https://arm.sputniknews.ru/20210820/inchu-e-armavirum-parberabar-srvum-vorogman-jri-xndir-meknabanum-e-marzpet-28732321.html
Ինչու է Արմավիրում պարբերաբար սրվում ոռոգման ջրի խնդիրը. մեկնաբանում է մարզպետը
Ինչու է Արմավիրում պարբերաբար սրվում ոռոգման ջրի խնդիրը. մեկնաբանում է մարզպետը
Sputnik Արմենիա
Արմավիրի մարզպետ Համբարձում Մաթևոսյանը Sputnik Արմենիայի եթերում անդրադարձել է ոռոգման ջրի խնդրին, բնակիչների բողոքներին և խնդրի առաջացման հիմնական... 20.08.2021, Sputnik Արմենիա
2021-08-20T23:42+0400
2021-08-20T23:42+0400
2021-08-20T23:37+0400
ռադիո
արմավիր
մարզպետ
ոռոգում
https://cdn.am.sputniknews.ru/img/2026/88/20268878_0:0:1601:901_1920x0_80_0_0_033d0a0fb3dce87d96bc169223d359da.jpg
Ինչու է Արմավիրում պարբերաբար սրվում ոռոգման ջրի խնդիրը` մեկնաբանում է մարզպետը
Sputnik Արմենիա
Ինչու է Արմավիրում պարբերաբար սրվում ոռոգման ջրի խնդիրը` մեկնաբանում է մարզպետը
Ոռոգման ջրի խնդիրն Արմավիրի մարզում կարևորագույններից է, քանի որ այն Հայաստանի ամենագյուղատնտեսական մարզն է, ապահովում է գյուղատնտեսական ՀՆԱ–ի ավելի քան 40 տոկոսը և հողերի մշակելիության ցուցանիշով գերազանցում է բոլոր մարզերին։ Արմավիրում նույնիսկ հողատարածքներ կան, որոնք գյուղացիները տարվա ընթացքում մշակում են երեք անգամ, հետևաբար ջրի պահանջարկը բավականին մեծ է, Sputnik Արմենիայի հետ զրույցում նման տեսակետ հայտնեց Արմավիրի մարզպետ Համբարձում Մաթևոսյանը։ Արմավիրի մարզպետարանը թեև խնդրի լուծման և մարզում ջրային ռեսուրսները կառավարելու հարցում լիազոր մարմին չի հանդիսանում, բայց և այնպես որոշ չափով մասնակցում է որոշումների կայացմանը և օժանդակություն ցուցաբերում հատկապես ջրօգտագործող ընկերություններին`փորձելով աջակցել, մասնավորապես, ենթակառուցվածքների նորոգման գործում։ Մարզպետն առանձնացրեց ոռոգման ջրի հետ կապված չորս հիմնական խնդիր։ Նախ` այս տարի գետերն ու ոռոգման աղբյուրները 40-50 տոկոսով սակավաջուր էին` ի տարբերություն նախորդ տարիների։ «Երկրորդ խնդիրն այն է, որ մենք մարզում ունենք մշակվող հողատարածքների կտրուկ աճ, և առհասարակ յուրաքանչյուր տարի գրանցվում է գյուղատնտեսական նշանակության հողատարածքների քանակի ավելացում, ինչը պայմանավորված է համապատասխան ծրագրի գործարկմամբ։ Մարզում հարյուրավոր կիլոմետրեր ձգվող ոռոգման ցանց է անցկացվել, և այն տարածքները, որոնք նախկինում անջրդի էին, հիմա դարձել են մշակվող, ուստի պահանջում են ոռոգում, առավել ևս, որ սեփականատերերը գալիք տարվանից իրականացնելու են գյուղատնտեսական աշխատանքներ։ Այս ամենն, ինչ խոսք, ավելացրել է ջրի պահանջարկի ծավալները»,– նշեց մարզպետը։Փաշինյան. Աղբը լցնում են ջրանցքներն ու բողոքում, որ ոռոգում չունենԸստ Մաթևոսյանի` երրորդ խնդիրն առնչվում է հիմնական օգտագործվող մշակաբույսերի փոփոխությանը, այսինքն` եթե նախկինում հացահատիկային ցանքեր