ԵՐԵՎԱՆ, 27 հունիսի - Sputnik. Հնդկաստանի վիրուսաբանության ազգային ինստիտուտի մասնագետներն առաջին անգամ չղջիկների մոտ Նիպահ վիրուս են հայտնաբերել, որը մահացու վտանգ է ներկայացնում մարդու համար: Այս մասին գրում է The Indian Express-ը։
Հնդիկ գիտնականների կողմից հայտնաբերված վիրուսը բնության մեջ առկա է չղջիկների մոտ։ Վիրուսը մարդկանց մոտ կարող է առաջացնել ծանր հիվանդություն, որն ընթանում է ուղեղի բորբոքմամբ (encephalitis) կամ շնչառական հիվանդություններով։ Մարդիկ կարող են վարակվել, ասենք, մրգերից, որոնց վրա հայտնվել է հիվանդ կենդանու թուք։
Ինչպես նշում է հրատարակությունը, Նիպահ վիրուսի դեմ պատվաստանյութ կամ դեղորայք չկա, իսկ վարակվածների շրջանում մահացության մակարդակը կազմում է 40-75 տոկոս:
Հնդկաստանում վիրուսը լուրջ մտահոգություն է առաջացնում, քանի որ չղջիկների կուտակման վայրերը շատ տարածված են խիտ բնակեցված շրջաններում։
Հնդկաստանում կորոնավիրուսի նոր մուտացիայի դեպքեր են գրանցվել
