https://arm.sputniknews.ru/20210819/mankatany-haytnvely-der-chi-nshanakum-te-erexan-entakae-vordegrman-28718512.html

Մանկատանը հայտնվելը դեռ չի նշանակում, թե երեխան ենթակա է որդեգրման. փոխնախարար

Մանկատանը հայտնվելը դեռ չի նշանակում, թե երեխան ենթակա է որդեգրման. փոխնախարար

Sputnik Արմենիա

Աշխատանքի և սոցիալական հարցերի նախարարությունը հստակեցնում է երեխաների իրավունքներին վերաբերող օրենսդրությունը։ Հիմնական նպատակը երեխային ընտանիքով ապահովելն... 19.08.2021, Sputnik Արմենիա

2021-08-19T15:11+0400

2021-08-19T15:11+0400

2021-08-19T15:17+0400

հասարակություն

հայաստան

մանկատուն

երեխա

որդեգրում

https://cdn.am.sputniknews.ru/img/07e5/08/13/28714450_0:0:1600:901_1920x0_80_0_0_0c997f3387cea458352de89d964de6c5.jpg

ԵՐԵՎԱՆ, 19 օգոստոսի – Sputnik. Հայաստանում գործող 5 մանկատներում շուրջ 485 երեխա է բնակվում, որոնցից որդեգրման ենթակա են միայն 230-ը։ Տեղեկությունն այսօր լրագրողների հետ զրույցում հայտնեց ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը։Նրա խոսքով`մանկատանը հայտնվելը դեռ չի նշանակում, թե երեխան ենթակա է որդեգրման։ Բանն այն է, որ մանկատանը խնամվող շատ երեխաներից նրանց կենսաբանական ծնողներն իրավաբանորեն չեն հրաժարվում։ Արդյունքում` երեխան փաստացի մնում է առանց ընտանիքի ու ծնողների, պետությունն էլ զրկվում է երեխային այլ` որդեգիր կամ խնամատար ընտանիքի հանձնելու իրավունքից։«Խոսքը միայն որդեգրումների մասին չէ, այլ երեխաների` ընտանիքում ապրելու, հնարավորինս ընտանեկանին մոտ միջավայրում մեծանալու հնարավորության մասին»,– ասաց Տաթևիկ Ստեփանյանը` հավելելով, որ երեխայի այս շահից բխող իրավունքի իրացմանն այսօր խոչընդոտում են նաև ոլորտի օրենսդրական բացերը։Օրենսդրական խնդիրները կարգավորելու և երեխաների իրավունքներին ուղղված ընթացակարգերը թափանցիկ դարձնելու, պարզեցնելու նպատակով ՀՀ աշխատանքի և սոցիալական հարցերի նախարարությունը` ՅՈՒՆԻՍԵՖ–ի հայաստանյան գրասենյակի աջակցությամբ մշակել է ՀՀ ընտանեկան օրենսգրքում և հարակից օրենքներում փոփոխություններ ու լրացումներ իրականացնելու մասին  ՀՀ օրենքների նախագծերի փաթեթ, որն այսօր ներկայացվեց հանրությանը։Գործող օրենսդրությունը նախատեսում է, որ իրավաբանորեն ծնող ունեցող, բայց իրականում ծնողական խնամքից զուրկ երեխաների հարցով մանկատունը պետք է դիմի դատարան` ծնողներին «անհայտ բացակայող» ճանաչելու համար, որից հետո երեխան իրավունք կստանա նոր ծնողներ ունենալու` մեծանալու որդեգիր կամ խնամատար ընտանիքում։ Օրենսդրական այս կարգավորումը, սակայն, սոցապ փոխնախարարի խոսքով, Հայաստանում գրեթե չի գործել։ 2010թ–ից ի վեր որևէ մանկատուն նման հայցով դատարան չի դիմել։Փոխարենը, ինչպես պարզվեց հարուցված քրեական գործերով, Հայաստանում