կային, որոնք տարվա ընթացքում ոռոգվում էին երկու անգամ, հիմա նույն հողատարածքներում աճեցնում են բանջարաբոստանային կուլտուրաներ, ինչը պահանջում է ավելի շատ ջրի պաշարներ։ «Իրավիճակի սրացման պատճառ դարձած չորրորդ խնդիրն այն է, որ այս տարի ունեցանք օդի աննախադեպ բարձ ջերմաստիճան, ինչի արդյունքում հողի մակերևույթի ջերմաստիճանը հասնում էր մինչև 55 աստիճանի։ Հողի հովացման և հագեցման համար նախկինում նախատեսված ջրի քանակն այս տարի փոխվեց և պահանջվածից ավելի շատ էր։ Եթե նախկինում տարածքները պետք է ոռոգվեին երեք օրը մեկ, ինչպես ամեն տարի նախատեսում է պլանավորումը, ապա այս անգամ գյուղացիները ավելի շատ պահանջ ներկայացրին ՋՕ–երին՝ դաշտերի ու այգիների չորացման վտանգի առջև չկանգնելու համար»,– ասաց մարզպետը։Այդուհանդերձ Մաթևոսյանը վստահեցրեց, որ մարզում մշակվում են ծրագրեր, իսկ որոշներն արդեն ընթացքի մեջ են, որոնք նպատակ ունեն ջրի խնայողության ու ջրային ցանցի ենթակառուցվածքների նորոգման միջոցով զգալիորեն լուծել առկա խնդիրները։ Նշենք, որ Արմավիրի մարզի մի քանի համայնքների բնակիչներ այսօր նախ հավաքվել են Մրգաստան գյուղում ու պահանջել, որպեսզի Արմավիրի ջրօգտագործման ընկերության պատասխանատուները հստակ պատասխանեն, թե ե՞րբ են իրենց խոստացված ոռոգման ջուրը տրամադրելու։Ապա բնակիչները որոշ ժամանակով փակել են Էջմիածին–Աշտարակ ճանապարհը։ Երբ դեպքի վայր են ժամանել ոստիկանները, բանակցություններից հետո գյուղացիները բացել են ճանապարհը, սակայն շեշտել, որ եթե խնդիրը չլուծվի՝ իրենց կանանց ու երեխաների հետ են փակելու ճանապարհը։ Գյուղացիները բողոքում են, որ իրենց դաշտերի բերքը չորացել է։
https://arm.sputniknews.ru/20210629/katilayin-vorogman-hamakarg-hnaravor-klini-kirarel-miayn-nor-tnkvox-ayginerum-petrosyan-28113093.html
https://arm.sputniknews.ru/20180411/armenia-sevan-jrar-11377011.html
արմավիր
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արմավիր, մարզպետ, ոռոգում
արմավիր, մարզպետ, ոռոգում
Ինչու է Արմավիրում պարբերաբար սրվում ոռոգման ջրի խնդիրը. մեկնաբանում է մարզպետը
Արմավիրի մարզպետ Համբարձում Մաթևոսյանը Sputnik Արմենիայի եթերում անդրադարձել է ոռոգման ջրի խնդրին, բնակիչների բողոքներին և խնդրի առաջացման հիմնական դրդապատճառներին։
Ոռոգման ջրի խնդիրն Արմավիրի մարզում կարևորագույններից է, քանի որ այն Հայաստանի ամենագյուղատնտեսական մարզն է, ապահովում է գյուղատնտեսական ՀՆԱ–ի ավելի քան 40 տոկոսը և հողերի մշակելիության ցուցանիշով գերազանցում է բոլոր մարզերին։ Արմավիրում նույնիսկ հողատարածքներ կան, որոնք գյուղացիները տարվա ընթացքում մշակում են երեք անգամ, հետևաբար ջրի պահանջարկը բավականին մեծ է,
Sputnik Արմենիայի հետ զրույցում նման տեսակետ հայտնեց Արմավիրի մարզպետ Համբարձում Մաթևոսյանը։
