ԵՐԵՎԱՆ, 28 հունիսի - Sputnik. Այսօր խոշոր ավտովթար է տեղի ունեցել Գեղարքունիքի մարզում։ ՀՀ արտակարգ իրավիճակների նախարարության մամուլի ծառայությունը հայտնում է, որ ժամը 18։30-ին Ճգնաժամային կառավարման կենտրոնն ահազանգ է ստացել, որ Հայրավանք գյուղի մոտակայքում տեղի է ունեցել ՃՏՊ։
«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։
Պարզվել է, որ Սևան-Մարտունի-Գետափ ավտոճանապարհի 23-րդ կմ-ին բախվել են «Opel Astra» (վարորդ՝ Լ․ Հ․, ծնված 1961 թ.) և «Renault» (վարորդ՝ Ա․ Ա․, ծնված 1997 թ․, ՌԴ քաղաքացի) մակնիշների ավտոմեքենաները․ «Opel Astra» մակնիշի ավտոմեքենայի վարորդը և ուղևոր Հ․ Ս․-ն (ծնված 1961 թ.) տեղում մահացել են:
Մինչ փրկարարների` կանչի վայր հասնելը «Renault» մակնիշի ավտոմեքենայի վարորդը և ուղևորներ Կ․ Կ․ Ս․-ն (ծնված 1998 թ., ՌԴ քաղաքացի), Մ․ Չ․ Կ․-ն (ծնված 1996 թ., ՌԴ քաղաքացի) և Մ․ Յ․ (ծնված 1997 թ., Ուկրաինայի քաղաքացի) շտապօգնության ավտոմեքենայով և տեղի ուժերով տեղափոխվել են Գավառի ԲԿ, այնուհետև՝ Երևանի «Միքայելյան վիրաբուժության ինստիտուտ» ՓԲԸ, «Արմենիա» ՀԲԿ, «Էրեբունի» ԲԿ և «Իզմիրլյան» ԲԿ:
Փրկարարները հոսանքազրկել են ավտոմեքենաները, «Opel Astra» մակնիշի ավտոմեքենայի ուղևոր Շ․ Ն․-ին (ծնված 1962 թ.) դուրս բերել ավտոմեքենայից և մոտեցրել շտապօգնության ավտոմեքենային․ վերջինս հոսպիտալացվել է Գավառի ԲԿ։
Shamshyan.com-ի տեղեկություններով՝ դեպքի վայր է մեկնել նաև մարզպետ Գնել Սանոսյանը։
