ԵՐԵՎԱՆ, 23 հուլիսի – Sputnik. YouTube–ն ամբողջությամբ կոմերցիոն նախագիծ է, որը շահագրգռված չէ որևէ գաղափարախոսություն տարածելու հարցում, այլ միտված է միայն բաժանորդներ ներգրավելուն։ Այս մասին Sputnik Արմենիա մուլտիմեդիոն մամուլի կենտրոնում հայ գործընկերների հետ ինտերակտիվ հանդիպման ընթացքում ասաց «Քաղաքական Ռուսաստան» ցանցային հասարակական-քաղաքական ամսագրի գլխավոր խմբագրի տեղակալ Բորիս Պերվուշինը` ներկայացնելով հայտնի հարթակում նոր ալիքի զարգացման մեթոդները։
Նրա խոսքով` YouTube–ին ձեռնտու է առաջ մղել իր բաժանորդների տեսանյութերը գովազդից եկամուտ ստանալու համար։ Այս տեսանկյունից ալիքի և բուն հարթակի հեղինակների նպատակները համընկնում են, այդ իսկ պատճառով նրանց համագործակցությունը փոխշահավետ է։
Ի դեպ, հազար դիտման համար Հայաստանում կարելի է վաստակել 30 ցենտ, Ուկրաինայում՝ գրեթե 1 դոլար, Ռուսաստանում՝ 2.5 դոլար։
Ինչպե՞ս զրոյից առաջխաղացում ապահովել տեսահոլովակների ու ալիքի համար։
«Ողջ բովանդակությունը, որը ներբեռնվում է YouTube, ալգորիթմներով է մշակվում։ Մոդերատորները սկսում են գործել միայն ծայրահեղ դեպքերում, երբ անհրաժեշտ է որևէ բան ստուգել։ Հետևաբար, այդ ալգորիթմներին, այսինքն ռոբոտներին, կարևոր է բացատրելը, որ ձեր կոնտենտը հենց այն է, ինչը կօգնի YouTube–ին գումար աշխատել»,– ասաց Պերվուշինը։
Վերցրեցի հիշողությունն ու գդալները. արցախցի Լյոկան 3 անգամ տուն է կորցրել, բայց չի կոտրվել
Ռոբոտը տեսանյութի բովանդակությունը չի հասկանում, բայց կոնտենտի գնահատման որոշ գործիքներ ունի, որոնք օգնում են պարզել, թե արդյոք հնարավոր է դրա վրա գումար աշխատել։ Անկախ կոնտենտի բովանդակությունից՝ այն կարող է դուր գալ ռոբոտին, ու առաջ մղվել ավտոմատ կերպով։ Այդպիսով, ալգորիթմն այն է, ինչի վրա պետք է կողմնորոշվել հայտնի հարթակում տեսանյութի դիտումները խթանելու համար։
Ի՞նչ ցուցանիշներ են դրանք և ինչպե՞ս YouTube–ի ալգորիթմի համար «յուրային» դառնալ։
Փորձագետը 3 չափորոշիչ է թվարկել։
Փոխգործակցություն. այսինքն այն, թե ինչպես են օգտատերերը փոխգործակցում ալիքի վրա ներբեռնած ձեր տեսանյութի հետ։
Մեդիամասնագետը նշում է, որ դա առաջնային, սակայն ոչ ամենաազդեցիկ չափորոշիչն է. «Թող որ այն կարևոր չափորոշիչ է, բայց YouTube–ը դրան առանձնակի ուշադրություն չի դարձնում, քանի որ մեկնաբանությունները, լայքերն ու դիսլայքերը միշտ կարելի է ավելացնել գումարի դիմաց, այն դեպքում, երբ հարթակը շահագրգռված է իրական մարդկանց դիտումների մեջ, որոնք կարող են արձագանքել գովազդին»։
Լայքերն ու դիսլայքերը գրեթե հավասար են գնահատվում։ Բայց եթե դիսլայքերը գերակշռում են, ապա այստեղ կարող են միջամտել մոդերատորները` դրանից ելնող խնդիրներով։ Այդ պատճառով լավ է ձգտել, որ լայքերն ավելի շատ լինեն։
Դիտման խորությունը. դա ալիքի խթանման գլխավոր բանալին է։ Այն ենթադրում է, որ օգտատերն առանց առաջ տալու և արագացնելու դիտի տեսանյութը մինչև վերջ։