Արմավիրի մարզպետարանը թեև խնդրի լուծման և մարզում ջրային ռեսուրսները կառավարելու հարցում լիազոր մարմին չի հանդիսանում, բայց և այնպես որոշ չափով մասնակցում է որոշումների կայացմանը և օժանդակություն ցուցաբերում հատկապես ջրօգտագործող ընկերություններին`փորձելով աջակցել, մասնավորապես, ենթակառուցվածքների նորոգման գործում։
Մարզպետն առանձնացրեց ոռոգման ջրի հետ կապված չորս հիմնական խնդիր։ Նախ` այս տարի գետերն ու ոռոգման աղբյուրները 40-50 տոկոսով սակավաջուր էին` ի տարբերություն նախորդ տարիների։
«Երկրորդ խնդիրն այն է, որ մենք մարզում ունենք մշակվող հողատարածքների կտրուկ աճ, և առհասարակ յուրաքանչյուր տարի գրանցվում է գյուղատնտեսական նշանակության հողատարածքների քանակի ավելացում, ինչը պայմանավորված է համապատասխան ծրագրի գործարկմամբ։ Մարզում հարյուրավոր կիլոմետրեր ձգվող ոռոգման ցանց է անցկացվել, և այն տարածքները, որոնք նախկինում անջրդի էին, հիմա դարձել են մշակվող, ուստի պահանջում են ոռոգում, առավել ևս, որ սեփականատերերը գալիք տարվանից իրականացնելու են գյուղատնտեսական աշխատանքներ։ Այս ամենն, ինչ խոսք, ավելացրել է ջրի պահանջարկի ծավալները»,– նշեց մարզպետը։
Ըստ Մաթևոսյանի` երրորդ խնդիրն առնչվում է հիմնական օգտագործվող մշակաբույսերի փոփոխությանը, այսինքն` եթե նախկինում հացահատիկային ցանքեր կային, որոնք տարվա ընթացքում ոռոգվում էին երկու անգամ, հիմա նույն հողատարածքներում աճեցնում են բանջարաբոստանային կուլտուրաներ, ինչը պահանջում է ավելի շատ ջրի պաշարներ։
«Իրավիճակի սրացման պատճառ դարձած չորրորդ խնդիրն այն է, որ այս տարի ունեցանք օդի աննախադեպ բարձ ջերմաստիճան, ինչի արդյունքում հողի մակերևույթի ջերմաստիճանը հասնում էր մինչև 55 աստիճանի։ Հողի հովացման և հագեցման համար նախկինում նախատեսված ջրի քանակն այս տարի փոխվեց և պահանջվածից ավելի շատ էր։ Եթե նախկինում տարածքները պետք է ոռոգվեին երեք օրը մեկ, ինչպես ամեն տարի նախատեսում է պլանավորումը, ապա այս անգամ գյուղացիները ավելի շատ պահանջ ներկայացրին ՋՕ–երին՝ դաշտերի ու այգիների չորացման վտանգի առջև չկանգնելու համար»,– ասաց մարզպետը։
Այդուհանդերձ Մաթևոսյանը վստահեցրեց, որ մարզում մշակվում են ծրագրեր, իսկ որոշներն արդեն ընթացքի մեջ են, որոնք նպատակ ունեն ջրի խնայողության ու ջրային ցանցի ենթակառուցվածքների նորոգման միջոցով զգալիորեն լուծել առկա խնդիրները։
Նշենք, որ Արմավիրի մարզի մի քանի համայնքների բնակիչներ այսօր նախ հավաքվել են Մրգաստան գյուղում ու պահանջել, որպեսզի Արմավիրի ջրօգտագործման ընկերության պատասխանատուները հստակ պատասխանեն, թե ե՞րբ են իրենց խոստացված ոռոգման ջուրը տրամադրելու։
Ապա բնակիչները որոշ ժամանակով փակել են Էջմիածին–Աշտարակ ճանապարհը։ Երբ դեպքի վայր են ժամանել ոստիկանները, բանակցություններից հետո գյուղացիները բացել են ճանապարհը, սակայն շեշտել, որ եթե խնդիրը չլուծվի՝ իրենց կանանց ու երեխաների հետ են փակելու ճանապարհը։ Գյուղացիները բողոքում են, որ իրենց դաշտերի բերքը չորացել է։
