ԵՐԵՎԱՆ, 6 հուլիսի – Sputnik. Հայաստանում արևային պանելների արտադրության մեջ ռուսական ընկերությունների մասնակցության հնարավորության հարցը քննարկել են ՀՀ էկոնոմիկայի նախարարի պաշտոնակատար Վահան Քերոբյանը և ՌԴ արդյունաբերության և առևտրի նախարար Դենիս Մանտուրովը։ Տեղեկությունը ֆեյսբուքյան իր էջում հրապարակել է Քերոբյանը` մանրամասներ հայտնելով ռուսաստանյան այցի մասին։
![Քերոբյանը մանրամասներ է հայտնել ռուսաստանյան այցից Քերոբյանը մանրամասներ է հայտնել ռուսաստանյան այցից - Sputnik Արմենիա, 1920, 06.07.2021](https://cdn.am.sputniknews.ru/img/07e5/07/06/28181857_0:0:1000:667_1920x0_80_0_0_b7aadb73fd0cff45b41ca9af635f764b.jpg)
Նա հայտնել է, որ ջերմ բարեկամական մթնոլորտում քննարկել են մի շարք կարևոր հարցեր, որոնք ուղղված են Հայաստան-ՌԴ առևտրատնտեսական հարաբերությունների և արդյունաբերության ոլորտում համագործակցության խորացմանը։
Ինչ պետք է անի կառավարությունը արտագաղթը կանխելու համար. Քերոբյանը` ընտրությունների մասին
«Քննարկման ընթացքում անդրադարձել ենք 2020թ․-ին Հայաստանի և Սվերդլովսկի մարզի միջև համատեղ ստեղծված աշխատանքային խմբի աշխատանքների ակտիվացմանը»,–գրել է Քերոբյանը։
Բացի այդ, երկու երկրների նախարարները քննարկել են Հայաստանի ազատ տնտեսական գոտիներում ռուսական ընկերությունների գործունեության ծավալման հեռանկարները։
![Քերոբյանը մանրամասներ է հայտնել ռուսաստանյան այցից Քերոբյանը մանրամասներ է հայտնել ռուսաստանյան այցից - Sputnik Արմենիա, 1920, 06.07.2021](https://cdn.am.sputniknews.ru/img/07e5/07/05/28175177_0:0:720:960_1920x0_80_0_0_dbde3912d72696d9006db9bacfe97593.jpg)
Հիշեցնենք, որ Քերոբյանն աշխատանքային այցով գտնվում է Ռուսաստանում։ Նա մասնակցում է «Իննոպրոմ-2021» միջազգային արդյունաբերական 11-րդ ցուցահանդեսին և ցուցահանդեսի շրջանակներում կազմակերպվող միջոցառումներին։