տարիներ շարունակ երեխաների անօրինական որդեգրումներ են արվել, որոնցով երեխաները մեծամասամբ հանձնվել են արտասահմանցի որդեգիրներին։Երեխաների ապօրինի որդեգրումը բացառելու համար բուժաշխատողների հետ կրթական ծրագիր կանցկացվիՎերջին 2 տարիներին, Ստեփանյանի խոսքով, հայ փոքրիկները հիմնականում մնացել են Հայաստանում։ 2020թ–ին որդեգրված 33 երեխաներից միայն մեկն է որդեգրվել արտասահման։Բացի այդ, եթե նախկինում Հայաստանում խուսափում էին հաշմանդամություն ունեցող երեխաների որդեգրել, այսօր այդ բարդույթը ևս հաղթահարված է։«Մենք 2020 և 2021թ–ին բացառիկ դեպք ենք ունեցել, երբ ՀՀ–ում որդեգրվել են հաշմանդամություն ունեցող բալիկներ։ Սա աննախադեպ փաստ է»,– ասաց սոցապ փոխնախարարը։Նշենք, որ այս տարվա պաշտոնական տվյալներով` ՀՀ–ում 85 խնամատար ընտանիք է գրանցված, որտեղ ապրում են 95 երեխաներ։Օրենսդրական նոր փաթեթով հստակեցվել են նաև պատասխանատու մարմինների իրավասությունները երեխաների որդեգրման ու խնամատար ընտանիքներին հանձնելու դեպքերում։Հայաստանում ՅՈՒՆԻՍԵՖ–ի երեխայի իրավունքների մոնիթորինգի և գնահատման մասնագետ Աստղիկ Մարտիրոսյանը լրագրողների հետ զրույցում նշեց, որ գործող օրենսդրությունն իրականում դժվարացնում է երեխայի` մանկատնից դուրս գալու, կենսաբանական, խնամատար կամ որդեգիր ընտանիքին միանալու գործընթացը։«Նոր օրենքով` հաստատության աշխատակիցները պետք է կապ հաստատեն ընտանիքի բնակության վայրի խնամակալության, հոգաբարձության հանձնաժողովի հետ։ Ներգրավվածություն են ունենալու նաև մարզային պատասխանատուները»,– ասաց ՅՈՒՆԻՍԵՖ–ի ներկայացուցիչը` հավելելով, որ օրենքի փոփոխությունների ընդունումից հետո կարիք կլինի նաև ենթաօրեսդրական ակտերում ճշգրտումներ իրականացնելու։Հայաստանում ընտանիք կազմողների ու նորածինների թիվն ավելացել էՀիշեցնենք, ՀՀ Քննչական կոմիտեի վարույթում քննվող քրեական գործերով պաշտոնապես հայտարարվել է անօրինական որդեգրված 144 երեխաների մասին։ Նրանցից 114–ն ապօրինի որդեգրվել են 2005-2019 թվականներին։ Ընդ որում, քրեական գործի նյութերով որդեգրումների դիմաց վճարվել է շուրջ 1 միլիոն 800 հազար եվրո և 26 հազար դոլար կաշառք։Եվս 30 երեխա 2016-18 թվականներին ապօրինի գործընթացներով որդեգրվել են Իտալիա։ Այս գործով մեղադրյալներ են Հանրապետական ծննդատան տնօրեն Ռազմիկ Աբրահամյանը, նրա տեղակալ Արշակ Ջերջերյանը, ինչպես նաև` Մանկան տան տնօրեն Լիանա Կարապետյանը և ևս երկու քաղաքացի։

https://arm.sputniknews.ru/20210819/lqvac-noratsinneric-mekn-yntaniq-uni-myusy-der-mnume-hivandanocum-28715347.html

https://arm.sputniknews.ru/20210303/mip-y-hamakargayin-khndirner-e-bacahaytel-kharberdi-mankatany-26664156.html

2021

Լուրեր

am_HY

հասարակություն , հայաստան, մանկատուն, երեխա, որդեգրում