«Զինուժ մեդիան» բացառիկ կադրեր է հրապարակել այս գիշեր Գեղարքունիքում ադրբեջանական հարձակման ենթարկված դիրքից, զրույցել սպայական կազմի հետ։
Գեներալներից մեկը նշում է, որ մեր զինծառայողները ոնց եղել են, էդպես էլ կան` «արյան գնով, հոգով մինչև վերջ կանգնած տղերք են»։
Գումարտակի հրամանատար Վոլոդյա Սողոմոնյանի խոսքով`մարտական դիրքի անձնակազմը մինչև վերջ մարտ է վարել, պահել է հարևան դիրքի մատույցները, մինչև որ գումարտակն իր ուժերով կազմակերպել է հակագրող և հակառակորդին կորուստներ պատճառելով, հետ շպրտել նախնական դիրքեր։
«Այս պահին իրավիճակը հարաբերական կայուն է, որովհետև ինչպես տեսանք` հակառակորդին հնարավոր չէ վստահել»,–ասաց նա։
Սա այն մարտական դիրքն է, որը հայերը հետ են վերցրել ադրբեջանցիներից. բացառիկ լուսանկարներ
Դասակի հրամանատար Հայկազ Գրիգորյանն էլ նշում է, թե ինչպես են դիրքը գրավել։
«Մեր ստորաբաժանման կազմով, մարտավարություն մշակելով, հակառակորդին շրջանցելով, թևանցելով, դիրքը հետ ենք գրավել»,–ասում է Գրիգորյանը։
Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։
Ադրբեջանական ստորաբաժանումները, տալով կորուստներ, հետ են շպրտվել. ՊՆ
Հայկական կողմն ունի երեք զոհ, չորս վիրավոր։
