ԵՐԵՎԱՆ, 6 հուլիսի - Sputnik. Առաջիկա շաբաթների ընթացքում՝ մինչ հուլիսի վերջ, 12 օր Մեղրիում կրակային զորավարժություններ են անցկացվելու։ Տեղեկությունը հայտնում է Մեղրիի համայնքապետարանը Facebook-ի պաշտոնական էջում։
6 հուլիսի 2021, 21:17
Զորավարժություններն անցկացվելու են ռուսական սահմանապահ զորամասի հրաձգարանում։
«Տեղեկացնում ենք, որ հուլիսի 7-ին, 8-ին, 12-ին, 13-ին, 14-ին, 15-ին, 19-ին, 20-ին, 21-ին, 22-ին, 27-ին և 28-ին ռուսական սահմանապահ զորամասի հրաձգարանում կատարվելու են կրակային զորավարժություններ»,- նշված է հաղորդագրության մեջ։
Մեղրիի համայնքապետարանի պատասխանատուները հորդորում են կրակոցների ձայներ լսելու դեպքում հանրության շրջանում անհարկի խուճապ չառաջացնել:
Աշխատանքներ են տարվում Ադրբեջանի հետ սահմանին ռուս սահմանապահներ տեղակայելու համար
