավելի ցածր գին` 6.598.950 ՀՀ դրամ:Համայնքի ղեկավարը, սակայն, հանձնաժողովի քարտուղարին հանձնարարել է ստեղծել նշված ընկերության հայտը մերժելու արհեստական հիմքեր։Արդյունքում մրցույթում առավել ցածր գին առաջարկած մասնակցի փոխարեն հաղթող է ճանաչվել բարձր գին առաջարկած՝ համայնքի ղեկավարի հետ փոխկապակցված ընկերությունը:Սիսիանի բյուջեից կապալառու կազմակերպությանը հատկացվել է 10.230.000 ՀՀ դրամ, որի հետևանքով Սիսիան համայնքին պատճառվել է 3.631.050 ՀՀ դրամի վնաս:ՔԿ–ում քննվող քրեական գործով մեղադրանքներ են առաջադրվել Սիսիան համայնքի ղեկավարին, նրա եղբորը, վերջինիս ընտանիքի կնքահորը, համայնքի ղեկավարի տեղակալին, համայնքապետարանի աշխատակազմի ֆինանսատնտեսական և եկամուտների հավաքագրման բաժնի պետին և երկու գլխավոր մասնագետներին։Ինչպես արդեն հայտնել ենք` Սիսիանի քաղաքապետի նկատմամբ որպես խափանման միջոց է կիրառվել կալանավորումը։Բացահայտված նոր հանգամանքներով` նրա եղբոր նկատմամբ կիրառվել է գրավը, մյուս մեղադրյալների նկատմամբ` չհեռանալու մասին ստորագրությունը:«Սահմանին լարված էր, իսկ Սոթքի համայնքապետը Երևանում էր. ես գնամ, դուք մտածեք». ՍանոսյանՀամայնքապետարանի ֆինանսա-տնտեսական և եկամուտների հավաքագրման բաժնի առաջատար մասնագետի նկատմամբ քրեական հետապնդումը համաներման հիմքով դադարեցվել է:7 մեղադրյալների մասով նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել է դատարան։Քրեական գործով էական նշանակություն ունեցող այլ հանգամանքներ պարզելու համար քրեական գործից անջատվել է առանձին մաս, որի նախաքննությունը շարունակվում է:Հիշեցնենք` Արթուր Սարգսյանը պատգամավորական մանդատ էր ստացել «Հայաստան» դաշինքնի ցուցակով արտահերթ ընտրություններին մասնակցության արդյունքում։Հուլիսի 13-ին ՀՀ գլխավոր դատախազությունը կենտրոնական ընտրական հանձնաժողով միջնորդություն էր ներկայացրել Սիսիանի համայնքապետ Արթուր Սարգսյանին անձեռնմխելիությունից զրկելու համար: Հուլիսի 15-ին ԿԸՀ–ն բավարարել էր միջնորդությունը, և Սարգսյանը ձերբակալվել էր։«Փոքր հաջողություն է»․ Գորիսի համայնքապետ Առուշ Առուշանյանի մեղադրանքը փոխվել էԱրթուր Սարգսյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը) և 314-րդ հոդվածի 1-ին մասով (պաշտոնեական կեղծիքը)։Սարգսյանն իրեն առաջադրված մեղադրանքը չի ընդունում։

https://arm.sputniknews.ru/20210820/zaritapi-hamaynqapety-antskacrel-28734999.html

https://arm.sputniknews.ru/20210814/vor-depqum-ishxanutyuny-kkaroxana-ir-teknatsunerin-hamaynqapet-kargel-syuniqum-28671702.html

https://arm.sputniknews.ru/20210809/kapani-hamaynqapetarani-ashxatakicneri-ashxatavardzer-kbarcranan-28613908.html

սիսիան

2021

Լուրեր

am_HY

հասարակություն , հայաստան, սիսիան, համայնքի ղեկավար, մեղադրանք, քննչական կոմիտե