https://arm.sputniknews.ru/20210813/varkov-texnika-kendanien-gnel-chen-karoxanum-vjarel-sahmanamerdz-tex-28666777.html
Վարկով տեխնիկա և կենդանի են գնել և չեն կարողանում վճարել. սահմանամերձ Տեղից ահազանգում են
Վարկով տեխնիկա և կենդանի են գնել և չեն կարողանում վճարել. սահմանամերձ Տեղից ահազանգում են
Sputnik Արմենիա
Բանկերը կամ վարկային կազմակերպությունները հաշվի չեն առնում նրանց վիճակը` պահանջելով վարկերի գումարներն ու տոկոսները։ 13.08.2021, Sputnik Արմենիա
2021-08-13T22:40+0400
2021-08-13T22:40+0400
2021-08-13T22:53+0400
հասարակություն
հայաստան
սյունիք
տեղ
ադրբեջան
կենդանի
տեխնիկա
վարկ
բանկ
արման թաթոյան
https://cdn.am.sputniknews.ru/img/07e5/07/07/28202782_0:0:1600:906_1920x0_80_0_0_68621413e215747ab2544e11a5054383.jpg
ԵՐԵՎԱՆ, 13 օգոստոսի – Sputnik. Սյունիքի մարզի Տեղ համայնքի բնակիչները չեն կարողանում վճարել վարկերը, ադրբեջանական զինված ուժերի արարքների պատճառով զրկվել են հողատարածքներից ու կենդանիներից։ Ֆեյսբուքյան իր էջում նման գրառում է արել մարդու իրավունքների պաշտպան Արման Թաթոյանը, որը հանդիպել է Տեղ համայնքի բնակիչներին։Որպես հիմնական խնդիր՝ բնակիչները նշել են, որ զրկվել են իրենց պատկանող կամ վարձակալած հողատարածքներից, որոնք մշակելու համար բանկերից կամ վարկային կազմակերպություններից վերցրել են վարկեր։ Սակայն ադրբեջանական զինծառայողների՝ իրենց տարածքում անօրինական ներկայության պատճառով մշակված հողատարածքներից չեն կարողացել ստանալ բերքը:Ադրբեջանական վերահսկողության տարածքներում է մնացել նաև մարդկանց պատկանող գյուղտեխնիկան:Բացի այդ, բնակիչները վարկեր են վերցրել նաև անասնապահությամբ զբաղվելու նպատակով. գնել են խոշոր կամ մանր եղջերավոր կենդանիներ, կառուցել են շինություններ ու անասնագոմեր:Խոտ էր, սահմանը չէր երևում. Սյունիքի Տեղ գյուղում 2 կմ–անոց սահման է գծվելԲայց պատերազմական գործողությունների ընթացքում մարդկանց կենդանիները կա՛մ ոչնչացվել են ադրբեջանական զինված ուժերի հարձակումների պատճառով, կա՛մ գողացել են այդ երկրի զինծառայողները: Զինված հարձակումների դադարից հետո նրանց մի մասի կենդանիները մնացել են ադրբեջանական վերահսկողության տարածքներում, և ադրբեջանական ԶՈւ–ն հրաժարվում է վերադարձնել (օրինակ՝ մի դեպքում չեն վերադարձրել 120 մանր եղջերավոր կենդանի, մյուս դեպքում՝ 18 խոշոր եղջերավոր կենդանի և այլն):Ի՞նչը կդրդի Իրանին`կասեցնելու Սյունիքի հանդեպ ագրեսիան. Միսակյանը` տարածաշրջանի մասինՍտեղծված իրավիճակում մարդիկ վարկերը և տոկոսադրույքները վճարելու համար եկամուտ չունեն, իսկ բանկերը կամ վարկային կազմակերպությունները հաշվի չեն առնում նրանց վիճակը` պահանջելով վարկերի գումարներն ու տոկոսները:Հիշեցնենք, որ ըստ Կենտրոնական բանկի հրապարակած զեկույցի` Հայաստանի բանկերը հունիսի 1-ի դրությամբ ներել են զինվորականների և նրանց ընտանիքների վարկերը՝ մոտ 2,5 մլրդ դրամի (մոտ 5 մլն դոլար) չափով: Ներվել են մարտական գործողություններում զոհվածների ընտանիքների, ինչպես նաև հաշմանդամություն ձեռք բերած զինվորականների վարկերը։