«Դիտման խորությունը հիմնական չափորոշիչն է YouTube–ի ալգորիթմի հետ ընկերանալու համար։ Այն, ըստ էության, դիտողի կարծիքն է. եթե նա տեսանյութը դիտել է մինչև վերջ, նշանակում է, որ այն նրան հետաքրքրել է։ Իսկ դա իր հերթին ալգորիթմի համար կնշանակի, որ ձեր կոնտենտը լավն է։ Այդ դեպքում սյն անձամբ կխթանի ձեր տեսանյութը»,– ասաց Պերվուշինը։
Ըստ նրա` 50% խորությունը, այսինքն տեսանյութի վրա սեղմած և մինչև վերջ այն դիտած բոլոր մարդկանց կեսը, շատ լավ ցուցանիշ է համարվում։
Քլիք/Դիտում. Փոխգործակցություն ցուցադրումների քանակի հետ, այսինքն YouTube–ի կողմից համապատասխան տեսանյութերը ընտրություն։
«Այդ կերպ ռոբոտը կարող է ձեր տեսանյութը «հրամցնել» նրանց, ովքեր հետաքրքրվել են տվյալ թեմատիկայով։ Եվ եթե մարդիկ սեղմում են դրա վրա, այն կշարունակի գործել նույն կերպ։ Դա էլ հենց կոչվում է YouTube–ի խթանում։ Սա է հիմնական տրամաբանությունն ու բանաձևը, որը թույլ կտա գումար վաստակել YouTube–ում»,– հավելեց փորձագետը։
Միևնույն ժամանակ տեսանյութը պետք է հետաքրքիր և դինամիկ լինել, որպեսզի դիտողը չձանձրանա։ Այդ առումով շատ օգտակար են «Ռոսիա սեգոդնյա» ՄՏԳ-ի Մեդիադիզայնի վարչության օպերատիվ գրաֆիկայի բաժնի դիզայներ Եվգենի Կոսենկոյի խորհուրդները։
«YouTube ալիքի ձևավորումը շատ նման է հեռուստատեսային ալիքի ձևավորմանը։ Բայց քանի որ YouTube–ը ինտերնետ հարթակ է, այստեղ անհրաժեշտ են, այսպես կոչված, «դրդող գործողություններ», այսինքն՝ ինտերակտիվ, որը կհետաքրքիր դիտողին», – ասաց փորձագետը։
Նրա խոսքով` շատ կարևոր է ալիքի առաջին դրվագը, որը կմնա դիտողի հիշողության մեջ, ինչպես նաև մոնտաժային կադրի բազմազանությունն ու ենթագրերը` խոսնակների և մասնակիցների անուններն ու պաշտոնները։
«Մոնտաժային «ընդհատող» կադրերն անհրաժեշտ են նրա համար, որպեսզի առանձնացվեն տեսանյութի իմաստային մասերը։ Գրաֆիկական ձևավորման դեպքում շատ կարևոր է կողմնորոշվել թեմատիկայի, ինչպես նաև ալիքի թիրախային լսարանի հարցում»,– նշեց նա։
Google-ը փոխում է համացանցում տեղեկություն որոնելու սկզբունքները
Հետաքրքիր է, որ տեսանյութի որակը որևէ նշանակություն չունի նրա խթանման հարցում։ Այնուամենայնիվ, Կոսենկոյի խոսքով, այն բարելավելու մի շարք եղանակներ կան։
«Եթե պատկերի կետայնությունը ցածր է, կարելի է օգտվել կոնկրետ ինտերնետային ծառայություններից, որոնք կբարելավեն որակը»,– հավելեց մասնագետը։
Նախագծի մասին
SputnikPro-ն Sputnik միջազգային տեղեկատվական գործակալության և ռադիոյի նախագիծն է լրագրողների, պրոֆիլային բուհերի ուսանողների, մամուլի ծառայությունների աշխատակիցների և մեդիաոլորտի այլ մասնագետների համար։ Նպատակը` արտասահմանյան գործընկերների հետ փորձի փոխանակում, մեդիահաղորդակցության և մասնագիտական կապերի զարգացում։ Նախագիծն իրականացվում է 2018 թ․-ի մարտից։ Այդ ընթացքում SputnikPro վարպետության դասեր են անցկացվել Աբխազիայում, Ադրբեջանում, Հայաստանում, Բելառուսում, Մոլդովայում, Հունաստանում, Վրաստանում, Հնդկաստանում, Չինաստանում, Ղրղզստանում, Թուրքիայում, Էստոնիայում և Հարավային Օսեթիայում:
