Հայաստանում այսօր նշում են Վարդավառը կամ Քրիստոսի պայծառակերպության տոնը։ Վաղ հեթանոսական շրջանից գոյություն ունեցող և Աստղիկ աստվածուհուն նվիրված այս տոնն այնքան սիրված էր ժողովրդի կողմից, որ քրիստոնեության ընդունումից հետո Հայ Առաքելական եկեղեցին այն քրիստոնեացրեց, դարձրեց 5 տաղավար տոներից մեկը` Քրիստոսի պայծառակերպությունը։
Այսօրը Հայ Առաքելական բոլոր եկեղեցիներում հնչում է Սուրբ պատարագ։ Իսկ տոնի սիրված` ժողովրդական ավանդույթը` միմյանց ջրելն և ջրային խաղեր խաղալը, պահպանվել են առ այսօր։
Հայաստանի տարբեր բնակավայրերում այսօր կարելի էր տեսնել իրար ջրող կամ ջրից փախչող մարդկանց։ Հայկական Վարդավառը շատ է դուր գալիս նաև այդ օրերին այստեղ գտնվող զբոսաշրջիկներին։ Շատերը մեր երկրից մեկնելուց հետո ամենաշատը հենց Վարդավառի մասին են պատմում։
Sputnik Արմենիան ներկայացնում է այսօրվա Վարդավառի ամենավառ և ուրախ կադրերը։