https://arm.sputniknews.ru/20210803/rd-sahmanapahnery-masnakioren-texakayvelen-syunikum-kopirkin-28541895.html
սյունիք
տեղ
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2021
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հասարակություն , հայաստան, սյունիք, տեղ, ադրբեջան, կենդանի, տեխնիկա, վարկ, բանկ, արման թաթոյան, հհ միպ
հասարակություն , հայաստան, սյունիք, տեղ, ադրբեջան, կենդանի, տեխնիկա, վարկ, բանկ, արման թաթոյան, հհ միպ
Վարկով տեխնիկա և կենդանի են գնել և չեն կարողանում վճարել. սահմանամերձ Տեղից ահազանգում են
22:40 13.08.2021 (Թարմացված է: 22:53 13.08.2021) Բանկերը կամ վարկային կազմակերպությունները հաշվի չեն առնում նրանց վիճակը` պահանջելով վարկերի գումարներն ու տոկոսները։
ԵՐԵՎԱՆ, 13 օգոստոսի – Sputnik. Սյունիքի մարզի Տեղ համայնքի բնակիչները չեն կարողանում վճարել վարկերը, ադրբեջանական զինված ուժերի արարքների պատճառով զրկվել են հողատարածքներից ու կենդանիներից։
Ֆեյսբուքյան իր էջում նման գրառում է արել մարդու իրավունքների պաշտպան Արման Թաթոյանը, որը հանդիպել է Տեղ համայնքի բնակիչներին։
Որպես հիմնական խնդիր՝ բնակիչները նշել են, որ զրկվել են իրենց պատկանող կամ վարձակալած հողատարածքներից, որոնք մշակելու համար բանկերից կամ վարկային կազմակերպություններից վերցրել են վարկեր։ Սակայն ադրբեջանական զինծառայողների՝ իրենց տարածքում անօրինական ներկայության պատճառով մշակված հողատարածքներից չեն կարողացել ստանալ բերքը:
Ադրբեջանական վերահսկողության տարածքներում է մնացել նաև մարդկանց պատկանող գյուղտեխնիկան:
Բացի այդ, բնակիչները վարկեր են վերցրել նաև անասնապահությամբ զբաղվելու նպատակով. գնել են խոշոր կամ մանր եղջերավոր կենդանիներ, կառուցել են շինություններ ու անասնագոմեր:
Բայց պատերազմական գործողությունների ընթացքում մարդկանց կենդանիները կա՛մ ոչնչացվել են ադրբեջանական զինված ուժերի հարձակումների պատճառով, կա՛մ գողացել են այդ երկրի զինծառայողները: Զինված հարձակումների դադարից հետո նրանց մի մասի կենդանիները մնացել են ադրբեջանական վերահսկողության տարածքներում, և ադրբեջանական ԶՈւ–ն հրաժարվում է վերադարձնել (օրինակ՝ մի դեպքում չեն վերադարձրել 120 մանր եղջերավոր կենդանի, մյուս դեպքում՝ 18 խոշոր եղջերավոր կենդանի և այլն):
Ստեղծված իրավիճակում մարդիկ վարկերը և տոկոսադրույքները վճարելու համար եկամուտ չունեն, իսկ բանկերը կամ վարկային կազմակերպությունները հաշվի չեն առնում նրանց վիճակը` պահանջելով վարկերի գումարներն ու տոկոսները:
Հիշեցնենք, որ ըստ Կենտրոնական բանկի հրապարակած զեկույցի` Հայաստանի բանկերը հունիսի 1-ի դրությամբ ներել են զինվորականների և նրանց ընտանիքների վարկերը՝ մոտ 2,5 մլրդ դրամի (մոտ 5 մլն դոլար) չափով: Ներվել են մարտական գործողություններում զոհվածների ընտանիքների, ինչպես նաև հաշմանդամություն ձեռք բերած զինվորականների վարկերը։
